blaðið - 14.09.2007, Blaðsíða 19

Listapósturinn
9. tbl. • 12. órgangur • 14. september 200/ • 139 tbl. frá upphaf
Af hverju eru Islendingar
svona vondir við sjálfa sig?
Góður gangur á uppboðunum
Ýmislegt er notað til að meta á hvaða menn-
ingarstigi þjóðir eru. Þar má til dæmis nefna
hvernig þær varðveita menningararf sinn og
koma honum á framfæri. Að dómi skrifara
standa fslendingar sig frábærlega á sumum
sviðum en hörmulega á öðrum. Til sérstakrar
fyrirmyndar má nefna Þjóðminjasafnið, þó
breytingar á því hafi tekið alltof Iangan tíma.
Það sem er hreinlega til skammar er svo nátt-
úrugripasafnið sem segja má að sé húsnæð-
islaust. Annað sem hreint ekki er í lagi er
Listasafn íslands. Þótt safnhúsið sé glæsilegt
er það óumdeilanlega alltof lftið. Þar er úti-
lokað að halda uppi eðlilegu sýningahaldi.
Vfðast hvar í veröldinni keppast þjóðlista-
söfn um að sýna gestum úrval af bestu verk-
um safnanna. Sérstök áhersla er lögð á að
kynna þessi verk fyrir ferðafólki sem sækir
söfnin heim. Mörg þjóðlistasöfn eru meðal
mestu aðdráttarafla viðkomandi landa. Þús-
undir heimsækja þau daglega.
Lítum á hvað ferðafólki var boðið upp á af
Listasafni fslands í sumar. Frá 10. maí til 8.
júlí stóð yfir sýning á Cobra verkum og þegar
henni lauk tók við sýning sem ber nafnið Ó-
náttúra, en henni lýkur um miðjan október.
Þótt Cobra sýningin hafi verið ágæt og ým-
islegt ágætt sé á yfirstandandi sýningu, þá átti
hvorug sýningin heima í safninu á þessum
árstíma að dómi skrifara. Heilt sumar leið án
þess að ferðafólki gæfist kostur á að sjá yfirlit
af bestu verkum safnsins. Þó ástandið hafi
ekki verið jafn slæmt nú eins og sumarið góða
þegar haldin var sýning á þjóðbúningum frá
Jórdaníu í safninu, þá er þetta samt afleitt.
Auðvitað er það ekki húsnæðinu að kenna
að sýningum safnsins er raðað niður á þennan
hátt. Það breytir þó engu um að húsnæðið er
of lítið og býður til að mynda ekki upp á að
hliðarsýningar séu settar upp jafnhliða stoð-
sýningum.
Stjórnvöld verða að koma sér upp úr hjól-
farinu sem þau hafa verið svo föst í um ára-
tugi. Það verður að taka upp nýja og framsýna
hugsun þegar listir eru annars vegar.
Eðlilegast er að einkavæða stóru söfnin og
líta á þau sem viðskiptatækifæri jafnhliða því
sem þau sinni auknu menningarhlutverki. Að
dómi skrifara er engin ástæða til að ríki og
sveitarfélög standi í safnarekstri. Best væri að
fela einkaaðilum, sem vanir eru rekstri og
vandir að virðingu sinni, þennan rekstur.
Rikisforsjá í listum er alls ekki heppileg á 21.
öldinni.
Sem stendur er við völd menntamálaráð-
herra sem að minnsta kosti í orði er hlynntur
frelsi á sem flestum sviðum. Með hliðsjón af
þeirri vitneskju er varla til of mikils mælst að
þessi kostur verði kannaður.
íslendingar eiga að setja sér það mark að
vera ekki verri við sjálfa sig en nauðsynlegt
er.
TPF
Listmunauppboð Gallerís Foldar síðastliðið
sunnudagskvöld gekk ágætlega. Greinilegur
uppgangur er á uppboðunum núna og sjá-
anlegt að mikill áliugi er fyrir hendi. Súlna-
salur Hótel Sögu var troðfullur af fólki og
nánast öll verkin seldust, en boðin voru upp
139 verk.
Eðli uppboðanna hefúr verið að breytast
undanfarið. Nú eru myndir af öllum verk-
um birtar á Netinu og heimsóknir á heima-
síðu gallerísins, myndlist.is, skipta þúsund-
um í kringum uppboðin. Fjöldi verka selst
nú í gegnum síma til kaupenda um allt land
og til útlanda.
Verðin á uppboðunum hafa verið að
hækka og nú er ljóst að besta verðið fyrir góð
verk fæst yfirleitt á þeim vettvangi. Er það í
samræmi við það sem gerist erlendis, þar
sem bestu verkin rata iðulega á uppboð.
Næsta uppboð verður haldið 14. október
og erum við að taka á móti verkum á það
uppboð.
Uppboð 14. október
Erum að taka á móti verkum á næsta listmunauppboð sem
verður haldið 14. október.
• Gallerí Fold •
innrömmun við Rauðarárstíg
Fullkomnasta rammaverkstæði landsins
Mikið úrval af rammalistum
BOÐSKORT
Kjartan GuÖjónsson
sýnir í Galleríi Fold
Laugardaginn 15. september kl. 15 opnar Kjartan Guðjónsson
málverkasýningu ! Baksal Gallen's Foldar.
Kjartan GuSjónsson, fæddur 1921.
Kjartan Guðjónsson stundaði myndlistarnám við Art Institute of Chicago.
Hann er einn úr upphaflega Septemberhópnum svokallaða, sem sýndi
fyrst saman 1947 í Listamannaskálanum. Sú sýning vakti gríðarlega at-
hygli og hafði víðtæk áhrif á myndlist hér á landi um langt árabil.
Kjartan kenndi við Myndlista- og handíðaskóla Islands í meira en aldar-
fjórðung. Hann hefur haldið margar einkasýningar og tekið þátt í fjölda
samsýninga bæði hérlendis og erlendis. Þá hefur hann löngum unnið við
hönnun og myndskreytingar, myndskreytt bækur og rit og teiknað frímerki
svo eitthvað sé nefnt. Kjartan Guðjónsson er án efa meðal virtustu núlif-
andi listamanna þjóðarinnar.
Allir velkomnir á opnunina
Opið er í Galleríi Fold virka daga frá kl.10-1 8, laugardaga frá kl. 1 1-16 og sunnudaga frá kl. 14-16.
Listapósturinn • Útgefandi: Gallerí Fold, listmunasala • Rauðarárstfg 14, 105 Reykjavík • Sími: 551 0400 • fax: 551 0660 • Netfang: fold@myndli$t.is • í Kringlunni, 103 Reykjavík • Sími: 568 0400 • Netfang: foldkringlan@myndlist.is •
Heimasíða Gallerís Foldar og Listapóstsins er: www.myndlist.is • Ritstjóri: Tryggvi P. Fri&riksson • Abyrgðarmaður: Elínbjört Jónsdóttir • Umsjón heimasíðu: Jóhann A. Hansen • Upplag: 95.000 prentuð eintök fylgja Blaðinu og 2400 rafræn
eintök, send ókeypis til áskrifenda.