blaðið - 21.07.2007, Blaðsíða 25

blaöið
LAUGARDAGUR 21. JÚLÍ 2007
25
LÍFSSTÍLLSPJALLIÐ
bladid@bladid.net
Þetta er ein besta fiík sem ég á, sér-
staklega eftir að reykingar voru bann-
aðar innanhúss. Ég nota hana mikið, þá
aðallega þegar ég fer út að reykja.
Það hefur verið sagt
að fötin skapi mann-
inn. Þegar Blaðið innti
fimm einstaklinga eftir
því hver væri besta flík
sem þeir hefðu átt urðu
svörin fjölbreytt og
áhugaverð. Margir hafa
átt flíkur sem hafa fylgt
þeim í mörg ár og eiga
sér langa sögu. Á meðan
aðrir eru nýbúnir að fá
flík sem er þó í miklu
uppáhaldi. Flíkurnar
eiga það sameiginlegt
að vera í miklu uppá-
haldi, þó af misjöfnum
ástæðum.
Arnar Tómasson hárgreíðslumeistari
Á sérsaumaða
loðskinnskápu
„Ég lét sauma á mig þykka og
mikla gæru í New York sem ég
á enn þá og nota mikið. Þetta er
stór og mikil loðskinnskápa úr
Toscanalambi. Kápan er hönnuð
af Alanzo í New York. Þetta er ein
besta flík sem ég á, sérstaklega
eftir að reykingar voru bann-
aðar innanhúss. Ég nota hana
mikið, þá aðallega þegar ég fer
út að reykja. Þetta var mjög góð
fjárfesting því hún ver mig gegn
lungnabólgu.
Aðspurður hvort að hann kaupi
dýr föt segist Arnar eyða skynsam-
lega í föt. „Ég eyði kannski meira
í fylgihlutina, eins og belti, og
svo er hægt að nota hitt ódýrara
með. En mér finnst um að gera
að blanda þessu nógu mikið
saman. Föt þurfa ekki endilega
að vera dýr til að vera góð. Mér
finnst mjög gott að versla í H&M
en einnig eru Gstar, Armani
og Gautier í uppáhaldi. Ég held
mikið upp á skó, maður getur
aldrei átt of mikið af skóm. Ég
kaupi yfirleitt frekar dýra skó þar
sem ég er skóböðull. Mér finnst
vel pússaðir skór vera mjög mikil-
vægir og það er synd hvað íslend-
ingar pússa skóna sína lítið.“
Besta flíkin mín
Kjóll við
öll tækifæri
Hugrún Dögg Árnadóttir, eigandi Kron,
segir að það sé mjög breytilegt hver sé
hennar uppáhaldsflík því það fari bara
eftir hvernig það liggi á henni. En þessa
dagana á hún þó kjól sem hún heldur mjög
mikið upp á. Hún viðurkennir að það hafi
verið erfitt að gera upp á milli fatanna sem
hún á.
„Uppáhaldsflíkin mín í dag er silkikjóll
frá Eley Kiskimoto. Þetta er alveg æðis-
legur silkikjóll og hann er því mjög fínn
fyrir sumarið. Ég er mjög mikil kjólakona
og því hentar þessi silkikjóll mér mjög vel.
Það er ofboðslega fallegt mynstur á honum.
En það er svart, blátt og ljóst og ég hef átt
þennan kjól i um hálft ár.
Hugrún segir að kjóllinn hafi nýst henni
vel í góða veðrinu sem er búið að vera síð-
ustu vikur. „Af því að hann er úr yndislegu
silki þá er hann er ótrúlega mjúkur og
léttur í sumarhitanum. Ég er því búin að
nota hann mjög mikið í sumar. Það er þægi-
legt að skella sér í hann á daginn. Hann er
rosalega sparilegur en ég get þó líka notað
hann snemma á mánudagsmorgni,“ bætir
Hugrún við að lokum.
Finnst gaman að
gera fötin að sínum
Þegar Svava Johansen var spurð hver væri
hennar uppáhaldsflík komu tvær upp í hug-
ann. Fyrst nefndi hún skinnjakka sem hún
segir vera mjög hentugan á Islandi. „Hann
er búinn að vera mörg ár í skápnum mínum
og ég tek hann alltaf fram þegar það fer að
kólna. Ég fékk hann í Evu fyrir fimm eða sex
árum. Mér finnst hann alltaf jafn fallegur
og hann er alltaf æðislegur og hlýr. Ég nota
hann eins oft og ég get því mér finnst svo
gott að vera í honum. Jakkinn hentar við öll
tilefni því hann er bæði fínn og sportlegur."
Aðspurð hvort að það séu fleiri flíkur sem
koma til greina segir Svava að svo sé. „Ég á
einn mjög fallegan svartan klassískan kjól
inni í skáp hjá mér. Þrátt fyrir að ég skipti
mjög ört um föt í skápnum þá hangir svarti
kjóllinn alltaf áfram. Ég tek hann stundum
fram og það er misjafnt hvað ég set á hann
og hann breytist alltaf. Þarna geri ég kjólinn
að mínum á mismunandi hátt. Þó að ég sé
mjög nýjungagjörn og vilji yfirleitt vera að
fá mér eitthvað nýtt þá finnst mér líka mjög
gaman að eiga eina og eina svona sígilda flík.“
Svava Johansen
eigandi NTC
Enskur ullarfrakki
í uppáhaldi
Skjöldur Sigurjónsson segir að það séu
margar flíkur sem komi til greina sem
besta flíkin sem hann hefur átt. Sú flík sem
stendur þó upp úr fékk Skjöldur þegar hann
og Kormákur Geirharðsson ráku Herrafata-
verslun Kormáks og Skjaldar á Hverfisgötu.
„Þetta var grár, enskur ullarfrakki, mikill og
góður með svörtu ullarfóðri. Það var líklega
einhver búinn að eiga hann í einhverja
áratugi á undan mér. Frakkinn hefur hlýjað
okkur nokkrum í gegnum tíðina. Ég notaði
hann í átta eða níu ár og hann hefur svo nýst
einhverjum kynslóðum þar á undan. Hann
var þó alltaf eins og glænýr.“
Skildi finnst mjög gaman að ganga í fötum
sem eiga sér langa sögu. „Mér finnst alltaf
mjög gaman að ganga í handsaumuðum
fötum, þá aðallega tweed-fötum. Það er alltaf
svo rnikill karakter í alvöru ullarfötum.“
„Ég hef átt svo mikið af skemmtilegum
fötum í gegnum tíðina. Það eru því önnur
föt sem koma líka til greina. Það eru tweed-
jakkaföt sem voru saumuð 1937 og þau hafa
alltaf verið í mjög miklu uppáhaldi hjá mér
og hafa verið mikið notuð. Það er aðeins
farið að sjá á þeim núna þannig að ég nota
þau minna," segir Skjöldur að lokum.
Úlpa sem hefur
farið víða
Katrín Júlíusdóttir átti ekki í miklum erfið-
leikum með að velja sína bestu flík. Hennar
uppáhaldsflík er úlpa sem hún eignaðist í
fyrra. „Þetta er svört Columbia-útivistarúlpa. ‘
Þannig var mál með vexti að ég var á leiðinni
til Úkraínu í kosningaeftirlit í mars 2006. Ég
bjóst við að það yrði svo kalt þannig að ég
fór á stúfana áður en ég fór út og keypti mér
flíspeysu, úlpu og vettlinga. En svo þegar
ég kom út var ekkert svo kalt þannig að ég
þurfti ekki að nota flíspeysuna en ég var
alltaf í úlpunni.“
„Ég hef notað hana gríðarlega mikið síðan
ég keypti hana. Núna er hún aðallega notuð
á fótboltaleikjum. En ég nota hana líka þegar
ég fer út að hjóla eða ganga. Svo kom hún
sér líka mjög vel þegar ég gekk Laugaveginn,
frá Landmannalaugum niður í Þórsmörk.
Þannig að þessi úlpa hefur komið mjög víða
með mér, bæði í stuttar og lengri ferðir. Allt
frá ferð í búðina og alla leið til Úkraínu. Ég
er vongóð um það að hún eigi eftir að fylgja '
mér nokkuð lengi. Það sér ekki á henni þrátt
fyrir mjög mikla notkun," segir Katrín.