blaðið - 18.07.2007, Blaðsíða 5

Bíræfinn ökumaður
Fangelsaður fyrir spagettíát
Það eru ótrúlegustu hlutir sem
ökumenn bifreiða taka upp á en
fátt er jafn heimskulegt og að
borða undir stýri. Hollending-
urinn Martin Veens lenti heldur
betur í kröppum dansi á dögunum
þegar hann var handtekinn í Bret-
landi fyrir glæfralegan akstur en
hann var að gæða sér á spagettíi
um leið og hann stýrði sínum 40
tonna flutningabíl á A55-veginum
í Flintshire.
Stýrði með hnjánum
Veens, sem var að fly tja kjúklinga-
hræ til Nottingham, hafði hitað sér
þennan dýrindis málsverð á meðan
verið var að ferma bílinn en hafði
ekki tíma til að fá sér í svanginn
fyrr en hann var lagður af stað.
Lögreglan í Wales fékk ábendingu
um flutningabíl sem ók mjög skryk-
kjótt eftir þjóðveginum og þegar
nánar var að gáð kom í ljós að Ve-
ens var önnum kafinn við að borða.
Önnur höndin hélt á diski fullum
af spagettíi, hin hélt á gafflinum
og þar sem fleiri hendur voru ekki
í bílnum notaði hann hnén til að
stýra.
Átta vikur í steininum
Veens játaði fyrir rétti að aksturs-
lag sitt hafi verið glæfralegt og var
hann dæmdur í átta vikna fangelsi
og var sviptur ökuréttindum í eitt
ár. Þar að auki þarf hann að taka
meiraprófið upp á nýtt að árinu
liðnu. Geraint Anwyl, yfirlögreglu-
þjónn hjá lögreglunni í Norður-Wa-
les, fagnaði þessum dómi. „Þetta
er enn eitt dæmi um óviðunandi
og hættulega hegðun vörubílstjóra
sem ferðast á vegunum okkar. Það
sem er óhugnanlegast er að þetta er
ekki einstakt tilfelli."
Bragðgóður réttur en þó
ekki svo góður að hann sé
fangelsisvistarinnar virði.
iMHMIIM
Of kynþokka-
full í strætó
Það virðast allir hafa skoðun
á því hvað sé kynþokka-
fullt og hvað ekki. Það sem
einum finnst vera mjög kyn-
þokkafullt getur öðrum þótt
það alls ekki. Margir ganga
þó svo langt að segja að
kynþokkafullt fólk geti haft
truflandi áhrif á vinnandi
fólk. Það kom heldur betur í
Ijós í Þýskalandi á dögunum
því þýskur strætisvagnstjóri
sem starfar í bænum Lindau
hótaði að henda tvítugri
konu út úr vagninum sem
var þar farþegi. Konan
sem varð fyrir þessu heitir
Debora C. Hún sagði við
fjölmiðla eftir atvikið að
bílstjórinn hafi mjög skyndi-
lega stöðvað vagninn. Þá
hafi hann opnað dyrnar og
öskrað á sig: „Brjóstaskoran
þín hefur mjög truflandi
áhrif á mig. Því í hvert skipti
sem ég lít í baksýnisspegil-
inn þá get ég ekki einbeitt
mér að akstrinum og umferð-
inni. Ef þú sest ekki annars
staðar í vagninn neyðist
ég til þess að vísa þér út úr
vagninum.“
Konan sagðist hafa eftir
þessi miklu hróp og köll
mannsins staðið upp og sest
í annað sæti í vagninum. En
henni hafi þó liðið mjög illa
vegna framferðis mannsins
og fannst henni að hún hafi
orðið fyrir mjög mikilli nið-
urlægingu vegna hans.
Haft var samband við tals-
mann stætisvagnafyrirtækis-
ins eftir þetta atvik og sagð-
ist hann verja vagnstjórann.
„Vagnstjórinn hefur skýra
heimild til að gera þetta
og ég tel að hann hafi gert
það sem var rétt í stöðunni.
Vagnstjórar mega ekki verða
fyrir truflun á meðan á
akstri stendur því það getur
skapað mjög mikla hættu
fyrir alla farþegana,“ bætti
hann við að Iokum.
ÚRVAL VINNUVÉLA OG TÆKJA
Þegar fjárfesta á í vinnuvélum er ómetanlegt að sérfróðir
fagaðilar séu með í ráðum. Við hjá MEST fylgjum viðskipta-
vinum okkar alla leið og veitum honum alhliða fagþjónustu
og tækniráðgjöf varðandi vinnuvélarnar okkar. Hjá MEST fæst
mikið úrval véla og tækja, þar á meðal Bomag, Liebherr og
Yanmar vinnuvélar.
Láttu þaulreynt fagfólk aðstoða þig.
Hafðu samband við söludeild véla & tækja á Malarhöfða 10
í síma 4 400 540 og aflaðu þér upplýsinga
- allt til bygginga
111
mesT
Malarhöfða 10,110 RVK