blaðið - 26.07.2007, Blaðsíða 7

blaóiö
FIMMTUDAGUR 26. JÚLÍ 2007
FRÉTTIR
Hundruð manna
látin í hitabylgju
■ Rafmagnsleysi og skógareldar hrjá íbúa suðausturhluta álfunnar ■ Niðurgrafnar
sprengjur frá tímum fyrri heimsstyrjaldarinnar springa í eldunum
Eftir Atla ísleifsson
atlli@bladid.net
Hundruð manns hafa látist af
völdum hitabylgjunnar í suðaustur-
hluta Evrópu síðustu daga. Methiti
hefur mælst í nokkrum löndum á
Balkanskaga, þar sem hiti yfir fjöru-
tíu gráður hefur verið daglegt brauð.
Rafmagnsleysi hefur hrjáð íbúa í
Rúmeníu, Búlgaríu, Albaniu, Serbíu
og Grikklandi. Hætta er á enn frekara
rafmagnsleysi þar sem eftirspurnin
hefur aukist og ár sem virkjaðar eru
til raforkuframleiðslu eru vatnslitlar
vegna gríðarlegrar uppgufunar. Skóg-
areldar hafa einnig breitt úr sér og
ógna nú fjölda bæja.
HITABYLGJA
W. Grískir veðurfræðingar
^ segja að toppi hitabylgj-
unnar hafi verið náð í gær,
en hitinn náði 45 gráðum í
höfuðborginni Aþenu.
►
Flestir hinna látnu hafa
verið yfir sjötugt og látist af
völdum ofþornunar, hjarta-
áfalls eða andnauðar.
Fimm hundruð létust af
r völdum hitabylgjunnar í Ung
verjalandi í síðustu viku.
Yfirvöld í Ungverjalandi hafa til-
kynnt að um fimm hundruð manns
hafi látist í landinu af völdum hit-
ans í síðustu viku. Þrjátiu hafa látist
í Rúmeníu og nokkrir til viðbótar
í Makedóníu og Grikklandi. Lang-
flestir hinna látnu hafa verið yfir sjö-
tugt og látist af völdum ofþornunar,
hjartaáfalls eða andnauðar. Rúm-
enskyfirvöld hafa varað landsmenn
við að vera úti í sólinni um miðjan
dag. Þar í landi hefur liðið yfir um
þúsund manns á götum úti síðustu
daga og tugþúsundir þurft að leita
sér læknisaðstoðar vegna hitans.
Skógareldar
Miklir skógareldar hafa einnig
blossað upp í Bosníu, Króatíu,
Serbíu, Svartfjallalandi, Makedóníu,
Búlgaríu, Grikklandi og Italíu. Þús-
undir manna hafa neyðst til að yfir-
gefa heimili sín og ferðamenn hótel
og tjaldstæði sín. I Serbíu hefur þrjá-
tíu prósent landbúnaðaruppskeru
eyðilagst í skógareldum og hita. I
Grikklandi berjast þúsundir slökkvi-
liðsmanna við eldana í norður- og
vesturhluta landsins, auk þess að
aðrir skógar eru undir stöðugu eftir-
liti vegna eldhættu.
Yfirvöld í Makedóníu hafa lýst
yfir neyðarástandi og greint frá því
að dæmi séu um að niðurgrafnar
sprengjur frá tímum fyrri heims-
styrjaldarinnar hafi sprungið af
völdum hitans. 1 Belgrad, höfuðborg
Serbíu, er öllum byggingarfram-
kvæmdum hætt klukkan ellefu að
morgni að skipun stjórnvalda, til að
forða verkamönnum frá hitanum.
Flóð í Bretlandi
Samtímis og íbúar suðaustur-
hluta Evrópu kljást við gríðarháan
hita, berjast Bretar við afleiðingar
mikilla rigninga og flóða. Fleiri
hundruð heimila í Oxford voru
rýmd þegar áin Thames flæddi yfir
bakka sína í gær. Flóð síðustu daga
eru þau verstu í Bretlandi í sextíu ár
og eiga hundruð þúsunda manna
á hættu að vera án neysluvatns
í Gloucesterskíri næstu tvær vik-
urnar. Bresk stjórnvöld hafa lofað
að veita andvirði tæplega sex millj-
arða króna til þeirra sem hafa orðið
verst úti í hamförunum.
ÞEKKIRÞÚTIL?
Hringdu í síma 510 3700 eða
sendu póst á biadid@bladid.net
Netfyrirtækið MySpace
Kynferðisbrota-
mönnum úthýst
Netfyrirtækið MySpace hefur
lokað heimasvæðum um 29
þúsund dæmdra kynferðis-
brotamanna í Bandaríkjunum.
Fyrirtækið segist í yfirlýsingu
vera stolt af því að hafa greint
og lokað síðum mannanna.
Um áttatíu milljónir manna í
heiminum hafa komið sér upp
MySpace-svæði, þar af fjöldi
íslendinga. Á slíkum síðum
er hægt að birta bloggfærslur,
myndir og myndbönd, auk þess
að komast í samband og tengj-
ast öðrum notendum. aí
STUTT
• Friðarviðræður Utanríkisráð-
herrar Egyptalands og Jórdaníu
kynntu hugmyndir Arababanda-
lagsins um hvernig hægt sé að
koma skriði á friðarviðræður
fyrir botni Miðjarðarhafs fyrir
Ehud Olmert, forsætisráðherra
ísraels, í Jerúsalem í gær.
• Alpafjöll Sex fjallgöngumenn
fundust látnir í Alpafjöllum
í gær. Fjórir þeirra voru stúd-
entar frá Grenoble sem fundust
í hlíðum Mont Blanc og segir
lögregla að útbúnaður þeirra
hafi verið mjög slæmur með
tilliti til aðstæðna og að þeir
hafi frosið í hel.
Suðurkóreskur gísl drepinn
Talibanar drápu í gær einn af þeim
23 Suður-Kóreumönnum sem þeir
rændu suður af Kabúl, höfuðborg
Afganistans, í síðustu viku. í til-
kynningu sögðust talibanarnir ætla
að drepa restina af gíslunum ef
kröfum þeirra yrði ekki mætt fyrir
klukkan hálfníu í gærkvöldi að
íslenskum tíma, en þeir höfðu áður farið fram á að 23 talibönum yrði
sleppt úr afgönskum fangelsum. Nafn hins látna var sent á fréttastofur
þar sem kom fram að hann hafi verið svo veikburða að hann gat vart
gengið og því hafi mannræningjarnir ákveðið að skjóta hann.
Gíslunum, átján konum og fimm körlum, var rænt úr bílum sínum í
síðustu viku en þau voru öll starfsmenn kristinnar hjálparstofnunar
sem starfar í landinu. Síðdegis í gær bárust fréttir af því að átta gísl-
anna hefði verið sleppt og þeir færðir á bandaríska herstöð í borginni
Ghazni, en það fékkst ekki staðfest. aí
Langt að
labba heim
Lögregla í Frakklandi keyrði
framhjá 17 ára Ungverja sem gekk
meðfram hraðbraut í frönsku
Ölpunum. Hafði hann verið
skilinn eftir á hraðbrautinni
af foreldrum sínum. Stráknum
hefur verið komið í fóstur meðan
foreldra hans er leitað.
Drengurinn neitar að útskýra
hvers vegna þau skildu hann eftir,
en þegar lögreglan fann hann var
, hann á leið aftur fótgangandi til
1 Tour de France un*™i>*i*"ds-
Sprengja sprakk
Lítil sprengja sprakk við braut
frönsku hjólreiðakeppninnar
Tour de France, nærri bænum
Belaga í norðausturhluta Spánar,
í gær. Engan sakaði í sprenging-
unni sem varð í sprungu í kletti
við veginn, eftir að hjólreiða-
kapparnir höfðu hjólað fram hjá
honum.
Skömmu áður en sprengjan
sprakk hafði maður sem sagðist
vera meðlimur ETA, aðskilnaðar-
hreyfingar Baska, sagt hreyfing-
una hafa komið fjölda sprengja
fyrir á brautinni. ai
Öngþveiti í flugi
í Brasilíu
Algjört öngþveiti myndaðist í
gær á helsta flugvelli Brasilíu þar
sem stærsta flugfélag landsins,
TAM, aflýsti tugum fluga til og
frá Congbonas flugvellinum í Sao
Paulo af öryggisástæðum annan
daginn í röð. I síðustu viku
fórst flugvél TAM á Conghonas
flugvellinum og létust 199 í
slysinu. mbi.is
HARÐVIÐARVAL hjá Harðviðarvali ehf • Krókhálsi 4 • Sími 567 1010
Er listamaður í fjölskyldunni? Engar áhyggjur
Einn besti eiginleiki Quick • Step (laminat/plast) gólfefnisins er aó þad heldur náttúrulegu
og fallegu yfirbragói sinu í fjölda ára. Yfirborð þess er svo sterkt að við veitum 25 ára
ábyrgd á endingu gólfefnisins við eðlileg heimilisnot. Quick• Step er þar ad auki búið
Uniclic smellukerfinu, sem hefur lífstíðarábyrgð.
Farið á heimasíðu okkar, parket.is eða hringið í síma 5671010 til að fa upplysinga-
bækling.
QUICK STEP
floors with onduring bcouty
QU'.CK STEP