blaðið - 04.08.2007, Blaðsíða 15

blaóiö
LAUGARDAGUR4.ÁGÚST2007
15
Gott er heilum
vagni heim að aka
Hvað segja skatt-
skrámar okkur?
Samband ungra sjálfstæðismanna
efnir þessa dagana til árlegs fram-
taks til verndar mannréttindum
hátekjufólks. Baráttan gengur út
á að koma í veg fyrir að upplýst sé
um tekjur þessa fólks. Þessar upp-
lýsingar varpa ljósi á samfélagið og
skiptingu verðmætanna. Það hefur
stundum verið sagt að mikilvæg
forsenda lýðræðis séu upplýsingar
og má furðu sæta að ungt fólk sem
gjarnan vill kenna sig við frelsi,
sbr. „frjálshyggja“, skuli beina hug-
sjónastarfi sínu í þá átt að slökkva á
kastljósunum sem fjölmiðlar beina
árlega að tekjuskiptingunni í þjóð-
félaginu en það gerist jafnan þegar
skattskrárnar eru birtar.
Ég tel reyndar að unga frjáls-
hyggjufólkið ætti að beina baráttu
sinni í gagnstæða átt því það er að
mínu mati áhyggjuefni að í þjóðfélag-
inu almennt er smám saman verið
að loka á upplýsingar sem snúa að
kjörum og kjaraskiptingu. Þannig
reynist sífellt erfiðara að fá upplýs-
ingar um launakjör í fyrirtækjum
og stofnunum. Það á einnig við
um hið opinbera þótt skýr ákvæði
séu um það í lögum að leynd skuli
ekki hvíla á launakjörum opinberra
starfsmanna. Samtök launafólks
hafa andæft launaleyndinni og
staðhæft að í skjóli hennar þrífist
margvíslegt misrétti, þar á meðal
kynbundið launamisrétti.
Upplýsingar veita aðhald
Upplýsingar um skattgreiðslur
BRÉF TIL BLAÐSINS
Persónulega er
ég tilbúinn að
taka ofan fyrir
þeim fjármála-
mönnum sem
halda tryggð við
samfélag.
UMRÆÐAN
Ögmundur Jónasson
veita án efa aðhald gagnvart skatt-
svikurum. Þannig veigra þeir sem
samfélagið veit að lifa sældarlífi
sér við því að verða sjálfum sér til
háðungar með því að bera „vinnu-
konuútsvar". Bíræfnustu skatt-
svikararnir hafa reyndar margir
hverjir forðað sér úr landi þar sem
þeir geta möndlað með sín skatta-
mál í því skjóli sem ungir sjálfstæð-
ismenn eiga sér draum um að geta
búið þeim hér á landi. Það vekur
athygli við birtingu skattskrár-
innar nú hve margt af þessu fólki
er komið úr landi og er af þeim
sökum ekki að finna í skattskrám.
Auðmannaflóttann úr landi upp-
lýsa skattskrárnar okkur um með
þögn sinni.
Persónulega er ég tilbúinn að
taka ofan fyrir þeim fjármála-
mönnum sem halda tryggð við
sitt samfélag. Það á við um skatta-
kóngana sem gætu viljað sverja sig
í andlegt slekti með mönnum á
borð við Þorvald í Síld og fisk sem
hér á árum áður kvaðst stoltur
greiða skatt af hverri krónu til að
hér gæti þrifist gott samfélag.
Hitt er svo annað mál að ekki
er ég fyrir mitt leyti reiðubúinn
að skrifa upp á þá framsetningu
sumra fjölmiðlamanna að samfé-
lagið sé nánast komið á framfæri
hjá auðmönnum. Hvað skyldi vera
hægt að framfæra marga ellilífeyr-
isþega fyrir framlag eins banka-
stjóra, eða reka marga skóla? Á
þessa lund var spurt í einhverjum
fréttatímanum, og nánast tekin
bakföll af undrun og aðdáun.
Auðmenn á framfæri almennings
Staðreyndin er að sjálfsögðu
sú að þessir fjárfestar eru á okkar
framfæri en ekki öfugt. Þeir eru
að höndla með framlag okkar - al-
mennings - til samfélagsins. Hver
einasti einstaklingur í landinu
er þannig að greiða inn í lífeyris-
sjóði allt að fimmtung allra tekna
sinna, fjármagn sem síðan er að
verulegum hluta á markaði, m.a.
í höndum fjármálamanna til ráð
stöfunar. Sama gildir um hina him-
inháu vexti - einhverja þá hæstu í
heimi - sem við greiðum fyrir af-
not af fjármagni. Allt telur þetta í
arðsemi og launagreiðslum. Er að
undra að samfélagið vilji fá skatt-
greiðslur þessara aðila? Og er það
ekki hinn eðlilegasti hlutur að við
fáum upplýsingar um laun þeirra
og kjör? Að sjálfsögðu.
Höfundur er alþingismaður
Eftir mikla öldu alvarlegra slysa á
síðasta ári tóku ýmsir aðilar höndum
saman og hófu baráttu gegn þvi við-
horfi, að þrír tugir látinna af völdum
umferðarslysa og fjölmargir að auki
alvarlega slasaðir, væri eitthvað sem
almenningur yrði að sætta sig við.
Stjórnvöld og frjáls félagasamtök tóku
höndum saman með þeim árangri að
forvarnir og aðgerðir í þágu umferðar-
öryggis hafa sjaldan ef nokkurn tíma
verið eins beinskeytt og nú.
Ríkisstjórnin ákvað að stórefla um-
ferðareftirlit og gera vegalöggæslu
sýnilegri en áður, einkum við þekkta
slysastaði. Áhugamannasamtök eins
og t.d. Samtök um slysalausa sýn
hafa lyft Grettistaki við að vekja at-
hygli alls almennings á þeim vágesti
sem umferðarslysin eru. í júní skipu-
lögðu heilbrigðisstarfsmenn síðan
vel heppnaða fjöldagöngu gegn um-
ferðarslysum sem vakti þjóðarathygli.
Þarna gengu ýmsir hópar saman til
að vekja athygli á óskum sínum um
minni vinnu eða fá sem fæst verkefni
í hendur af völdum umferðarslysa á
komandi mánuðum. Um þessa ósk
sameinuðust hjúkrunarfræðingar,
læknar, sjúkraliðar, sjúkraflutninga-
menn, lögregluþjónar, sjúkraþjálfar,
starfsmenn tryggingarfélaga og
útfararstofa..
Undirritaður trúir ekki öðru en að
allar þessar aðgerðir hafi haft áhrif
til góðs í umferðinni á undanförnum
mánuðum. Slysatölur benda þó til
þess að fleiri hafi slasast í umferðar-
slysum fyrstu fimm mánuði ársins
en í fyrra. Mun færri banaslys hafa
hins vegar orðið f umferðinni í ár eða
fimm, samanborið við ellefu á sama
tímabili í fyrra.
Helstu orsakir umferðarslysa
Við upphaf verslunarmannahelgar
er ekki úr vegi að fara yfir það hverjar
eru helstu orsakir banaslysa í um-
ferðinni. ökumenn eru sérstaklega
hvattir til að fara yfir þessi atriði og
meta hvort þeir þurfi að breyta akst-
urslagi sínu í samræmi við þessar
upplýsingar.
Auk þess að valda banaslysum,
leiða umræddir þættir auðvitað til
fjölda annarra slysa í umferðinni auk
mikils eignatjóns. Orsakir banaslysa
í umferðinni eru oftast vísvitandi
brotahegðun en stundum einhvers
konar mannleg mistök.
Á árunum 1998-2006 létust 132 ein-
staklingar í umferðinni. Rannsóknir
sýna að 66% banaslysa í umferðinni
megi rekja til eftirfarandi níu þátta:
Á árunum 1998-
2006 létust 132
einstaklingar í
umferðinni.
UMRÆÐAN
Kjartan Magnússon
• Hraðakstur. 19%.
• Ölvunarakstur. 16%.
• Bílbelti ekki notað. 13%.
• Sofnað undir stýri. 5%.
• Biðskylda ekki virt. 5%.
• Lyfjanotkun. 2%.
• Ökutæki rennur til / lausamöl. 2%.
• Veikindi. 2%.
• Ölvaður gangandi vegfarandi
fyrir bíl 2%.
Margir ökumenn kjósa einhverra
hluta vegna að aka hraðar en að-
stæður leyfa og er það meginskýr-
ingin á því að hraðakstur er enn
sem fyrr efstur á lista yfir helstu or-
sakir banaslysa f umferðinni. Árið
2006 ollu ölvaðir ökumenn níu bana-
slysum og í tveimur öðrum slysum
fóru ölvaðir einstaklingar í veg fyrir
umferð og biðu bana. Ieinu slysi var
ökumaður undir áhrifum fíkniefna.
Á síðasta ári voru áfengi, fíkniefni og
ofsaakstur því meginorsök í um helm-
ingi banaslysa í umferðinni.
Spennum beltin
Rannsóknanefnd umferðarslysa
telur sennilegt að á árunum 2000-
2006 hefðu 40 ökumenn og farþegar
lifað af slys, hefðu þeir verið svo for-
sjálir að nota bílbelti. I mörgum til-
vikum kastast fólk út úr ökutækjum
eftir veltur og bíður bana eða stórslas-
ast vegna höfuðáverka sem hljótast
af harðri lendingu við jörð eða þegar
ökutækið veltur yfir það. Með mikilli
framþróun í öryggishönnun bifreiða
á undanförnum árum, fjölgar þeim
tilvikum þar sem sjálf bílgrindin og
farþegarýmið þola áreksturinn en
ökumaður og/eða farþegi láta lífið
því bílbeltið var ekki spennt. Heil-
brigð skynsemi mælir því með því að
bílbelti séu ætíð notuð af ökumanni
og öllum farþegum, einnig farþegum
í aftursæti.
Umferðarráð óskar öllum vegfar-
endum góðrar ferðar um helgina og
minnir á ellefu hundruð ára gamalt
spakmæli Skallagríms Kveldúlfs-
sonar, sem enn er í fullu gildi: „Gott
er heilum vagni heim að aka.“
Höfundur er formaður Umferðarráðs.

T
*

M
Þóra skrifar:
Mér líst ekkert á þessa manneklu
í leikskólum landsins. Hvað eiga
foreldrar að gera ef þeir fá ekki leik-
skólapláss fyrir börnin sín? Þeir
verða að komast í vinnuna til þess
að eiga fyrir salti í grautinn sinn.
Skýringin á vandanum er hins
vegar einföld. Launin eru einfald-
lega ekki boðleg fullorðnu fólki fyrir
þetta krefjandi starf. Sveitarfélögin
verða að endurmeta þessi störf til
launa og borga starfsfólki mann-
sæmandi laun í stað þess að hlusta
á úrtöluraddir þess efnis að ef laun
þeirra lægst launuðu hækki fari af
stað eitt allsherjar launaskrið meðal
allra stétta. Vel efnað fólk hlýtur að
geta unnt leikskólastarfsfólki þess
að fá mannsæmandi laun fyrir að
hlúa að börnum þeirra og veita þeim
öruggt skjól á daginn.
Það sem hafa ber í huga varðandi andlát og útför
Svcrrir Einarsson Hcrmann Jónasson Gcir Harðarson Bryndís Valbjamardóttir
ÚTFARARSTOFA ÍSLANDS
Suðurhlíð 35 Fossvogi • www.utforin.is
Vaktsími: 581 3300 & 896 8242 • Sólarhringsvakt
Komum heim til aðstandenda ef óskað er
Kistur • Krossar • Sálmaskrár • Duftker • Blóm • Fáni • Gestabók • Erfidrykkja • Prestur
Kirkja • Legstaöur • Tónlist • Tilkynningar í fjölmiðla • Landsbyggðarþjónusta • Lfkflutningar