blaðið - 15.08.2007, Blaðsíða 2

2
FRÉTTIR
MIDVIKUDAGUR 15. ÁGÚST 2007
blaðiö
ísafjörður
Margir vilja
eignast Miðfell
Þó nokkrar fyrirspurnir
hafa borist Fasteignasölu
Vestfjarða um eignir rækju-
verksmiðjunnar Miðfells
ehf. á ísafirði, sem lýst var
gjaldþrota í byrjun júlí. Þetta
kemur fram á vef Bæjarins
besta, þar sem haft er eftir
Tryggva Guðmundssyni hjá
Fasteignasölu Vestfjarða að
bæði hafi verið spurt um ein-
stök tæki úr verksmiðjunni og
möguleikann á að kaupa húsið
með öllum tækjum. Tryggvi
segir að reynt verði að selja
eignir þrotabúsins í heilu lagi,
en sölumál muni skýrast í þess-
ari viku eða þeirri næstu.
Þá mun Oddatá, sem er eign-
arhaldsfélag í eigu fjölskyldu
Kristjáns Erlingssonar, taka
við rekstri landvinnslu Fisk-
vinnslunnar Kambs ehf. á
Flateyri i lok þessa mánaðar.
Hinrik Kristánsson, fram-
kvæmdastjóri Kambs, segir
óvist hvað við taki hjá sér
sjálfum; til að byrja með ætli
hann að taka sér langþráð sum-
arfrí. hos
Húsnæðismarkaðurinn
íbúðalána-
sjóður hækkar
f búðalánasjóður hefur í kjölfar
útboðs á íbúðabréfum ákveðið
að hækka útlánsvexti ibúða-
lána sjóðsins um 0,05%. Útláns-
vextir íbúðalána verða 4,85%, á
lán með uppgreiðsluálagi, en
5,1% á lán án uppgreiðsluálags.
Vaxtaákvörðunin byggir á
ávöxtunarkröfu í útboði íbúða-
bréfa sem haldið var í gær,
ásamt vegnum fjármagnskostn-
aði uppgreiðslna ÍLS-veðbréfa.
Guðjón Amar segir eldki liggja á að ráða í framkvæmdastjórastöðu Frjálslynda flokksins
Mannaráðningar málefni flokksins
Guðjón Arnar Kristjánsson, for-
maður Frjálslynda flokksins, segir
ekkert liggja á að ákveða hver fái
stöðu framkvæmdastjóra flokksins.
f viðtali við Blaðið í gær sagði Sig-
urjón Þórðarson, fyrrverandi þing-
maður flokksins, að sér hefði verið
lofuð staðan þegar hann hætti við
framboð í Kraganum og fór fram í
Norðausturkjördæminu í staðinn.
„Það virðist vera einhver bið á að lof-
orðið verði efnt,“ sagði Sigurjón.
„Þetta er ekkert vandamál. Þetta er
ekkert sem hastar,“ segir Guðjón.
Magnús Reynir Guðmundsson,
bæjarfulltrúi í ísafjarðarbæ, tók
við stöðu framkvæmdastjóra Frjáls-
lynda flokksins þegar Margrét Sverr-
isdóttir hætti og er hann jafnframt í
hlutastarfi fyrir þingflokk flokksins.
„Hans ráðningu hefur ekki verið
breytt. Við höfum þetta bara eins og
með hvert annað innanflokksmál
sem fara þarf yfir í rólegheitum. Við
erum ekki bundnir af fréttum né því
sem einstakir menn segja og gera,“
leggur Guðjón áherslu á.
Spurður hvort flokkurinn sé ekki
bundinn af loforði sínu við Sigur-
jón segir hann: „Innanhússmál í
Frjálslynda flokknum um manna-
ráðningar og annað eru málefni
flokksins.“
ingibjorg@bladid.net
Ekkert liggur á Guöjón Amar Kristjánsson,
formaöur Frjálslynda flokksins, segir ekki
liggja á að ráða nýjan framkvæmdastjóra.
Reynslu- og menntunar-
skortur í fasteignasölu
■ Til stendur að bæta úr skorti á ófaglærðum fasteignasölum á íslandi ■ íslendingar langt
á eftir hinum Norðurlöndunum í þessum efnum
Eftir Hlyn Orra Stefánsson
hlynur@bladid.net
„Þrír fjórðuhlutar starfsfólks á
íslenskum fasteignasölum hefur
enga menntun á sviði fasteignavið-
skipta og oft litla sem enga reynslu
eða kunnáttu í þessum efnum, en
ráðleggja fólki samt í stærstu við-
•kiptum f lífi þess. Við hjá Félagi
fasteignasala fáum því miður reglu-
lega inn á borð hjá okkur mál þar
sem slíkar ráðleggingar standast
ekki neina skoðun," segir Grétar
Jónasson héraðsdómslögmaður og
framkvæmastjóri félagsins.
Líkt og lögmannsaðstoð frá ritara
Grétar segir fasteignaviðskipti sí-
fellt verða flóknari. „Engu að síður
hefur reynslan hér á landi verið sú,
að reynslulaust fólk getur labbað
inn á fasteignasölu og farið að verð-
meta húsnæði, oft eftir örfáa daga.
Söluþóknanir eru engu lægri þótt
þannig hátti til, og fólk telur sig auð-
vitað vera að tala við fagfólk. Þetta
er auðvitað ekki viðunandi. Enginn
myndi til dæmis sætta sig við að
þurfa að leita sér lögmannsaðstoðar
og borga fyrir það, en fá svo ráðgjöf
frá ritara eða almennum starfs-
manni á lögmannsstofu!"
Átak á Norðurlöndum
1 Svíþjóð eru yfir 95 prósent
þeirra sem starfa á fasteignasölum
með réttindi sem slíkir, og í Noregi
LÆRÐIR FASTEIGNASALAR
► í námi sínu læra fasteigna-
salar lögfræöí, viðskipta-
og hagfræði, og tæknifræði,
t.d. um byggingarefni og
raflagnir.
► í Sviþjóð eru 98% þeirra
sem starfa á fasteignasöl-
um lærðir fasteignasalar og
í Noregi er um 71% starfs-
manna á fasteignasölum
lærðir fasteignasalar.
► Á íslandi eru 25 til 30% þe-
irra sem starfa á fasteigna-
sölum lærðir fasteignasalar.
eru nýsamþykkt
lög sem kveða
á um að nánast
éinvörðungu lög-
giltir fasteigna-
salar megi starfa
á fasteignasölum.
„Ákveðið var
að taka þessi mál
í gegn á hinum Qrétar Jónasson
Norðurlönd-
unum þar sem ráðleggingar stóðust
oft engar gæðakröfur.“ Á Islandi
stendur einnig til að taka þessi mál
í gegn. Dómsmálaráðherra skipaði
í sumar starfshóp til að endurskoða
lög um fasteignasölur og er Grétar
í þeim hópi. „Óljóst hefur verið
hvaða störfum almennir sölumenn
megi sinna hér á landi, en horft
verður til Norðurlandanna við að
skýra þessi mál.“
Aukið framboð og kröfur í námi
Gerðar hafa verið endurbætur
á námi fasteignasala á íslandi.
„Hingað til hefur aðeins Endur-
menntun Háskóla Islands útskrifað
fasteignasala, en frá og með næsta
hausti mun Háskólinn í Reykjavík
einnig gera það. Gera má því ráð
fyrir því að fjöldi löggildra fast-
eignasala muni aukast töluvert, auk
þess sem kröfur hafa verið hertar og
námið lengt. Það er ljóst að hærra
hlutfall löggildra fasteignasala mun
skila sér í betri þjónustu til þeirra
sem eiga í fasteignaviðskiptum.”
ÞEKKIRÞÚTIL?
Hringdu í síma 510 3700 eða
sendu póst á bladid@bladid.net
VEÐRIÐ í DAG
Léttskýjað vestantil
Norðvestan og norðan 8-18 metrar á sek-
úndu. Hvassast um austanvert landið og
rigning og ennþá hvassara í vindhviðum við
austurströndina. Léttskýjað að mestu vest-
antil. Hiti 6 til 15 stig að deginum, hlýjast
sunnanlands.
ÁMORGUN
Súld norðaustantil
Norðlæg átt, 5-10 m/s, en 10-15 við
norðausturströndina. Súld eða rigning norð-
austantil á landinu, úrkomulítið norðvestan-
til en annars staðar bjart veður með stöku
skúrum. Hiti 5 til 14 stig, hlýjast syðst.
STUTT
• Vegrifflur Rannsókn Vegagerð-
arinnar á vegrifflum hófst í gær
þegar hluti Grindavíkurvegar
var fræstur, en til stendur að
fræsa 70 kílómetra. Tilgangur-
inn er meðal annars að fækka
slysum en rifflurnar eiga að
vekja athygli ökumanna á að þeir
séu í þann mund að keyra út af
vegi eða yfir á ranga akrein.
• Urriðaholt vaktað Urriðaholt
ehf. og Securitas hafa gert með
sér samning um að Securitas
vakti alls 1.650 íbúðir í Urriða-
holti í Garðabæ. Verða allar
íbúðir tengdar stjórnstöð Secu-
ritas. Stefnt er að vöktun með
eftirlitsbílum og myndavélum.
Samningurinn gildir í 18 mán-
uði en þá eiga íbúar hverfisins
kost á að framlengja hann.
Leiðrétt
Ritstjórn Blaðsins vill leiðrétta hvaöeina,
sem kann að vera missagt í blaðinu.
Leiöréttingar birtast að jafnaöi á síðu 2.
VÍÐA UM HEIM
Algarve 23 Hallfax 21 New York 22
Amsterdam 23 Hamborg 23 Nuuk 10
Ankara 33 Helsinki 24 Orlando 26
Barcelona 28 Kaupmannahöfn 20 Osló 17
Berlín 24 London 19 Palma 25
Chicago 27 Madrid 33 París 24
Dublin 16 Mílanó 27 Prag 30
Frankfurt 26 Montreal 16 Stokkhólmur 22
Glasgow 16 Munchen 30 Þórshöfn 11