blaðið - 31.07.2007, Blaðsíða 4

FRETTIR
ÞRIÐJUDAGUR 31. JÚLÍ 2007
blaöiö
Erfðavísir MS mögulega fundinn
■ Vísindamenn bjartsýnir á lækningu MS-sjúkdómsins ■ Kári Stefánsson fagnar
Eftir Björgu Magnúsdóttur
bjorg@bladid.net
MS-SJÚKDÓMURINN
Hópur vísindamanna telur
sig hafa gert mikla uppgötvun
og fundið erfðavísi sem orsakar
MS-sjúkdóminn. Að því er fram
kemur í nýjasta tölublaði The New
England Journal of Medicine and
Nature Genetics hafa þrjú mismun-
andi teymi vísindamanna talið sig,
með misjöfnum aðferðum, hafa
fundið erfðavísi sem orsakar sjúk-
dóminn og í kjölfarið hugsanlega
meðferðarmöguleika sem hindrað
gætu útbreiðslu sjúkdómsins.
Býður upp á inngrip
Kári Stefánsson, forstjóriDecode,
sem rannsakað hefur MS-sjúkdóm-
inn í langan tíma, segist fagna því
að nú sé komin fram jafn áreiðan-
leg rannsókn varðandi genaorsök
sjúkdómsins og raun ber vitni. „
Þetta er mjög góð byrjun. Þessi
uppgötvun sem greint er frá í tíma-
ritinu er spennandi því erfðavísir-
inn sem breytileikinn er í, býður
upp á inngrip og jafnvel meðferð-
armöguleika.“ Vísindamenn alls
►
Taugasjúkdómur sem
leggst á taugafrumur heila
og mænu.
►
►
Tíðni sjúkdómsins er mest á
norðlægum svæðum jarðar
Er algengari hjá konum en
körlum
staðar að hafa löngum reynt að
bera kennsl á erfðavísa sem or-
saka MS-sjúkdóminn, sem hingað
til hefur verið talið ólæknandi. Nú
virðist þó sem loksins hafi rann-
sóknir og prófanir borið árangur.
„MS er sjúkdómur sem ég vann
við rannsóknir á í 20 ár. Þetta er
tiltölulega fágætur sjúkdómur hér-
lendis og leggst á um 0,1% Islend-
inga þannig að hér er erfitt að gera
stúdíu á honum," segir Kári.
Áralangar rannsóknir á enda
Tímaritið greinir frá því að með
enn frekari rannsóknum sé talið
að hægt verði að komast inn í ferli
sjúkdómsins og hindra útbreiðslu
hans og frekari framgang. Teymi
V\ÐTÖKBR-
VWdavWúbb Ghtn'5-
Rannsóknir Vísindamenn
í mörgum löndum lögöu
saman I rannsóknina.
vísindamannanna eru skipuð
fjölda einstaklinga úr virtum
háskólum í Bandaríkjunum og
Svíþjóð sem hafa samræmt rann-
sóknir og borið saman bækur. „Ég
fagna að sjálfsögðu þessari upp-
götvun og niðurstöðum. Þetta er
flott vinna hjá kollegum mínum
beggja vegna Atlantshafsins og
framhaldið er spennandi,“ segir
Kári.
RannsókniráMS-sjúkdóminum
hafa verið geysimiklar undan-
farin ár og hafa yfir 100 erfðavísar
verið nefndir sem hugsanlegir
upphafsstaðir hans. Aðferðin sem
eitt teymið notaði, var ný aðferð
við gena-leit, sem hefur orðið að
miklu gagni undanfarna mánuði
við að komast að upptökum ann-
arra alvarlegra sjúkdóma.
*. GLITNISPUNKTAR
Gíslataka í
Þórsmörk
Maður hélt konu sinni i gíslingu
ásamt því að ógna gestum í skála
í Básum í Þórsmörk að kvöldi
laugardags. Lögregla var kölluð
til og stöðvaði manninn er hann
hafði ekið bíl sínum drukkinn
frá Þórsmörk. Þá veitti hann
lögreglu mótspyrnu við handtök-
una, en var loks færður í fanga-
geymslu þar sem hann var látinn
sofa úr sér. Skálavörður í Básum
hringdi í lögregluna um kl. 2 og
tilkynnti um mjög ölvaðan mann
sem ógnaði öðrum gestum stað-
arins. Manninum var sleppt að
yfirheyrslu lokinni.
mbl.is
Kristinn Hallsson
óperusöngvari látinn
Kristinn Þorleifur Hallsson
óperusöngvari andaðist á Hrafn-
istu í Hafnarfirði aðfaranótt 28.
júlí sl., 81 árs.
Kristinn var fæddur 4. júní 1926
í Reykjavík. Hann hóf tónlistar-
nám við Tónlistarskólann í Reykja-
vík 1937. Hann brautskráðist frá
Verzlunarskóla íslands 1945.
Kristinn fór til náms við Kon-
unglega tónlistarháskólann í
London (Royal Academy of Music)
1951 og lauk þaðan burtfararprófi
og Licenciate-prófi 1954. Hann
tók þátt í tónleikum frá 1945 og í
óperusýningum í Þjóðleikhúsinu
og víðar, kom fram á fjölda tón-
leika hér á landi og erlendis m.a. í
Evrópu, Ameríku og Asíu. Hann
fór m.a. í söngferðir sem einsöngv-
ari karlakóra.
Kristinn stundaði tónlistar-
kennslu frá 1954 og vann við skrif-
stofustörf að undanskildum náms-
árunum erlendis. Hann var ráðinn
stjórnarráðsfulltrúi við mennta-
málaráðuneytið 1970.
Kristinn var lengi í forystu Nem-
endasambands VI, sat í stjórn
Félags íslenskra einsöngvara og
einnig Félags íslenskra leikara
og var í stjórn Anglia. Hann var
sæmdur Riddarakrossi fálkaorð-
unnar 1. janúar 1978. Ævisaga
hans, Góðra vina fundur, kom út
1997 og tvöfaldur geisladiskur með
einsöng hans, Kristinn Hallsson
bassbaritone, kom út 2002.
Eiginkona Kristins var Hjördís
Þorbjörg Sigurðardóttir. Hún lést
árið 1983. Þau eignuðust fjögur
börn og lifa þrjú þeirra föður sinn.
mbl.is
Samstarf við Indland um sjávarútveg
Þriðja stærsta
sjávarútvegsríkið
Sendiherra Islands á Indlandi, Dr.
Gunnar Pálsson, og ráðuneytisstjóri
sjávarútvegsmála í landbúnaðar-
ráðuneyti Indlands, frú Charusheela
Soni, undirrituðu í gær viljayfirlýs-
ingu um samstarf Islands og Ind-
lands á sviði sjávarútvegsmála.
Auka á samstarf ríkjanna m.a. á
sviði rannsókna, fiskveiðistjórn-
unar, fiskeldis, fiskvinnslu og mark-
aðssetningar sjávarafurða. Gert er
ráð fyrir að komið verði á beinu sam-
starfi viðeigandi sjávarútvegsstofn-
ana á íslandi og Indlandi og auknu
samstarfi vísindamanna og sérfræð-
inga á sviði sjávarútvegs. Þá kveður
viljayfirlýsingin á um að stjórnvöld
á Islandi og Indlandi setji á lagg-
irnar sameiginlegan vinnuhóp til að
fjalla um samstarfið, meta árangur
þess og setja því nánari markmið.
Indland er þriðja stærsta sjávarút-
vegsríki heims með tilliti til heildar-
afla, en á árinu 2004 nam hann 6,0
milljónum tonna eða um 5% af heild-
arafla á heimsvísu. Um ellefu millj-
ónir manna starfa að sjávarútvegi
á Indlandi og hlutdeild Indlands
í heimsviðskiptum með sjávaraf-
urðir nemur um 2,4%. Rækjur eru
helsta útflutningsafurð Indlands
í sjávarútvegi, en á meðal annarra
tegunda má nefna smokkfisk, ma-
kríl og vatnakarfa.
Stærstu markaðir fyrir indverskar
sjávarafurðir eru ríki Evrópusam-
bandsins, Japan, Bandaríkin og
Kína, og hefur útflutningur til
þessara ríkja aukist verulega á und-
anförnum árum, bæði að magni og
verðmæti.