blaðið - 08.08.2007, Blaðsíða 5

blaöiö
MIÐVIKUDAGUR 8. ÁGÚST 2007
HÚSBYGGJANDINN
21
Móttökudiskar
Gleöigjafar eða húslýti?
Daglega koma mál og fyrirspurnir
til Húseigendafélagsins um gervi-
hnattadiska. Oft eiga hlut að máli
nýbúar sem vilja ná sjónvarpssend-
ingum frá heimahögum sínum. Þeir
telja það til sálarheilla að geta fylgst
með dánafregnum og jarðarförum
og öðrum fréttum að heiman. Þeir
líta á diskana sem þarfaþing og
gleðigjafa meðan aðrir hafa ímug-
ust á þeim. Diskadeilur leysa miklar
tilfinningar úr læðingi. Diskar eru
ýmist elskaðir eða hataðir eins og
pestin og litast deilurnar af því.
Sameiginlegir diskar
Sameiginlega diska má ekki setja
upp fyrr en málið hefur hlotið form-
lega afgreiðslu innan húsfélagsins.
Kærunefnd fjöleignarhúsmála
hefur nokkrum sinnum fengið slík
álitaefni á sitt borð og markað þá
meginreglu að uppsetning venju-
legra diska á ytra byrði fjöleignar-
húsa sé háð því að aukinn meiri-
hluti (2/3) sé því meðmæltur. En ef
diskur er stærri, meira áberandi og
til meiri lýta verður að áskilja sam-
þykki allra eigenda. Á hinn bóginn
myndi einfaldur meirihluti senni-
lega duga þegar útlitsáhrifin eru
hverfandi.
Einkadiskar
Einkadiskar utan á og ofan á fjöl-
eignarhúsum hafa verið bitbein og
til ófriðar. Bitbeinið hefur líka snú-
ist um hvort eigendur megi hafa þá
á svölum sínum. í sumum tilvikum
hafa þeir sett diska upp á eða utan
á svalahandrið íbúða sinna eða
utan á húsið innan seilingar frá
svölum en í öðrum tilvikum eru
diskum fyrirkomið innan svala
sem ná lítið eða ekkert upp fyrir
svalahandriðið.
Húslýti, Brotajárnshaugur
Það skiptir sköpum hvort diskur
sé til lýta og hafi áhrif á ásýnd og
heildarmynd hússins. Ef fullkomið
og villt frjálsræði ríkti, færu sum
hús að bera enn meiri blæ af brota-
járnshaugum og rússneskum
draugageimstöðvum en orðið
er. Það er ljóst að stórir diskar og
einnig smærri diskar utan á húsum
og svölum eru fallnir til þess að
spilla ásýnd húss. Það er öðrum eig-
endum óskylt að sætta sig við.
Ytra byrði og ásýnd
húss er í sameign
Allt ytra byrði fjöleignahúss er
í sameign og þar með er talið útlit
og ásýnd þess. Allir íbúðareigendur
eiga rétt á að eiga hlut að ákvörðun
sem varðar útlitið og heildarmynd
hússins. Þegar um miklar útlits-
breytingar eru að ræða þurfa allir
eigendur að ljá samþykki sitt fyrir
þeim en þegar breytingar er um að
tefla sem ekki eru verulegar nægir
samþykki 2/3 hluta en til smávægi-
legra útlitsbreytinga nægir alltaf
samþykki einfalds meirihluta.
Ávallt eru meiri líkur á því að einka-
diskur sé háður samþykki allra en
sameiginlegur diskur. Það byggist
á því að með því að heimila einstak-
lingsdisk er yfirleitt verið að veita
viðkomandi eiganda aukinn eða sér-
stakan rétt umfram aðra.
Disklingar á svölum
Þegar um pena einkadiska (disk-
linga) á svölum er að tefla þá snýr
það meira að hagnýtingu séreignar.
Það er meginregla að eigandi eigi
einn rétt á að ráða yfir og hagnýta
séreign sína. Beri lítið á disknum og
hann er ekki er til teljandi óprýði,
þá er vafasamt að aðrir eigendur eigi
nokkurn íhlutunarrétt. Það er varla
ástæða til að amast við því þegar
krúttlegur disklingur lúrir bak við
svalahandrið og spillir ekki fegurð
hússins. Sama er að segja ef hann
gægist sakleysislega upp fyrir hand-
riðið svona eins og grill og aðrar til-
færingar á svölum. Ef diskur hefur
þannig engin eða sáralítil áhrif á út-
lit hússins og ásýnd þess þá skaðar
hann ekki lögvarða hagsmuni eig-
enda. Sem sagt. Ef ekki er um hús-
lýti eða ásýndarspjöll, þá er íbúðar-
eiganda sennilega heimilt að setja
upp og hafa disk á svölunum án þess
að leita samþykkis. Þó er vissara til
fyllsta öryggis að afla samþykkis
einfalds meirihluta á húsfundi.
Byggingaryfirvöld
Ef diskur, hvort heldur einka-
diskur eða sameiginlegur diskur,
kemur til með að breyta eða hafa
áhrif á útlit og ásýnd fjöleignarhúss
þá er meginreglan sú að afla verður
samþykkis byggingaryfirvalda.
Staða leigjanda
Ef um leigjanda er að tefla þá
verður hann vitaskuld að afla sam-
þykkis leigusala síns sem svo þarf
eftir atvikum að bera málið undir
húsfund áður en slíkur diskur er
settur upp.
Geislun, krabbamein í músum
Það er þekkt að svona diskar valdi
skelfingu. Dæmi eru um að íbúðar-
eigendur hafi neitað að veita sam-
þykki sitt fyrir diski vegna hættu á
geislun frá honum. Almennt er talið
að geislun frá slíkum diskum sé
engin og fólk á því að geta sofið rótt
þess vegna. Ekki hefur einu sinni
tekist að leiða að því líkum að svona
diskar valdi krabbameini í músum
og þá er nú mikið sagt.
Nýbúar njóta ekki forréttinda
Réttur íbúðareigenda er jafn
í þessu efni. Vissulega má hafa
samúð og skilning á aðstöðu ný-
búa sem vilja halda tengslum við
Sigurður Helgi Guðjónsson hrl.
Formaður Húseigendafélagsins '
föðurlandið með hjálp gervihnatta
en samt er ekki heimilt að veita
þeim sérréttindi eða aukinn rétt
umfram aðra. Slík sérréttindi fela
í sér misrétti og gagnvart öðrum
eigendum.
KAESER
LOFTPRESSUR
impex
Viðurkennd vara - gott verðj
Akföst: 0,82ms til 27ms/mín
Þrýstingur: 7 til 14 bar
Sími 534 5300 impex@impex.is www.impex.is