blaðið - 08.08.2007, Blaðsíða 7
blaðió MIÐVIKUDAGUR 8. ÁGÚST 2007 HÚSBYGGJANDINN (23
Of margir ófaglærðir
Ekki nægilegt eftirlit
með verktökum
Aldrei hefur verið jafn mikið að
gera hjá iðnaðarmönnum á íslandi
eins og undanfarin ár. Mörg lítil
verktakfyrirtæki hafa sprottið upp
á markaðnum og eru þau eins mis-
jöfn og þau eru mörg. Guðbrandur
Ingimundarson er múrarameistari
að mennt og hefur starfað í grein-
inni síðan 1971. Hann stofnaði sitt
eigið fyrirtæki árið 1999, GI MÚR
ehf., og vinnur bæði fyrir einstak-
linga og fólk með stærri verkefni.
„Ég vinn fyrir aðra verktaka en ég
skrifa sjálfur upp á verkin. Ég vil
fylgja verkinu eftir frá upphafi til
enda,“ segir Guðbrandur.
Sprengja á markaðnum
Samkvæmt Guðbrandi er alltof
mikið um ófaglærða menn sem
vinna sjálfstætt sem iðnaðarmenn.
„Frá því að þessi sprengja kom á hús-
næðismarkaðinum fyrir 10 árum
hefur vinna iðnaðarmannsins farið
hríðversnandi og það er ekki gott
fyrir stéttina í heild. Lærlingar eru
að stofna fyrirtæki og kunna jafnvel
ekkert til verka. Ég hef oft þurft að
laga verk eftir slíka verktaka; pússa
heilu húsin upp á nýtt. Það er alls
ekki nógu gott eftirlit. Allir gerð-
ust iðnaðarmenn við sprenginguna
upp úr aldamótum og enginn réði
við neitt.“
Komnar fleiri vélar
Aðspurður hvort greinin og tísku-
straumarnir hafi ekki breyst mikið
síðan hann byrjaði segir hann að
svo sé. „Ég sé mikinn mun frá því
að ég byrjaði, því það eru komnar
svo margar vélar sem vinna hin
ýmsu verk. Hins vegar er múrara-
starfið mjög erfitt þrátt fyrir véla-
búnaðinn. Hvað tískuna varðar þá
gengur hún í hringi í þessu eins og
öllu öðru. Það var í kringum 1980
að allir voru að hrauna húsin sín
bæði að innan og utan, en það er al-
gjörlega dottið upp fyrir. Fólk hefur
verið að falast eftir þvi að láta taka
þetta af en það er bara heljarinnar
mál. Ég mæli frekar með því að fólk
skipti um hús en að fara í þá fram-
kvæmd,“ segir Guðbrandur.
Ekki orðinn ríkur
Aðspurður hvort hann sé orðinn
ríkur af allri þessari vinnu undan-
farin ár segir Guðbrandur svo ekki
vera. „Ég er nú ekki orðinn ríkur og
verð það aldrei, en ég viðurkenni
það að ég hef það gott. Það má hins
vegar deila um það hvað það er sem
gerir menn ríka,“ segir Guðbrandur
• Bo
09 BROT
EITT BESTA ÚRVAL LANDSINS Á HEILSUDÝNUM
FRÍ LEGUGREINING
og fagleg ráðgjöf
á heilsu- og
sjúkradýnum
ILBOÐ 10-40% AFSLÁTTUR
. m pi t m :
:: :