blaðið - 14.09.2007, Blaðsíða 4

FRÉTTIR
FÖSTUDAGUR 14. SEPTEMBER 2007
blaðið
Hæstiréttur
Skal dúsa í
varöhaldi
Hæstiréttur hefur staðfest
úrskurð Héraðsdóms Reykja-
víkur um að maður sem
ákærður hefur verið fyrir
margvísleg auðgunarbrot skuli
sæta gæsluvarðhaldi í allt að
mánuð. Maðurinn hefur játað
innbrot, þjófnað, bílstuld og
fleira. Heildarverðmæti þýfis-
ins er áætlað um ; milljónir.
Var það mat lögreglu að miðað
við brotaferil kærða dagana
fyrir gæsluvarðhaldið væri
það sýnt að hann myndi halda
áfram afbrotum gengi hann
laus. Aðeins tveimur dögum
áður en héraðsdómur úrskurð-
aði um gæsluvarðhaldið var
maðurinn dæmdur í 18 mán-
aða óskilorðsbundið fangelsi
fyrir ýmis auðgunarbrot.
Ölvunarakstur
Ölvuð með
barn í bíl
Kona á fertugsaldri var tekin
fyrir ölvunarakstur við
gatnamót Reykjanesbrautar
og Breiðholtsbrautar síðdegis
í gær. Með konunni í bílnum
var barn hennar sem er á
grunnskólaaldri.
Þá var rúmlega þrítugur karl
tekinn fyrir ölvunarakstur í
nótt en sá var stöðvaður í Skútu-
vogi. Sami maður var tekinn af
lögreglu í vor en þá var hann
einnig ölvaður undir stýri.
KJIJKLIIMGUR
Grensásvegi 5 i Reykjavík i Sími 588 8585
Opiö alla daga 11:00 - 22:00
Samgönguráðherra lætur starfshóp skoða blóð- og þvagsýnatöku vegna umferðarlagabrota
Reglur um sýnatöku samræmdar
Samgönguráðherra hefur ákveðið
að skipa starfshóp til að samræma
reglur milli lögregluembætta um
sýnatöku af ökumönnum sem
grunaðir eru um neyslu ólöglegra
efna. Þetta er gert á grundvelli 47.
greinar umferðarlaga þar sem segir
að „ráðherra setji nánari reglur
um sýnatökur og rannsóknir". Um
er að ræða öndunarsýni, svita- og
munnvatnssýni, blóðprufur og
þvagprufur.
Ástæður þess að starfshópurinn
er skipaður má að miklu leyti rekja
til mikillar umræðu sem varð eftir
að kona kærði lögregluna á Selfossi
fyrir valdbeitingu. Settur var upp
þvagleggur hjá konunni með valdi
í maí síðastliðnum og sköpuðust
miklar umræður í þjóðfélaginu í
kjölfarið.
Óvíst hvenær niðurstaða fæst
Starfshópurinn á að taka til starfa
18. september næstkomandi og er
nú beðið eftir því að skilað sé inn til-
nefningum í starfshópinn. Þeir sem
tilnefna fulltrúa í starfshópinn eru
ríkissaksóknari, ríkislögreglustjóri,
sýslumannsembættiðáSelfossi.sam-
gönguráðuneytið og Lyfjastofnun.
Engin tímamörk eru á starfi starfs-
hópsins og ekki er ákveðið hvenær
hann á að skila niðurstöðu.
freyrr@bladid.net
Gróf farangurinn út og
keyrði til Keflavíkur
■ Rúta ók inn í aurskriðu á Vesturlandsvegi ■ Mikilvægast að ekki varð alvarlegt slys,
segir ökumaðurinn ■ Kolniðamyrkur úti og bíll sem kom fyrr að skyggði á skriðuna
Eftir Hlyn Orra Stefánsson
hlynur@bladid.net
„Það sem mestu skiptir er að ekki
skyldu verða alvarleg slys,“ segir
Reynir Jóhannsson rútubílstjóri
sem lenti í því að festa rútu sína í
aurskriðu sem hafði fallið úr Esj-
unni á þjóðveg 1 við Mógilsá í fyrri-
nótt. Reynir var að keyra hóp 60
kvenna frá Akranesi til Keflavíkur-
flugvallar þar sem þær voru á leið
til Frankfurt. Tvær þeirra meiddust
lítillega, en Reynir segist ekki enn
vera búinn að kanna hvort rútan
hafi skemmst.
Bíll skyggði á skriðuna
„Allt í einu sé ég bíl snúa við á veg-
inum fyrir framan okkur. Ég hægi
því á rútunni og tek háu ljósin af.
Hinn bílstjórinn er hins vegar enn
með háu ljósin á sem gerir skyggnið
verra fyrir mig, en þegar ég mæti
honum erum við ekki búin að sjá
skriðuna því bíllinn er þversum á
veginum fyrir framan hana. Eng-
inn í rútunni sá skriðuna fyrr en of
seint, enda var svartamyrkur," segir
Reynir.
Reynir segir að ekki hafi verið um
mikið högg að ræða, en hins vegar
hafi rútan setið pikkföst í drull-
unni og þurfti að kalla út tæki til
að draga hana út úr skriðunni. „Við
kölluðum líka út aðra rútu sem sótti
farþegana, sem héldu allir nema
einn áfram til Keflavíkur.“
Skriða við Mógilsá Bílstjórinn sá ekki aur-
skriöuna fyrr en rútan sat pikkföst í drullu.
Gróf farangur farþeganna út
Aurinn náði upp að miðju far-
angursrýminu og því urðu farþeg-
arnir að halda áfram án farangurs
síns. En Reynir sá um að koma
öllu til skila. „Ég varð eftir ásamt
nokkrum öðrum til að moka
drulluna frá farangursgeymsl-
unum. Upphaflega ætlaði fólkið
að fljúga út án farangursins, en
við náðum honum sem betur fer
út og ég gat skutlað farangrinum
til Keflavíkur.“
Á endanum komust því bæði
konurnar og farangur þeirra til
Frankfurt, án þess að tafir yrðu á
fluginu. Reynir segist hafa orðið
mjög hissa á skriðunni, enda
aldrei vitað til þess að skriður
hefðu fallið á þessum stað áður.
Fólkið hafi þó tekið þessu vel. „Því
var ótrúlega lítið brugðið miðað
við aðstæður og það tók þessu með
miklu jafnaðargeði."
AURKSKRIÐAN
► Skriðan var nokkurra tuga
metra breið og féll á þjóð-
veg 1 í Kollafirði við Mógilsá.
► Að sögn lögreglunnar er
ekki vitað til þess að áður
hafi fallið skriða á veginn á
þessum slóðum.
► Líklegt er talið að mikið
vatnsveður hafi komið skrið-
unni af stað.
Kerrudagar hjá Topdrive.is
Létti
109.900 kr.
galvanseruö!
Frí garðlýsing fylgir!
hverri seldri kerru að verðmætH5.900 kr.
Burðaflötur: 230x 122cm.
Endurbætt útgáfa...
á meöan birgöir endast
Topdrive.is Smiðjuvellir 3, Reykjanesbær 422-7722
VISA Lán
- HAGST/EDAB AFBOBGANIR
Ný uppgötvun vísindamanna
Efni sem vinnur
gegn Alzheimer
Vísindamenn í Umeá í Svíþjóð
hafa ásamt hollenskum samstarfs-
mönnum sínum uppgötvað efni
sem geta stöðvað þróun Alzheim-
ers-sjúkdómsins, að því er sænskir
fjölmiðlar greina frá.
Vísindamennirnir, sem telja að
lyf verði mögulega tilbúið innan 5
ára, hafa uppgötvað að taugavirkir
sterar likamans sem virka á GABA-
A-viðtaka geti hraðað þróun heila-
bilunar. Þeir hafa jafnframt fundið
efni sem geta stöðvað þessi áhrif.
Nýju efnin kunna að gagnast
þeim sem greindir hafa verið með
kulnun.