blaðið - 15.08.2007, Blaðsíða 20

28
MIÐVIKUDAGUR 15. ÁGÚST 2007
blaðið
LÍFSSTÍLLHEIMILI
heimili@bladid.net
Ég hef mjög gaman af því að reyna
að skapa fallegt umhverfi og mér
finnst til dæmis mjög gaman að
teikna upp eldhús og fleiri herbergi.
Fyrirlestur
Flott, norræn hönnun
Audun Engh og Erling Okkenhaus,
arkitektar, verða með fyrirlestur um
sjálfbæra borgarþróun á Norður-
löndum í Norræna húsinu næstkom-
andi þriðjudag, 21. ágúst, klukkan
17.30. Yfirskrift fyrirlestursins er
„Ætlar Reykjavík að verða evrópsk
stórborg eða amerískt úthverfi?11 og
er liður í Reyfi 2007, Menningar-
gnægð Norræna hússins sem fer fram 18. til 26. ágúst.
Umræður
Á eftir fyrirlestri Auduns Enghs
og Erlings Okkenhaus verður
Guja Dögg Hauksdóttir, arkitekt
og deildarstjóri byggingarlistar-
deildar Listasafns Reykjavíkur,
með pallborðsumræður undir
yfirskriftinni „Gagnrýni í beinni“
þar sem fjallað verður um fag-
urfræði og vitund í íslenskum
arkitektúr. Umræðurnar hefjast
klukkan 19.30 á þriðjudaginn og
verða í Norræna húsinu.
Alensk hönnun
Norræna stofnunin á Álands-
eyjum stendur fyrir farandsýn-
ingunni Form.ax, sem verður í
Norræna húsinu á meðan á Reyfi
2007 stendur, dagana 18. til 26.
ágúst. Ferð sýningarinnar hófst í
Helsingfors þar sem sýningin var
opnuð í Gallerí Norsu 31. maí, og
var hluti af Álandseyjadögum í
Helsingfors 14. til 16. júní. Mark-
miðið með sýningunni er að gefa
heildstæða mynd af álenskri
hönnun, gæðum hennar og ný-
sköpun, og sýna hið hefðbundna
en jafnframt notkun nýrra og
spennandi efna. Á sýningunni
eru verk rúmlega 30 hönnuða.
Litadýrð í
tiltektinni
Það er ekkert sem segir að ómögu-
legt sé að njóta litadýrðar við
tiltekt og þrif. Þessir óvenjulegu
kústar eru hönnun Stefanos nokk-
urs Giovannoni og fást á vefsíð-
unni panik-design.com.
Barnavörur
á Selfossi
Nýlega var opnuð verslunin
Snúðar og snældur á Selfossi, en
um er að ræða fjölskylduverslun
með búsáhöld, barnaföt og barna-
húsgögn. Verslunin er staðsett
við Gagnheiði 70.
Staða og gildi íslenskrar hönnunar
Málþing um stöðu og gildi ís-
lenskrar hönnunar í innlendu og
alþjóðlegu samhengi verður haldið
á Kjarvalsstöðum á Menningarnótt
klukkan 13 til 15. í fyrri hlutanum
verður fjallað um hugmyndaheim íslenskra hönnuða, sérstöðu þeirra
eða einsleitni og þann brunn sem íslenskir hönnuðir sækja innblástur
í. Siðari hlutinn fjallar um gildi íslenskrar hönnunar fyrir íslenskan
iðnað og stöðu á alþjóðlegum markaði auk þess sem fjallað verður um
kosti þess og galla að starfa á litlum markaði.
Þátttakendur eru meðal annars Guðrún Lilja Gunnlaugsdóttir, sýninga-
stjóri Magma/Kviku, Guðmundur Oddur, prófessor við Listaháskóla
íslands, Guðfinna Mjöll Magnúsdóttir hönnuður, Hrafnkell Birgisson,
hönnuður og formaður FORM ísland, Elísabet V. Ingvarsdóttir, hönn-
unarsagnfræðingur og innanhússarkitekt, Guðbjörg Gissurardóttir,
framkvæmdastjóri Hönnunarvettvangs, Katrín Pétursdóttir, hönn-
uður og listamaður, og Finnur Árnason hjá Nýsköpunarsjóði.
PLANTA VIKUNNAR
Flamingóblóm frá
Andesfjöllunum
Flamingóblóm, sem einnig er
þekkt sem flæmingjablóm, er
vinsæl stofuplanta á íslandi. Það
heitir á frummálinu Anthurium
andreanum og kemur úr rökum og
skuggsælum skógarbotnum Mið-
Ameríku og Andesfjalla. Blöðin
eru hjartalaga og blómhlífarblaðið
er rautt, hvítt eða bleikt utan um
grannan gulleitan kólf - sem er hið
eiginlega blóm.
Best er að geyma flamingóblóm
á skuggsælum stað og gjarnan má
raða nokkrum plöntum saman til
að plönturnar njóti loftrakans hver
frá annarri.
Nauðsynlegt er að vökva flamin-
góblóm mikið á sumrin en minna á
veturna. Best er ef vatnið er aðeins
volgt og ef þau eru varin gegn
heitu og þurru stofulofti sem og
dragsúg og gólfkulda. Gott er ef
blómið fær lítilsháttar áburð í hvert
sinn sem það er vökvað frá mars
til september. Annars eru flamin-
góblóm afar þolnar og langlífar
stofuplöntur.
Hinn árlegi lista- og handverksmarkaður
„Kunsthándværkermarket“ verður haldinn á Frue Plads
i Kaupmannahöfn dagana 23. til 25. ágúst næstkom-
andi. Þetta er tuttugasta árið í röð sem markaðurinn
er haldinn og nýtur hann sívaxandi vinsælda. Þar er
hægt að fá allt milli himins og jarðar, allt frá fatnaði og
upp í borðbúnað, á sanngjörnu verði. Samtals ætla 138
leirkerasmiðir, glerlistamenn, textíl- og fatahönnuðir
og trélistamenn að selja vörur sínar á markaðnum að
þessu sinni.
Veitt verða verðlaun fyrir bestu nýju vöruna á mark-
aðnum og verður hún valin af fremstu hönnuðum og
listamönnum Danmerkur ásamt menningarmálaráð-
herra landsins, Brian Mikkelsen, og tilkynnt verður á
opnunardegi markaðarins hver fær útnefningu í ár.
Eins og venjulega má búast við að allnokkur fjöldi
íslendinga verði í Kaupmannahöfn um þessa helgi og
óhætt er að mæla með því að þeir geri sér ferð á þennan
vandaða markað og kynni sér það nýjasta í danskri og
Leirkönnur, hannaðar af Helle Rittig Þær eru meðal þeirra
fjölmörgu húsmuna sem verða til sölu.
skandinavískri hönnun. Heimasíða markaðarins er á
slóðinni www.kunsthaandvaerkermarkedet.dk.
Eitt af verkum Dagnýar
Öll verkin á sýningunni eru
unnin úr rúðugleri.
Húsgagnasmiður og glerlistakona á ísafirði
Býr til listmuni
úr rúðugleri
Falleg heimili, list- og
nytjamunir eru Dagnýju
Þrastardóttur afar hug-
leikin enda er hún hús-
gagnasmiður að mennt
ásamt því sem hún fæst
við glerlist.
Eftir Hildi Eddu Einarsdóttur
hilduredda@bladid.net
Dagný Þrastardóttir er húsgagna-
smiður að mennt og starfaði sem
slíkur í nokkur ár en rekur nú
Rammagerð Isafjarðar sem er gall-
erí og innrömmunar- og glerverk-
stæði. Nú hefur hún opnað sýningu
á glermunum „Á skörinni“, í hús-
næði Handverks og hönnunar við
Aðalstræti í Reykjavík. „Ég hef farið
á nokkur námskeið í glerbræðslu og
var í einn vetur að læra fagið í Ed-
inburgh College of Art. I kjölfarið
keypti ég bræðsluofn og síðan þá
hef ég verið að fást við þetta. Á sýn-
ingunni í Aðalstræti eru alls kyns
myndir úr gleri þar sem innblást-
urinn kemur úr náttúrunni og um-
hverfinu, en ég hef líka verið að gera
ýmiss konar nytjahluti á borð við
diska, kertastjaka og platta úr gleri.
Reyndar er ég orðin dálítið leið á því
og er farin að einbeita mér meira að
myndum og skrautmunum," segir
hún.
Nýtir afgangsgler
Fyrirtæki á borð við Ispan sem og
einstaklingar hafa verið dugleg við
að gefa Dagnýju afgangsgler sem
annars hefði farið á haugana, svo
að hún geti brætt það og gert úr því
list- og nytjamuni. „Ég nota fyrst og
fremst rúðugler sem búið er að taka
úr gluggum og vinn úr því. Það þarf
alls ekki að henda öllu heldur er
hægt að nýta svo margt upp á nýtt
í staðinn,“ segir hún.
Vill skapa fallegt umhverfi
Eins og gefur að skilja eru falleg
heimili Dagnýju hugleikin. „Eftir að
ég útskrifaðist sem húsgagnasmiður
fyrir allnokkrum árum hóf ég störf
á innréttingaverkstæði í Kópavogi
og vann þar í nokkur ár. Síðan flutti
ég vestur og fór að vinna í bygginga-
vöruverslun, en opnaði síðan gall-
eríið árið 1995 og fór jafnframt að
fást við innrömmun, sandblástur
á glugga, glerbræðslu og ýmislegt
fleira. Ég hef mjög gaman af því að
reyna að skapa fallegt umhverfi og
mér finnst til dæmis mjög gaman
að teikna upp eldhús og fleiri her-
bergi. Ég hef þó ekki starfað við það
eða aðstoðað aðra mikið við slíkt
þótt ég hafi reyndar tekið þátt í því
að taka þrjú hús í gegn með öðru
fólki,“ segir hún.
Nóg komið í bili
Aðspurð segist Dagný ekki stefna
á frekara nám tengt listsköpun eða
húsgögnum. „Ég held að þetta sé
bara að verða gott,“ segir hún og
hlær. „Ég held að ég ætli frekar að
einbeita mér að því að gera það sem
ég kann og þróa mig áfram í því,
enda er af nógu að taka.“
Sýningin Á skörinni er önnur
einkasýning Dagnýjar og stendur
til 6. september.