blaðið - 18.08.2007, Blaðsíða 16
16
LAUGARDAGUR 18. AGUST2007
blaöió
professional systems
Stigalagerinn
2 www.stigalagerinn.is - Dalbrekku 26 - s 5641890
Handrið
Harf gler
Efnissaki
Qrailing
Útgáfufélag:
Ritstjóri:
Fréttastjórar:
Ritstjórnarfulltrúi:
Árvakur hf.
ÓlafurÞ.Stephensen
Gunnhildur Arna Gunnarsdóttir
Þröstur Emilsson
Elín Albertsdóttir
Innflytjendur
bjarga málum
Blaðið sagði frá því í gær að yfir 40% starfsmanna á sumum elliheimilum
borgarinnar væru útlendingar. „Öðruvísi verða þessi heimili ekki rekin,“ sagði
Aðalheiður Vilhjálmsdóttir, hjúkrunarforstjóri á Skjóli, í samtali við Blaðið.
Það er mergurinn málsins. Án erlendra starfsmanna verður ýmis grund-
vallarþjónusta samfélagsins ekki rekin eins og ástandið er á vinnumarkaði
á Islandi. Hlutfall erlendra starfsmanna í lægst launuðu störfunum á sjúkra-
húsum og við heimaþjónustu er líka hátt. Utlendingum fjölgar á frístunda-
heimilum og í leikskólum.
Samt er ekki hægt að manna mörg þessara mikilvægu starfa, með tilheyr-
andi óþægindum fyrir þá, sem eiga að njóta þjónustunnar, þ.e. gamalt fólk,
sjúklinga og börn og fjölskyldur þeirra.
Það er vafalaust líka rétt hjá Ingibjörgu Bernhöft, hjúkrunarforstjóra á Drop-
laugarstöðum, að hlutfall starfsmanna, sem ekki tala góða íslenzku, megi ekki
verða mikið hærra en það er nú. Aðalheiður Vilhjálmsdóttir bendir á að jafn-
vel þótt fólk hafi náð góðum tökum á tungumálinu, sé fyrir hendi menningar-
munur. Þótt erlendir starfsmenn hafi lengi búið á íslandi og kunni málið geti
þeir ekki rætt t.d. ættfræði eða ýmis önnur áhugamál gamla fólksins.
Það sama á auðvitað við t.d. á frístundaheimilum og í leikskólum. Þar
verður að gera þá kröfu til starfsfólks að það geri sig vel skiljanlegt á íslenzku
og sé börnum góð fyrirmynd hvað tungumálið varðar. Þar geta starfsmenn,
sem ekki tala góða íslenzku, aldrei orðið nema brot af starfsfólkinu.
Eins og staðan er á vinnumarkaði virðist tvennt til ráða. Annars vegar þarf
að leggja verulega aukna áherzlu á að kenna innflvtjendum íslenzku, þannig
að þeir geti gengið í störf, sem sárlega vantar fólk í. I Blaðinu í gær kom fram að
íslenzkunámskeið á vegum Droplaugarstaða, Rauða krossins og Alþjóðahúss-
ins, sem haldið var fyrir pólskar konur, tryggði mönnun heimilisins í fýrra.
Hins vegar þarf ljóslega að hækka launin, sem greidd eru fýrir þessi störf.
Það er vel skiljanlegt að fólk sækist ekki eftir starfi þar sem meðallaunin eru
156 þúsund krónur á mánuði þegar hægt er að fá talsvert hærri laun, t.d. við
afgreiðslustörf í búð.
Hvernig sem litið er á málið, er hins vegar ljóst að tilkoma innflytjenda
á íslenzkum vinnumarkaði, sem er tiltölulega nýtt fyrirbæri, hefur bjargað
málum viða, ekki aðeins í umönnunarstörfum heldur í ótalmörgum öðrum
atvinnugreinum.
Stjórnmálamenn, sem segjast í öðru orðinu vilja efla velferðarkerfið, bæta
hag aldraðra og barna og þar fram eftir götunum, en ljá í hinu orðinu máls á
því að takmarka komu innflytjenda til landsins, mættu gjarnan hafa þetta í
huga.
Ólafur Þ. Stephensen
B ■« »I 'IUIÐARANN A WWWJHBLIS/PODCAST
Auglýsingastjóri: Steinn Kári Ragnarsson Ritstjóm & auglýsingar: Hádegismóum 2,110 Reykjavík
Aóalsimi: 510 3700 Símbréf á fréttadeild: 510 3701 Símbréf á auglýsingadeild: 5103711
Netföng: bladid@bladid.net, frettir@bladid.net, auglysingar@bladid.net
Prentun: Prentsmiðja Morgunblaðsins
£<i firLT Hv LÆKWar
VÆW íLLTHT f tfVÍTliW
. SloPPIí'M- ____________.
}
.=*y.
Borgaryfirvöld
í gíslingu verktaka?
Borgarþróun í Reykjavík er alltaf í
brennidepli. Sem betur fer eru borg-
arbúar almennt vel meðvitaðir um
umhverfi sitt og borgina 1 heild og
láta sig því miklu varða hvaða stefna
er tekin hverju sinni. Ibúa- og hverfa-
samtök gæta hagsmuna borgarbúa og
oft verður umræðan heit, sérstaklega
um einstaka framkvæmd sem deilt er
um hverju sinni.
Flestir muna eftir hörðum átökum
um staðsetningu Ráðhúss Reykja-
víkur í Tjörninni á sínum tíma. Eg
er reyndar ennþá á þeirri skoðun að
sú bygging hefði sómt sér betur uppi
á hæð eða hól en úti í Tjörninni og
mér finnst hún ennþá stinga í stúf við
gömlu húsin sem raða sér hringinn í
kringum Tjörnina - jafnvel þó mosag-
róinn vatnsveggur Ráðhússins sé til
mikillar prýði í miðborginni, jafnt að
vetri sem sumri.
Það þarf að horfa til fjölmargra
þátta við stefnumótun í borgarskipu-
lagi. Þar má til dæmis nefna mannlíf
og menningarsögu, Hfsgæði borgar-
búa, félagslega þróun og virðingu
fyrir náttúrunni.
Borgaryfirvöld í gíslingu?
Því er lykilspurning hver það er sem
ræður för við þróun og mótun borgar-
skipulagsins. Ég veit að þeir sem eru
kjörnir til að stjórna borginni vilja
gera það eins vel og kostur er. En eru
þeir alltaf sjálfráða? Því miður virð-
ist það vera svo, að verktakar ráði oft
meiru um þróun tiltekinna svæða en
borgaryfirvöld. Það má orða það svo
að verktakarnir fjárfesti í væntingum.
Þeir kaupa upp eignir á tilteknu svæði
í trausti þess að þeir geti margfaldað
fjárfestinguna síðar. Þeir vænta þess
að skipulagið verði þeim hliðhollt og
þjarma jafnvel að borgaryfirvöldum
til að svo megi verða.
Þetta er einmitt það sem gerst hefur
við Laugaveginn. Verktakar keyptu
upp fjölda gamalla húsa um leið og
ljóst varð að niðurrif þeirra yrði heim-
Margrét Sverrisdóttir
ilt, í trausti þess að þ ;ir gætu byggt
marfalt stærri eignir a lóðunum og
þannig ávaxtað sitt pund.
Það er ástæða til að óttast að hið
sama verði upp á tengingnum varð-
andi byggðaþróun í Örfirisey, því
þar hafa verktakar einnig fjárfest í
þeirri trú að þar rísi mikil íbúabyggð
í framtfðinni.
Ég ákæri
Ég ákæri borgaryfirvöld vegna fyr-
irhugaðs niðurrifs tveggja af elstu
húsum borgarinnar, húsanna við
Laugaveg nr. 4 og 6. Það er með ólík-
indum að borgaryfirvöld skuli ekki
sjá sóma sinn í að þyrma þessum
húsum. Borgaryfirvöld bregðast þar
með þvf mikilvæga hlutverki sínu
að standa vörð um menningarsögu
borgarinnar. Menningarsaga okkar
er einmitt vörðuð húsum á borð við
Laugaveg 4 og 6 og ef þau væru færð
í upprunalegt horf þá myndu þau
sannarlega efla ímynd neðri hluta
Laugavegarins sem hluta af ,„gamla
miðbænum" sem allir þykjast vilja
vernda.
Þetta eru afglöp af hálfu borgaryf-
irvalda, en það sem kemur í staðinn
eru önnur afglöp, ekki minni, því á
lóðinni á að rísa fjögurra hæða stein-
steypt hótelbygging. Halda menn
virkilega að þarna sé hentug aðkoma
að hóteli? Og gamla, fallega húsið á
horni Laugavegs og Skólavörðustígs
verður í besta falli kjánalegt þegar
búið verður að setja það í þetta nýja
samhengi. Það er líka með ólfkindum
að sumir skuli tala um að senda bara
„kúluna á kofana” þvf þetta séu svo
ljótir kumbaldar. Flestöll gömul hús
sem í dag eru mesta borgarprýði voru
áður í niðurníðslu eða afskræmd
vegna seinni tíma breytinga, eins og
þessi hús eru í dag. Umræða um skipu-
lagsmál og borgarþróun varðar alla
borgarbúa og við þurfum öll að gæta
þess, kjörnir fulltrúar borgarbúa
sem og borgarbúar sjálfir, að horfa á
heildarmyndina og samhengið milli
allra þátta í borgarþróuninni.
Þegar við horfum til framtíðar
ber okkur ekki síst skylda til að varð-
veita menningararfinn fyrir þær kyn-
slóðir sem þá munu ganga um götur
og torg.
Höfundur er borgarfulltrúi
KLIPPT 0G SK0RIÐ
Menningar-
málaráðherra
Dana, Brian
Mikkelsen, bað frsku
þjóðina formlega afsök-1
unar á dögunum vegna
árása norrænna vfkinga og illvirkja
þeirra á írlandi fýrir rúmum 1200
árum. Þá fóru heilu hjarðirnar af
blóðþyrstum vfkingum um Irland,
rændu þar og rupluðu og slátruðu
heimamönnum. Brian Mikkelsen
gerði þetta að umtalsefni í hófi á
dögunum þegar írar fengu formlega
afhenta endurgerð af langskipi sem
víkingarnir nýttu til siglinga yfir til
írlands og fleiri staða. Betra seint en
aldrei. Og nú er það spurning hvort
eða hvenær Þorgerður Katrín
Gunnarsdóttir menntamálaráð-
herra verður gerð út til að biðjast
afsökunar á verkum Egils Skalla-
grímssonar og annarra höfðingja
sem ríktu á íslandi á víkingaöld.
1
Iramsóknarkonur
I virðast einkar
lagnarviðaðýfa
öldur. Þær hafa karpað á
vefnum vegna lands-
þings Landssambands
framsóknarkvenna f dag. Karpað er
vegna þess að boðað er til þingsins
á sjálfa Menningarnóttina. Sömu-
leiðis vegna þess að f Norðausturkjör-
dæmi, höfuðvígi flokksins í síðustu
kosningum, er verið að kveðja tvo
fyrrverandi þingmenn flokksins í
kjördæminu. Anna Kristinsdóttir,
fyrrverandi borgarfulltrúi, er ein
þeirra framsóknarkvenna sem
gagnrýnir þinghaldið á þessum
tíma. „ Ég get ekki orða bundist.
Landssamband framsóknarkvenna
virðist vera að taka upp þann ósið
sem lengi hefur verið gagnrýndur
að halda þing eða fundi með slíku
skipulagi að sem fæstir mæti. Helst
að boða félaga með sem stystum fyr-
irvara, halda það á vonlausum tíma
og keyra dagskrána á nokkrum
klukkutímum. Er þetta konum sæm-
andi, eða á kannski að skipta um for-
ystu f samtökunum og ekki æskilegt
að fjölmennt verði? Er nema von að
spurt sé?“
the@bladld.net