blaðið - 21.07.2007, Blaðsíða 24

24
LAUGARDAGUR 21. JÚLÍ 2007
blaóió
-Hr
blaöi
Það sem hafa ber í huga varðandi andlát og útför
Auglýsingasíminn er
510 3744
Kistur • Krossar • Sálmaskrár • Duftker • Blóm • Fáni • Gestabók • Erfidrykkja • Prestur
Kirkja • Legstaður • Tónlist • Hlkynningar í fjölmiðla • Landsbyggðarþjónusta • Líkflutningar
áföstudögum
Galdurinn hennar
J.K. Rowling
Fyrir tíu árum síðan hefði ég
viljað reka bókaútgáfu. Þá hitti ég
á förnum vegi einn af helstu starfs-
mönnum hjá stóru bókaforlagi á
íslandi, þann starfsmann sem var
yfir barnabókunum hjá viðkom-
andi forlagi. Og ég spurði hvað væri
á döfinni og fékk nokkur nöfn á
bókum sem forlagið ætlaði að gefa
út um næstu jól.
„En þessi Harry Potter?“ spurði
ég. „Eruði ekkert að pæla í honum?“
Þá var fyrsta bókin um Harry
Potter tiltölulega nýkomin út í
Bretlandi. Ég hafði rekist hér og
hvar í breskum blöðum á fregnir af
bókinni og þótt það væri enn langt
í að þetta sköpunarverk J.K. Row-
ling legði undir sig heiminn, þá var
einhver tónn í því sem skrifað var
um bókina sem benti til þess að
þarna gæti verið eitthvað óvenju-
legt á ferðinni.
„Harry Potter?“ sagði starfsmaður
bókaútgáfunnar. „Hver er það?“
Ég sagði undan og ofan af Harry
Potter en tókst ekki að kveikja mik-
inn áhuga á fyrirbærinu.
„Hljómar nú ekkert mjög
skemmtilega," sagði umsjónar-
maður barnabóka á þessu stóra
íslenska forlagi og fór að tala um
eitthvað annað.
Harry Potter og Da Vinci-lykillinn
Það er altso þá sem ég hefði
viljað reka bókaforlag. Því þá hefði
ég fylgt nefinu á mér og fengið mér
réttinn á Harry Potter og mokað
inn peningum á því að gefa hann
út á Islandi. En auðvitað gerði ég
ekkert þvílíkt og nokkru síðar
kviknaði á perunni hjá Snæbirni
Arngrímssyni sem hafði rekið
smáforlagið Bjart meira af vilja en
mætti í nokkur ár. Snæbjörn hafði
araffla HarryPotter?
Hljómar nú ekkert
mjög skemmtilega,"
sagði umsjónarmaður
barnabóka á þessu stóra
íslenska forlagi og fór að
tala um eitthvað annað.
fram að þessu fyrst og fremst gefið
út vandaðan íslenskan skáldskap
og var ekkert á leiðinni að verða
ríkur af því. En svo fattaði hann á
undan stóru forlögunum hérlendis
að það var eitthvað sérstakt við
Harry Potter. Og með því að gefa
hann út hér á landi renndi Snæ-
björn mun styrkari stoðum undir
lllugi Jökulsson
skrifar um Harry Potter
litla forlagið sitt og gat óhikað
haldið áfram að gefa út skáldskap-
inn. Þegar Snæbjörn áttaði sig svo
líka fyrstur íslenskra útgefenda á
því að frekar stirðbusalegur amer-
ískur reyfari að nafni Da Vinci-lyk-
illinn hefði óvænta möguleika, þá
var orðið ótvírætt að Snæbjörn
vissi lengra nefx sínu.
Enda kominn í útrás til Dan-
merkur þegar síðast fréttist.
Persónulega hef ég ekki náð
neinu sambandi við Harry Potter.
Það er sagt að bækurnar um hann
séu ekki síður fyrir fullorðna en
börn og unglinga, svo ég settist
niður með fyrstu bókina og hugði
gott til glóðarinnar. En nennti nú
ekki lengi að lesa - ekki frekar en
ég nennti að klára Da Vinci-lykil-
inn! En bækur J.K. Rowling eru
nú samt sem áður allrar virðingar
verðar og nú þegar síðasta bókin
um Harry Potter kemur út þá er
augljóst hvað þær hafa haft mikil
áhrif. Ef einhver hefði reynt að
ljúga því að okkur fyrir bara tíu
árum að út ætti eftir að koma bók
sem milljónir manna biðu eftir
með öndina í hálsinum og það
þyrfti að gæta upplagsins með
vopnuðum vörðum svo ekki fréttist
út fyrirfram hvert plottið væri - þá
hefðum við náttúrlega bara fussað
og sveiað.
Endemis rugl væri þetta!
Ekki síður göldrótt en Harry
En svona fór það nú samt. J.K.
Rowling tókst með einhverjum
furðulegum hætti að snúa gjör-
samlega við hnignun bókarinnar
sem virtist óhjákvæmileg. Og af
því bækur hafa gildi í sjálfu sér og
eiginleika sem ekki er að finna hjá
neinu öðru formi lista, fjölmiðl-
unar eða samskiptatækni manns-
ins - þá er það verulega hrósvert
afrek hjá konunni. Og sýnir að hún
er ekki síður göldrótt en strákurinn
Harry.
Það verður að teljast ólíklegt
að annað eins fyrirbæri og Harry
Potter komi aftur fram á sjónar-
sviðið á næstunni og nái viðlíka
tökum á jafn mörgum. En galdra-
strákurinn hefur þó sýnt fram á að
það er hægt að kenna tölvukynslóð-
unum að lesa.
Og ég verð að segja að þótt ég
sjálfur hafi ekki fallið fyrir töfrum
Harrys Potter, þá öfunda ég svolítið
þá sem einmitt nú eru sestir við
með þykka bók í höndunum og eru
þess albúnir að ganga inn í heim
hennar.
Sverrir Einarsson
Hermann Jónasson
Gcir Harðarson
Bryndís Valbjamardóttir
UTFARARSTOFA ISLANDS
Suðurhlíð 35 Fossvogi • www.utforin.is
Vaktsími: 581 3300 & 896 8242 • Sólarhringsvakt
Komum heim til aðstandenda ef óskað er