blaðið - 31.08.2007, Blaðsíða 6

6
FRÉTTIR
FÖSTUDAGUR 31. ÁGÚST 2007
blaðió
Fákeppni
í akstri
Kæra samþjöppun á
leigubílamarkaði til
Samkeppniseftirlits
Aðalstöðin hefur lagt inn kæru til
Samkeppniseftirlitsins vegna kaupa
Nýju leigubílastöðvarinnar (NL)
á Aðalbílum og BSH fyrr á árinu.
Kjartan Valdimarsson, stjórnarfor-
maður Aðalstöðvarinnar, segir að
í marsmánuði hafi NL og Nýjung
gert samning og með honum hafi
NL eignast þrjár leigubílastöðvar á
takmörkunarsvæðinu, það er höfuð-
borgarsvæðinu og Suðurnesjum.
„Með þessum kaupum eignast þeir
fimmtíu prósent leigubílastöðvanna
á takmörkunarsvæðinu, eða NL, Að-
albíla og BSH. Þegar samningurinn
var gerður brutu þeir lög,“ heldur
hann fram.
Tuttugu prósenta samþjöppun
Kjartan bendir á að þegar NL
keypti Aðalbíla og BSH hafi orðið
samþjöppun á markaðnum sem
nemi tuttugu prósentum. „Áður en
stöðvarnar voru keyptar voru fimm
eigendur að þessum sex stöðvum,
sem voru þá. Eftir kaupin eru hins
vegar einungis fjórir eigendur og við
viljum meina að þessi samþjöppun
standist ekki samkeppnislög.“
atlii@bladid.net
Opin fyrir uppboði
losunarheimilda
@ Talsmenn Sjálfstæðis- og Framsóknarflokks telja úthlutunarreglur bara gilda út 2012
£1 „Samfylkingin búin að éta saltan grautinn og kyngir honum nú," segir Guðni Agústsson
Eftir Hlyn Orra Stefánsson
hlynur@bladid.net
Háttsettir þingmenn innan allra
flokka segja að vel komi til greina
að taka upp gjald fyrir losunarheim-
ildir gróðurhúsalofttegunda árið
2013, en í næsta mánuði verður út-
hlutað heimildum út árið 2012.
„Um er að ræða nýja auðlind og
ég tel því rétt að menn fari yfir alla
þætti málsins og útiloki ekkert, þar
með talið uppboð á losunarheim-
ildum til lengri tíma litið," segir Þor-
gerður Katrín Gunnarsdóttir, vara-
formaður Sjálfstæðisflokksins, sem
tekur fram að úthlutanirnar verði
gerðar á grundvelli laga sem sam-
þykkt voru í töluverðum flýti í vor
til að eyða óvissu þeirra fyrirtækja
sem málið varðar.
Hagsmunir starfandi fyrirtækja
Guðni Ágústsson, formaður
Framsóknarflokksins, sem var í
þáverandi stjórnarmeirihluta sem
samþykkti frumvarp til umræddra
laga, segir ákvörðun um að úthluta
heimildunum gjaldfrjálst vera end-
urskoðanlega eftir árið 2012.
„Ákveðið var að fyrirtæki sem
þegar eru starfandi og hafa starfs-
leyfi gangi fyrir við úthlutanir og
þannig viðurkenndir þeirra lög-
Dimmt yfir Grundartanga Það »
verður væntanlega aðeins bjartara yfir §
ráðamönnum álversins á Grundar-
tanga þegar það fær gefnar losunar-
heimildir í næsta mánuði. Biaöið/ÞÖK

• - - ......... u,-,.. ... i-■ ^ '■ -v

mætu hagsmunir. En það er enginn
sem segir að þetta verði alltaf svona.
Mér sýnist að krafan um jafnrétti
á markaði verði æ sterkari, og því
kann að verða öðruvísi farið með
þessar heimildir á næstu árum.“
Guðni bendir á að samfylking-
armenn mótmæltu frumvarpinu
að umræddum lögum meðan þeir
voru í minnihluta. „Samfylkingin
er búin éta saltan grautinn og
kyngir honum nú.“
Meirihlutinn talaði öðruvísi í vor
Steingrímur J. Sigfússon, for-
maður Vinstrihreyfingarinnar
- græns framboðs, segir að það hafi
ekki verið annað að heyra á ríkis-
ÚTHLUTUNARREGLAN
► Samkvæmt lögum um gróð-
urhúsalofttegundir gildir
„fyrstur kemur, fyrstur fær“-
reglan bara til ársins 2012.
► Eftir það ætti því að vera
hægt að bjóða heimildirnar
upp á frjálsum markaði.
stjórninni í vor en að heimildunum
yrði einnig úthlutað án endurgjalds
í framtíðinni. Flokkurinn mótmælti
frumvarpinu í vor. „Við bentum
á fáránleika þess að staðhæfa að
losunarheimildir yrðu afhentar
endurgjaldslaust um aldur og ævi,
og að það stangaðist beinlínis á
við grunnreglu umhverfisréttar og
mengunarbótaregluna.“
Guðjón A. Kristjánsson, formaður
Frjálslynda flokksins, gagnrýnir
gjafakvótann. „Það stefnir í að við
klárum okkar mengunarheimildir,
og þau fyrirtæki sem eftir koma
þurfa því að kaupa kvóta. Það hefði
verið eðlilegt að taka strax gjald
fyrir heimildirnar, þannig að öll fyr-
irtæki sitji við sama borð.“
Tveir ráðherrar Samfylkingar-
innar, Össur Skarphéðinsson iðnað-
arráðherra og Þórunn Sveinbjarn-
ardóttir umhverfisráðherra, hafa
þegar lýst þeirri skoðun sinni við
Blaðið að almennt eigi að taka gjöld
fyrir takmarkaðar auðlindir.
ILSE JACOBSEN • Hombæk
Garöatorgi Garöabæ sími5i7 4806
Alþjóðleg ráðstefna um landgræðslu
Dregur úr fátækt og
gróðurhúsaáhrifum
Landeyðing á Mývatnsöræf-
um Ýmislegt bendir til þess að
svæði á stærð við ísland missi
jarðvegsþekju sina á hverju ári.
Mynd/Birkir Fanndai Haraldsson
Landgræðsla getur hjálpað
til við að ná fram mikilvægum
markmiðum alþjóðasamfélagsins
sem snúa að umhverfislegum og
félagslegum þáttum, segir Guð-
mundur Ingi Guðbrandsson, um-
hverfisstjórnunarfræðingur hjá
Landgræðslu ríkisins. „Talið er að
landeyðing sé orsök að minnsta
kosti 20 til 30 prósenta þeirra kol-
efnissambanda í andrúmslofti sem
valda gróðurhúsaáhrifum. Enda er
heilmikið kolefni bundið í jarðvegi
og gróðri,“ segir Guðmundur. Hann
segir landgræðslu einnig vera veiga-
mikið atriði í að treysta undirstöður
fæðuframleiðslu fyrir ört fjölgandi
mannkyn og dragi þannig úr fá-
tækt. Auk þess stuðli hún að því
að vernda og endurheimta líffræði-
legan fjölbreytileika.
Landgræðsla ríkisins stendur
fyrir alþjóðlegri ráðstefnu á Hótel
Selfossi sem hefst á föstudaginn.
Tilefni ráðstefnunnar er 100 ára af-
mæli landgræðslu á Islandi. I frétta-
tilkynningu frá Landgræðslu rik-
isins vegna ráðstefnunnar kemur
fram að ýmislegt bendi til þess að
svæði á stærð við ísland missi jarð-
vegsþekju sína á hverju ári, ýmist
af náttúrulegum orsökum eða af
mannavöldum.
hlynur@bladid.net