blaðið - 04.08.2007, Blaðsíða 6

6
FRÉTTIR
LAUGARDAGUR 4. ÁGÚST2007
blaöiö
Kukl og
ketilbjöllur
Um helgina verður haldin
kynngimögnuð galdrasýning
á Ströndum. t dag, laugardag
verður Tómas Ponzi myndlist-
armaður daglangt á Galdra-
safninu á Hólmavík og mun
hann teikna portrett af gestum
og gangandi.
Á morgun, sunnudag, verður
kynning á íþróttinni ketil-
bjöllum (e. kettlebells) en hún
verður í höndum Völu Markar
og Guðjóns Svanssonar frá
Svanshóli. íþrótt þessi ku
henta sérstaklega þeim sem
hafa hug á því að styrkjast og
auka á úthald sitt.
Ketilbjöllukynningin verður
frá kl. 14 til 16, en hún er ætluð
gestum 14 ára og eldri.
Bætt fjarskiptí
Vestfirðinga
Flutningsgeta Mílu ehf. hefur
tvöfaldast svo nú batna fjar-
skipti Vestfirðinga til muna
og möguleikar vestfirskra fyr-
irtækja stóraukast í kjölfarið,
að því er segir í tilkynningu
frá fyrirtækinu. í fyrra var
flutningsgetan aukin úr 2x155
Mbit/s upp í 622Mbit/s.
STUTT
• Ný stjórn TR Guðlaugur Þór
Þórðarson heilbrigðisráðherra
hefur skipað fimm manna stjórn
Tryggingastofnunar ríkisins.
Benedikt Jóhannesson er for-
maður og Karl V. Matthíasson
varaformaður. Að auki voru
Margrét S. Einarsdóttir, Sigríður
Jóhannesdóttir og Sigursteinn
Másson skipuð í stjórn TR.
• Innflytjendaráð Félagsmála-
ráðherra hefur skipað Hrannar
Björn Arnarsson, aðstoðar-
mann félagsmálaráðherra,
formann innflytjendaráðs í
stað Sæunnar Stefánsdóttur,
fyrrum alþingismanns. Amal
Tamimi, starfsmaður í Alþjóða-
húsi, verður varaformaður.
• Flóttamannanefnd Félags-
málaráðherra skipaði Guðrúnu
Ögmundsdóttur, fyrrverandi
alþingismann, formann flótta-
mannanefndar í stað Árna Gunn-
arssonar. Ingibjörg Broddadóttir,
deildarstjóri í félagsmálaráðu-
neyti, verður varaformaður.
Minningarkort
Minningar- og styrktarsjóðs
hjartaskjúklinga
^Hja'
HjartaHeill
simi 552 5744
Giró- og kreditkortþjónusta
Stuðningur við lækkun áfengisgjalda
Fullfærir um að taka ákvarðanir
//
Stjórnmálamenn í flestum
flokkum hafa undanfarnar vikur
lýst yfir stuðningi við lækkun
áfengisgjalda. Ágúst Ólafur Ág-
ústsson, varaformaður Samfylk-
ingarinnar, reið á vaðið og sagði í
Blaðinu 18. júlí sl. að neyslustýring
skilaði ekki árangri, og að hann
vildi að áfengisgjöld yrðu lækkuð.
Þorgerður Katrín Gunnarsdóttir,
varaformaður Sjálfstæðisflokks-
ins, tók í sama streng tveimur
dögum síðar: „íslendingar eru full-
færir um að taka ákvarðanir um
áfengisneyslu sjálfir, án þess að
stjórnvöld stýri neyslu með háum
áfengisgjöldum."
Innan stjórnarandstöðunnar er
einnig að finna vilja til að endur-
skoðaáfengisgjöld.BæðiKatrínJak-
obsdóttir, varaformaður Vinstri-
hreyfingarinnar græns framboðs
(VG), og Ögmundur Jónasson,
þingflokksformaður VG, lýstu því
yfir í samtali við Blaðið í síðasta
mánuði að þau vildu endurskoða
gjöld á áfengi. Guðni Ágústsson,
formaður Framsóknarflokksins,
tók í sama streng. ,,[Ég] styð það
að gjöld á léttvín og bjór verði
lækkuð, og ég held að stefna Fram-
sóknarflokksins sé almennt í
þessum anda.“
Það eru ekki bara stjórnmála-
menn sem hafa lýst yfir stuðningi
við lækkun áfengisgjalda. Kolbrún
Baldursdóttir sálfræðingur sagði
á blog.is 30. júlí að lækkun áfeng-
isverðs yki ekki neyslu, og Erna
ijálfir"
Hauksdóttir, fram
framkvæmdastjóri
Samtaka ferðaþjónustunnar, sagði
í Islandi í dag 20. júlí: „Þau Norður-
lönd sem eru í Evrópusambandinu
hafa lækkað sitt áfengisgjald gríð-
arlega mikið, alveg upp í 50 pró-
sent ... [Þ]eir áttuðu sig á því að
með því að lækka áfengisgjaldið
voru þeir bæði að fá kaupin heim,
en ekki hinum megin við landa-
mærin, og auk þess varð meira um
löglega neyslu.“
hlynur@bladid.net

>ýr vara Áfengisverð hér á landi
er 126 prósentum yfir meðalverði í
Evrópusambandinu.
Blaöiö/Frikki
Lög um áfengi líklega
rædd á næstunni
■ Þingmaður Sjálfstæðisflokksins segir að leggi hann ekki fram frumvarp um breytingu
á áfengislögum á Alþingi í haust geri einhver annar það
Eftir Hlyn Orra Stefánsson
hlynur@bladid.net
Líklegt er að brey ting á lögum um
áfengisgjöld verði til umræðu þegar
þingflokkur Sjálfstæðisflokksins
kemur saman, segir Arnbjörg Sveins-
dóttir, þingflokksformaður flokks-
ins. „Ég geri ráð fyrir því að einhver
taki þetta mál upp, enda margir
sem hafa lýst yfir áhuga á brey tingu
í þessum efnum.“ Arnbjörg segir að
þar sem hún sé þingflokksformaður
sé ólíklegt að hún taki málið sjálf
upp, en að hún muni íhuga að vera
meðflutningsmaður að frumvarpi
um breytingu á áfengislögum verði
það lagt fram.
Sigurður Kári líklegur
Sigurður Kári Kristjánsson, þing-
maðurSjálfstæðisflokksins.útilokar
ekki að hann muni leggja frumvarp
um breytingu á áfengislögum fram.
„Ég er að fara yfir það núna, og það
skýrist á næstu vikum hvað ég geri í
þessum efnum.“
Sigurður telur líkegt að leggi
hann sjálfur ekki fram frumvarpið
muni einhver annar gera það, og
telur ekki ólíklegt að þingmeirihluti
sé fyrir breytingu á umræddum
lögum. „En vandinn er sá að vinnu-
lagið í þinginu hefur einhverra hluta
vegna verið þannig að þingmanna-
frumvörp hafa sofnað i nefndum.
En við sjáum til hvort nú verði breyt-
ing þar á.“
Forystumenn innan allra flokka
nema Frjálslynda flokksins hafa
lýst yfir vilja til að endurskoða lög
um áfengisgjöld, en mikil umræða
um þessi mál fór af stað í síðasta
mánuði í kjölfar fréttar í Blaðinu
um að áfengisverð hér á landi væri
126 prósentum yfir meðalverði í Evr-
ópusambandinu. Ágúst Ólafur Ág-
ústsson, varaformaður Samfylking-
arinnar, lýsti því meðal annars yfir
að áfengisstefna undanfarinna ríkis-
VILJI TIL BREYTINGA
► Verð áfengis á íslandi er
126% hærra en að meðal-
tali í Evrópusambandinu.
Aðeins í Noregi er áfengi
dýrara.
►
Áfengisgjald á íslandi er
langhæst í Evrópu og þótt
víðar væri leitað.
►
Fimmtungur stjórnarliðsins
hefur flutt þingmál um lækk-
un áfengisverðs.
stjórna væri gjaldþrota. Hann segist
ekki hafa tekið ákvörðun um hvort
hann hafi frumkvæði að breytingu
á umræddum lögum. „En ef það
er þverpólitískur vilji fyrir þessum
breytingum, eins og mér sýnist vera,
er best að nýta sér hann.“
Ráðherra enn á sömu skoðun
Þegar hefur fimmtungur stjórn-
arliða lagt til að reglur og lög um
áfengissölu verði endurskoðuð og
í þeim hóp eru þrir ráðherrar nú-
verandi ríkisstjórnar. Guðlaugur
Þór Þórðarson heilbrigðisráðherra
er einn þeirra, en hann hafði fyrir
nokkrum árum frumkvæði að frum-
varpi um að lögum um áfengissölu
yrði breytt. „Ég hef ekki skipt um
skoðun i þessum efnum, heldur
bent á hið augljósa; að sem heil-
brigðisráðherra eru þessi mál ekki
á mínu borði. En frumvarpið sem
ég lagði fram liggur fyrir, þannig að
það vita allir hvaða skoðun ég hef í
þessum efnum.“
Guðlaugur segir að ekki eigi að
stefna að því að áfengi verði ódýr
vara. „En áfengisverð hér á landi er
mun hærra en í þeim löndum sem
við berum okkur saman við. Það er
eðlilegt að við spyrjum okkur hvort
við viljum að svo sé.“
Andstaða við lækkun áfengisgjalda
Lítið aðgengi og hátt verð minnka neyslu
Ýmsir hafa lýst áhyggjum af
þeim vilja sem virðist vera til
staðar hjá þingmönnum landsins
til að lækka gjöld á áfengi. Ari
Matthíasson, framkvæmdastjóri
SÁÁ, sagði í Blaðinu 19. júlí: „Fjöl-
margar rannsóknir virtra fræði-
manna sýna, svo ekki verður um
villst, að það eru fjórir þættir
sem draga úr neyslu áfengis. Þeir
þættir eru hátt áfengisgjald, tak-
markaður fjöldi sölustaða áfengis,
hár áfengiskaupaaldur og bann
við áfengisauglýsingum." Ari
telur að aukin neysla komi verst
niður á þeim sem þegar eigi um
sárt að binda sökum eigin áfeng-
isvandamála, eða vandamála
fjölskyldumeðlima.
Hörður Svavarsson áfengis-
ráðgjafi sagði í Kastljósi 30. júlí:
„Áfengisvandi hér er í ágætum
böndum og það er meðal annars
vegna þess að áfengisverð er hátt
og við höfum gott aðgengi að
ódýrri meðferð. [...] Það er rangt
[hjá Ágústi Ólafi Ágústssyni, vara-
formanni Samfylkingarinnar] að
þessi stefna sé gjaldþrota. Hún
virkar ágætlega."
Þá sagði Þorsteinn Pálsson rit-
stjóri í leiðara Fréttablaðsins 23.
júlí að ekki væri æskilegt að lækka
áfengisverð, því þá yrði ríkið af
svo miklum tekjum. „Tiu hundr-
aðshlutar af heildartekjum ríkis-
sjóðs af áfengi fara sennilega langt
með að kosta rekstur Háskólans á
Akureyri,“ sagði Þorsteinn.
hlynur@bladid.net