blaðið - 31.08.2007, Blaðsíða 16

16
FOSTUDAGUR 31. AGUST 2007
blaöió
LÍFSSTÍLLHELGIN
helgin@bladid.net
Þetta er mannbætandi og gefandi starf sem byggist
á gömlum gildum. Hugmyndafræðin er hundrað ára
á þessu ári og hún gengur út á að menn geti bjargað
sér sjálfir og það á vel við nú á tímum.
UMHELGINA
Hverfahátíð á Klambratúni
íbúar í Hlíðum og gamla Aust-
urbænum halda hverfahátíð
á Klambratúni á laugardag kl.
14-16. Þar munu stofnanir og fé-
lög sem standa fyrir tómstunda-
starfi í hverfinu kynna þjónustu
sína auk þess sem margvísleg
skemmtun verður í boði fyrir
fólk á öllum aldri.
Hátíð í Árbæ Árbæingar halda
hverfahátíð við félagsmiðstöðina
Ársel á laugardag kl. 13-15. Fjöl-
breytt skemmtun og afþreying
verður í boði auk þess sem fé-
lagasamtök og stofnanir kynna
möguleika til frístunda.
íþróttahöll opnuð Ný íþrótta-
og tónleikahöll við Vallakór i
Vatnsendahverfi verður tekin í
notkun við hátíðlega athöfn laug-
ardaginn 1. september kl. 14.
Hlaupahátíð Vesturbæjar
Hlaupasamtök lýðveldisins,
Vesturbæjarlaug og Þjónustu-
miðstöð Vesturbæjar bjóða til
Fjölskylduhlaups á laugardag kl.
14-17. Hlaupið verður frá Vestur-
bæjarlaug. Ekkert þátttökugjald.
Grillað verður að loknu hlaupi
og frítt í sund.
Opið hús í Borgarleikhúsinu
I tilefni þess að 111. leikár Leik-
félags Reykjavikur er að hefjast
verður opið hús í Borgarleikhús-
inu á sunnudag milli kl. 15 og 17.
Fjölbreytt dagskrá og veitingar.
Keppt í kranastjórnun
íslandsmeistaramót MEST í
kranastjórnun verður haldið að
Malarhöfða 10 í dag, föstudag,
kl. 8-17. íslandsmeistarinn öðlast
keppnisrétt á Evrópumótinu í
kranastjórnun sem fram fer í
Þýskalandi.
k mk
Námskeið í sahaja-jóga Lista-
maðurinn og sjósundkappinn
Benedikt S. Lafleur stendur fyrir
námskeiði í sahaja-jóga í Viðju-
lundi við Rauða kross-húsið á
Akureyri á sunnudag kl. 10. Þátt-
taka í námskeiðinu er ókeypis.
Kitsune á Gauknum Kitsune-út-
gáfan stendur fyrir partíi á Gauki
á Stöng í kvöld. Fram koma eig-
endur Kitsune, Gildas og Masaya
auk DJ Casanova, Jack Shidt
ásamt Yvonne Coco og Steed
Lord. Húsið verður opnað kl. 23
og er aðgangseyrir 1500 krónur.
Tónlelkar á Organ Sprengju-
höllin heldur tónleika á tónlei-
kastaðnum Organ í Hafnarstræti
á laugardagskvöld. Áður en
tónleikarnir hefjast verður óút-
gefin plata sveitarinnar leikin
í heild sinni. Aðgangseyrir er
1000 krónur.
LÁTTU VITA
Hringdu í síma 510 3700 eða
sendu póst á bladid@bladid.net
Búist við um 40.000 manns á Ljósanótt
Gaman er að
koma í Keflavík
Ljósanótt sett í fyrra Fjölbreytt dag-
skrá fyrir fólk á öllum aldri er á Ljósanótt í
Reykjanesbæ um helgina eins og fyrri ár.
Alþjóðlegir straumar
setja svip sinn á Ljósa-
nótt í ár og árgangar
munu sameinast í göngu
niður Hafnargötuna. Þá
ætla heimamenn að
freista þess að lumbra á
dönskum hnefaleikurum
og sterkasti maður Suður-
nesja verður krýndur.
Eftir Einar Örn Jónsson
einar.jonsson@bladid.net
Reykjanesbær iðar af lífi um helg-
ina þegar bæjarbúar halda upp á
Ljósanótt í áttunda skipti. Fjölbreytt
dagskrá er í boði þá fjóra daga sem
hátíðin stendur, sýningar af ýmsu
tagi, tónleikar og aðrar uppákomur
jafnt innandyra sem utan.
Óhætt er að segja að alþjóðlegir
straumar leiki um hátíðina að þessu
sinni. Auk færeysks þjóðdansafélags
tekur hópur á vegum Veraldarvina
þátt í gleðinni að sögn Ásmundar
Friðrikssonar, verkefnisstjóra Ljósa-
nætur. „Hér er 50 manna bópur Ver-
aldarvina sem eru sjálfboðaliðar frá
fjölmörgum þjóðlöndum. Þeir eru
búnir að vera hér í bænum í nokk-
urn tíma og vinna sjálfboðaliða-
störf. Þeir ætla síðan að flytja tónlist
og skemmtiefni á Ljósanótt og setja
svip sinn á bæinn með götuleikhúsi
og trumbuslætti,“ segir hann.
Færeyskur dans í svitakófi
Ekki verður fjörið minna hjá Fær-
eyingunum sem eru félagar í Dansi-
félaginu í Havn. „Færeyingarnir
dansa færeyskan dans, vikivaka,
og syngja um Ólaf Liljurós. Dans-
inn fer fram í bíósal Duus-húsa þar
sem þeir ætla að reyna að mynda
svipáða stemningu og í Færeyjum.
Þeir vilja vera i þröngu húsnæði,
miklum hita og svitakófi," segir
Ásmundur. Færeyingarnir verða
með tvær sýningar í Duus-húsum
í kvöld og svo í Kjarna og á Hafnar-
götu á laugardag.
Á Ljósanótt í fyrra var bryddað
upp á svokallaðri árgangagöngu í
fyrsta skipti og þótti takast svo vel
til að leikurinn verður endurtekinn
í ár. „Árgangarnir hittast í Hafn-
argötu þar sem við verðum með
skilti hvers árgangs við húsin. Þar
hittist fólk úr sama árgangi og rifjar
upp gömul kynni. Síðan gengur
lúðrasveit niður Hafnargötuna og
tínir upp hópana sem enda síðan
í einni Ólympíuför inn á hátíðar-
svæðið,“ segir Ásmundur. Árgang-
arnir hittast á Hafnargötu kl. 13 á
laugardeginum.
Danir barðir
íþróttaáhugamenn fá eitthvað
fyrir sinn snúð í dagskrá Ljósa-
nætur að þessu sinni. Hæst ber án
efa hnefaleikakeppni milli heima-
manna í Hnefaleikafélagi Reykja-
ness og dansks úrvalsliðs. Fer
keppnin fram í Hnefaleikahöll bæj-
arins (gömlu sundlauginni) í dag
og hefst kl. 18. Á sama tíma hefst
LJÓSANÓTT
Alls eru skráðar 45 listsýn-
ingar á dagskrá Ljósanætur.
Ljósmyndasýningar eru
óvenjumargar eða alls átta.
Flestar sýningar eru opnar
föstudag og laugardag kl.
13-20 og sunnudag til kl. 18.
Listamennirnir sem sýna á
Ljósanótt eru 163 talsins og
þar af eru 150 heimamenn.
keppnin um sterkasta mann Suður-
nesja fyrir neðan Fischershús.
Þá verður Reykjanesmaraþon
þreytt á laugardagsmorgni og getur
fólk valið úr þremur vegalengdum.
Fjöldi annarra viðburða verður á
dagskrá Ljósanætur og má nálgast
dagkrána í heild sinni á heimasíð-
unni ljosanott.is. Auk heimamanna
má eiga von á að fjöldi utanbæjar-
manna leggi leið sína í bæjarfélagið
til að njóta hátíðarinnar. „Það voru
um 40.000 gestir í fyrra og við
gerum ráð fyrir að það verði eitt-
hvað svipað núna,“ segir Ásmundur
sem býst við mestri aðsókn upp úr
hádegi á laugardeginum.
„Það er búið að skipuleggja bíla-
stæði fyrir fólk sem kemur akandi
um helgina og við verðum með út-
verði á bæjarmörkunum sem taka
á móti fólki og láta það fá kort af
bænum þar sem helstu bílastæðin
eru sýnd,“ segir Ásmundur sem
kvíðir greinilega ekki fólksfjöld-
anum. „Við hlökkum til að fá sem
flesta í bæinn og tökum á móti
öllum.“
Vetrarstarf skátafélaganna að hefjast
Halda skátadag í
Laugardalnum
Litlu skátamóti verður slegið
upp við þvottalaugarnar í Laugar-
dalnum á laugardag kl. 11-18. Skáta-
samband Reykjavíkur stendur að
uppákomunni sem markar upphaf
vetrarstarfs skátafélaganna. „Skáta-
dagurinn í Reykjavík var árlegur
viðburður en lá svo niðri í nokkur
ár en hugmyndin er að endurvekja
hann,“ segir Helgi Jónsson, verkefn-
isstjóri hjá Skátasambandi Reykja-
víkur. Hann hvetur jafnt núverandi
skáta sem og þá sem vilja kynna sér
skátastarf til að koma í Laugardal-
inn á morgun enda fái þeir góða inn-
sýn í starfið á skátadeginum.
Skátadagurinn hefst með fánaat-
höfn kl. 11 og síðan tekur við dag-
skrá fram á kvöld. „Þarna setjum
við upp tjöld og stundum skátastörf
allan daginn. Síðan verða hópleikir
á hálftíma fresti eftir hádegi þar
sem allir koma saman. Þá geta
gestir gengið á milli tjalda og tekið
þátt í því sem félögin eru að vinna
að,“ segir Helgi.
Á staðnum verður átta metra
hár klifurveggur Skátalands. Hægt
verður að grilla sér pylsur að skáta-
hætti og varðeldur að skátasið
verður kl 16.30. Félagar úr Útilífs-
skóla skáta eru sérstaklega boðnir
velkomnir enda dagurinn öðrum
þræði uppskeruhátíð þeirra. Helgi
segir að skátastarf sé í sókn þrátt
fyrir aukna samkeppni um at-
hygli barna og ungmenna. „Þetta
er mannbætandi og gefandi starf
sem byggist á gömlum gildum.
Hugmyndafræðin er hundrað ára
á þessu ári og hún gengur út á að
menn geti bjargað sér sjálfir og það
á vel við nú á tímum,“ segir Helgi
að lokum.
Auk skátadagsins í Reykjavík
verða skátafélög víða um land með
opið hús þar sem tekið verður við
nýskráningum.