Orðlaus - 01.12.2003, Blaðsíða 28

4-
Það er fátt verra en að tenda í leiðinlegri borg þegar maður ætlar til útlanda að skemmta sór og enn verra er að vera áttavillt i borg sem á að vera rosalega
spennandi en ramba ekki á neina spennu.
Það er semsagt mikilvægt að hafa einhversskonar góðan leiðarvísi þegar maður kemur í fyrsta sinn á ókunnar slóðir. Ef þú skyldir leggja leið þína til New
York þá er um að gera að fara til Brooklyn og tékka á Williamsburg hverfinu.
Þar eru flestir íbúarnir (fyrir utan strangtrúaða gyðinga og pólverja) ungir, hipp og kúl og flestir, ef ekki allir, að gera eitthvað listrænt. Þá gildir einu hvort
listin er tónlist, ritlist eða myndlist. Williamsburg hverfið er semsagt undirlagt af sætum stelpum og strákum sem iða í skapandi skinninu og þar er hellingur
af stöðum sem svona fólk vill hafa í hverfinu sínu. Fatabúðir, kaffihús, draslbúðir, bókabúðir, plötubúðir, veitingastaðir o.s.frv sem mæta kröfum vonnabía,
skapandi vonnabía, has bins og bins á aldrinum 20-35. Og það sem gerir þetta allt svo skemmtilegt er að þar er auðveldara að átta sig heldur en á Manhattan
því Manhattan getur verið yfirþyrmandi ef maður er nýliði í stórborginni.
i i ■
BLISS CAFE
191 Bedford Avenue
Langi þig í góðan kaffibolla og
grænmetisfæðu þá er Bliss hið besta mál.
KOKIES
Þar sem ég var stödd á Manhattan áður en ég kom til Williamsburg þá tók ég L-lestina
á 14th street station á Union Square en L- lestin keyrir beina línu frá Manhattan til
Brooklyn og fyrsta stöðin eftir að komið er yfir til Brooklyn er Bedford Avenue.
Þar stígur maður úr lestinni og um leið og upp á stéttina er komið hefst fjörið.
Bedford Avenue er ótrúlega lifandi og iðandi gata, full af kaffihúsum, veitingastöðum,
búðum og búllum og út frá henni liggja þvergötur þar sem hægt er að finna margt og
mikið hafi maður leiðarvísinn eða gædinn með sér.
i i
Á veggnum stendur Antique Lounge í dag, en ef vel er að gáð má sjá að það var áður
skilti yfir svæðinu þar sem stendur Antique og á því stóð Kokies. Þangað til í júlí í fyrra
var búlla þarna sem hét semsagt Kokies og Kokies var kókaín bar. Kókaín bar sem var
opinn langt fram á morgun. Mafían rak búlluna í góðu yfirlæti og í fleiri, fleiri ár tókst
þessum "Soprano" gaurum að komast hjá böstinu, en í fyrra var partíið svo búið. Til
að komast inn á Kokies þurfti maður víst password og það var ekki flókið að brjóta
þann kóða. Þú hringdir dyrabjöllunni og eftir að skörótt andlit birtist í lúgunni og þú
muldraðir leyniorðin var þér hleypt inn í Jólalandið þar sem snjóboltarnir flugu um
loftið og tönnum var gníst í hömluleysi eða þar til Guilliani borgarstjóri kom til sögunnar
og hreinsaði borgina upp með sinni eftirminnilegu framtaksemi. Núna er þetta
huggulegt, reyklaust “lounge" þar sem sem stelpur hanga og þamba kokteila. Alveg
seif og ekkert rugl.
■ i ■ ■ i ■ ■ ■ a i ■ ■ i • i ■ ■ ■ i i ■ ■ ■ i ■ ■ ■ ■ ■ ■ i ■ i
BEACONS CLOSET
110 Bedford Ave. Brookiyn, NY 11211
Algjörlega frrrrrábær Second Hand búð. Þarna er hægt að skipta á fötum, kaupa föt
og selja. Allt á mjög góðu og viðráðanlegu verði og endalaust hægt að finna eitthvað
flott.
MINI MALL
Mollið á Bedford er kallað smá mollið eða, The Mini Mall.
Þar er að finna:
Plötubúð sem sérhæfir sig í Indí rokki og undarlegri tónlist.
Mjög artý stelpufataverslun, Mini Mini Mart, sem selur kúl stuttermaboli, fyndar buxur,
skartgripi, leikföng, límmiða, töskur og allt of dýr krútt-kríp föt fyrir stelpur sem vilja
vera spes týpur.
Meiriháttar ostabúð.
Æðisleg vínbúð.
Tölvubúð.
Jóga stúdíó þar sem hægt er að ná úr sér New York stressinu.
og... Second Hand búð sem heitir The Girdle Factory og selur allskonar flott notuð föt.