blaðið - 14.09.2007, Blaðsíða 25

blaöió
FÖSTUDAGUR 14. SEPTEMBER 2007
33
Selfyssingar fagna 60 ára afmæli
Afmælishátíð alla helgina
Selfyssingar fagna 60 ára af-
mæli bæjarins með viðamikilli
afmælisdagskrá alla helgina og er
ókeypis aðgangur að nær öllum við-
burðum. Hátíðin hefst í dag með
því að gestum og gangandi verður
boðið upp á íslenska kjötsúpu fyrir
framan verslun Bónuss við Austur-
veg. Súpuveislan hefst kl. 15 og eru
allir velkomnir. Kjartan Björnsson,
formaður afmælisnefndar, segir að
það eigi vel við að bjóða upp á kjöt-
súpu enda Selfoss í miklu landbún-
aðarhéraði. „Það er uppskerutími
núna og sláturtíð að byrja þannig
að þetta á vel við á þessum tíma,“
segir hann.
Af öðrum uppákomum má nefna
menningardagskrá á Hótel Selfossi
á föstudags- og laugardagskvöld þar
sem listamenn frá Selfossi eru í aðal-
hlutverki, sýningar af ýmsu tagi og
gönguferðir. Einn af hápunktunum
verður án efa brúarsöngur undir
stjórn Árna Johnsens, tengdasonar
Selfoss, við Ölfusárbrú á laugardags-
kvöld. „Við ætlum líka að taka þar
á móti liði Selfoss í knattspyrnu. Ef
þeim gengur vel í deildinni á laugar-
dag komast þeir upp um deild og þá
munum við samfagna með þeim,“
segir Kjartan. Að brúarsöngnum
loknum verður flugeldasýning
og síðan slegið upp brúarballi á
hótelinu.
Kjartan gerir ráð fyrir að gestir
verði flestir í bænum á laugar-
dagskvöld en annars má búast
við talsverðri umferð alla helgina.
Auk heimamanna leggja án efa
margir gestir leið sína i bæinn, til
dæmis úr sumarbústaðabyggðum í
nágrenninu.
„Við leggjum einmitt mikið upp úr
því að fólkið úr sumarbústöðunum
komi og Sunnlendingar allir. Við
erum með 20.000 til 30.000 manna
byggð fyrir ofan bæinn um hverja
einustu helgi og nánast alla vikuna
á sumrin og fram á haust og þetta
fólk setur svip sinn á bæjarbraginn,“
segir Kjartan.
„Við leggjum til að heimamenn
komi gangandi í miðbæinn og gest-
komandi leggi á bak við Miðgarð,
við skólana og á ýmsum stöðum í
útjaðri bæjarins þannig að það séu
ekki allir að troðast á bílum í mið-
bæinn,“ segir Kjartan Björnsson að
lokum.
Dagskrá hátíðarinnar má nálgast
í heild sinni á vefnum sudurland.is.
UA/I HELGINA
• Masterclass í þolfimi
Haldinn verður svo kallaður
Masterclass-tími í þolfimi í
World Class í Laugum föstu-
daginn 14. september kl. 18:30.
Plötusnúður verður hinn eini
sanni Páll Óskar. Viðburðurinn
er liður í Fusion Fitness Festival
og rennur ágóði til styrktar sam-
tökunum Blátt áfram.
• Skák í Bolungarvík
Nokkrir af bestu skákmeist-
urum landsins taka þátt í
Hraðskákmóti íslands 2007 sem
hefst í íþróttamiðstöðinni Árbæ
í Bolungarvík laugardaginn 15.
september kl. 13. Að móti loknu
mun Grímur Atlason bæjarstjóri
troða upp ásamt félögum sínum
í Kjallaranum.
• Gamlar blaðaljósmyndir
Sýningin Daagblaðið Víísir! 1960-
2000 verður opnuð í Ljósmynda-
safni Reykjavíkur laugardaginri
15. september kl. 16. Á sýning-
unni eru ljósmyndir úr blaða-
ljósmyndasafni 365 miðla sem
Ljósmyndasafn Reykjavíkur tók
til varðveislu sumarið 2006.
• Leiðsögn um Ó-Náttúru
Ósk Vilhjálmsdóttir, mynd-
listar- og leiðsögumaður, verður
með leiðsögn um sýninguna
Ó-Náttúru í Listasafni Islands
á sunnudag kl. 14.1 ferð sinni
um sýninguna mun Ósk lesa í
verkin og túlka á persónulegan
hátt þau skilaboð er felast í
völdum verkum er varða sam-
band manns og náttúru.
• Harmóníkuball
Harmonikkufélag Reykjavíkur
stendur fyrir dansleik í Húna-
búð í Reykjavík laugardaginn
15. september kl. 22. Húnabúð
er í Skeifunni 11 (sama húsi og
þvottahúsið Fönn).
• Skáldað í tré
Vilhjálmur Þ. Vilhjálmsson
borgarstjóri opnar sýningu
Félags trérennismiða á íslandi
í Ráðhúsi Reykjavíkur laugar-
daginn 15. september. Sýningin
sem ber yfirskriftina Skáldað í
tré - handverkshefð í hönnun
stendur til 30. september.
\oragð sem aldrei breg^