Orðlaus - 01.12.2003, Blaðsíða 4
GLEÐILEG JOL!
Það fer ekki á miili mála að jólin eru á
næsta leiti og það hefur vart farið
framhjá neinum frá því um miðjan
nóvember. Jólalögin eru búin að vera
í spilun á útvarpsstöðvunum í margar
vikur, inn um póstkassann flæða
bæklingar með jólatilboðum og
verslanir bæjarins fyllast af kaupglöðu
fólki. Jólaljósin lífga upp á skammdegið
og tónlistarfólk með jólasveinahúfur
syngja fyrir gangandi vegfarendur í
miðbænum.
Ég er mikið jólabarn og gleðst því yfir
tímanum sem er framundan. Ég hlakka til
að hanga í rúminu, lesa jóiabækurnar, borða
smákökur og drekka jólaöl. Ég hlakka til að
vera heima með fjölskyldunni, skreyta
jólatréð, fá heimabökuðu lifrarkæfuna hennar mömmu á Þorláksmessu og labba
síðan Laugaveginn með vinunum, kíkja í búðir og setjast á kaffihús. Ég hlakka til
að borða góðan mat með mínum nánustu á aðfangadagskvöld, fara í stóra jólaboðið
hennar ömmu á jóladag og halda í hefðirnar sem mér finnst vera svo mikilvægar.
Þessi tími er mér er alveg yndislegur.
En er rétt að ég hugsi bara um það sem mér þykir gott og gaman að gera? Getum
við ekki reynt að gleðja aðra sem ekkert eiga, til dæmis með því að setja jólapakka
undir jólatréð í Kringlunni, setja í bauk Hjálpræðishersins eða gefa mat og fatnað
til Mæðrastyrksnefndar. Vissulega eru margir sem láta gott af sér leiða, gefa tíma
sinn á aðfangadag í að elda fyrir heimilislausa, heimsækja aldraða á elliheimilum
og lesa fyrir þá og vinna margvíslega sjálfboðavinnu. Það eiga ekki allir því láni að
fagna að njóta hátíðarhaldanna að fullu. Fyrir suma, sem ekki eiga fjölskyldur eða
eru á einhvern hátt dottnir út úr samfélagi við ættingja eru jólin einmanalegasti
tími ársins. Aðrir gleyma raunverulegri merkingu jólanna í öllu „jólaástandinu",
eyða langt um efni fram í dýrar en innihaldlausar jólagjafir sem greiddar eru með
greiðslukorti og verða jólin þá tími stress, skulda og áhyggna því að allir vita að
koma mun að gjalddaga.
Reynum að fara milliveginn og gera þennan tíma sem ánægjulegastan. Látum
jólalögin í útvarpinu, jólabæklingana og auglýsingaflóðið ekki fara í taugarnar á
okkur. Reynum að huga að því hvort við séum aflögufær handa öðrum, með
framlögum eða með því að sýna þeim sem standa okkur nærri hversu mikils virði
þeir eru okkur. Jólin eiga ekki að snúast um stærsta og flesta jólapakka, mestu og
dýrustu jólaljósin eða flottasta jólaboðið. Þau eiga að snúast um að vera saman,
að við sýnum hvert öðru þolinmæði og einlægni og slöppum af til fá smá tilbreytingu
í hvesdagsleikanum, því fljótt gengur lífið sinn vanagang aftur. Gleðjumst yfir öllum
litlu hlutunum sem saman gera dagana fram að þrettándanum að tilhlökkunarefni
allt árið.
Ég vona að þið njótið gleðilegra jóla eftir að þið hafið lagt ykkar að mörkum við
að gera öðrum þau gleðileg og að nýja árið sem óhjákvæmilega er framundan
verði enn betra en árið sem er að líða.
Steinunn Jakobsdóttir
ISLENSK
KNATTSPYRNA
EFTIR
VÍÐI
SlGURÐSSON
ÁFAN TlNDUR ► SÍMI 466-2772 ► WWW.TINDU
Hji
t it mm I a