Orðlaus - 01.12.2004, Qupperneq 55

Hrútur (21. mars - 20. apríl)
Allt hefur verið í óreiðu hjá þér upp á síðkastið, en
það þýðir einungis að þú stendur á kaflaskiptum í
lífinu. Miklar breytingar eru framundan og þú átt
eftir að taka mjög óvænta stefnu, þér og þínum til
mikillar ánægju. Þú þarft þá að losa þig undan öllum
tilfinningaflækjunum sem hafa angrað þig og halda
á önnur mið. Nú ættirðu að huga að því að breyta til
í vinnunni líka. Nýta alla hæfileika þína til fulls og
sýna hvað í þér býr. Búðu þig undir mikla rómantík í
kringum jólin, eitthvað sem þú hefur ekki vanist að
undanförnu. f>ú verður búin að ná áttum í kringum
áramótin og verður þá gjörsamlega geislandi af
ánægju og kynorku og getur heillað hvern sem er.
'b'
H
Naut (21. apríl - 21. maí)
Þú hefur átt erfiða tíma, en nú verðurðu að hætta
að horfa til baka og byrja að treysta á ný. Ef þú ert
heiðarleg við sjálfa þig og aðra þá áttu eftir að finna
það sem þú ert að leita svo grimmt að. Einhvern sem
skilur hvernig þú ert og tekur þér með þínum kostum
og göllum. í vinnunni verðurðu að læra að standa
á eigin fótum og hætta að leita svara hjá öðrum
vinnufélögum. Finndu þau sjálf! Þú átt eftir að lenda
í miðjunni á leiðinlegum misskilningi á næstunni og
þarft að hugsa vel út hvert einasta orð sem þú segir
við deiluaðilana. Eftir allt vesenið eru farsælli tímar
framundan hjá nautinu sem mun eiga sérstaklega
áhugaverð áramót.
Tvíburi (22. maí - 22 júní)
Þú hefur verið alveg sérstaklega lífleg að undanförnu
og fólk hreinlega sogast ífélagsskap þinn. Þú ættir að
nýta þér þessar auknu vinsældir til fulls, skipuleggja
einhverja uppákomu eða stórt partý, því þú getur
auðveldlega fengið fólk til liðs við þig núna. Ekki fá
samviskubit yfir að nýta þér aðstoðina, þetta mun
koma vel út fyrir alla. Velgengni á eftir að einkenna
byrjun næsta árs, bæði í ástar- og peningamálunum
og ef þú passar að fara ekki fram úr þér á hún eftir
að færa þig hratt upp þrepstigann, jafnvel út fyrir
landsteinana. Já, árið 2005 er árið þitt!
Krabbi (22. júní - 23. júlí)
Tækifærin gjörsamlega þefa þig uppi þessa dagana
og þú átt erfitt með að velja úr frábærum tilboðum.
Farðu þér þó varlega í félagslífinu. Þú ert á því
tímabili sem þér finnst þú þurfa að rasa út og sigra
heiminn en gerir endalausar vitleysur á leiðinni,
þannig að þú vilt helst hverfa ofan í skóna þína.
Vissulega skemmtir þú þér og fólkinu í kringum þig,
en aðeins til skamms tima, því fallið verður stórt ef
þú slakar ekki aðeins á. Tækifærin geta þýtt nýtt
ástarsamband ef þú gefur þér tíma í það, en ef þú
rasar svona út þá gætu tækifærin þýtt hrikalega
eftirsjá og ástarsorg. Þetta er samt allt gott og
blessað því þú munt fá spennandi vinnutilboð á
næstunni sem gæti tekið allan þinn tíma.
Ljón (24. júlí - 23. ágúst)
Ekki láta einhver formsatriði stoppa þig í að gera
það sem þú vilt gera. Þessi endalausa óákveðni
þín er að verða gjörsamlega óþolandi, eða það
finnst þínum nánustu. Þú átt bara eftir að missa
það sem þú tekur sem sjálfsögðum hlut með þessu
áframhaldi. Fyrstu vikurnar i desember eiga eftir að
vera alveg hrikalega annasamar, en strax eftir jól
kemur mikil spenna inn í líf þitt. Mjög hugsanlegt
er að þú takir saman við fyrrverandi elskhuga eða
kærasta og þá á allt öðrum nótum en var áður. Þú
átt það til að vera áhrifagjörn og auðvelt er að æsa
þig til að gera heimskulega hluti, sérstaklega núna.
Ekki láta vinnufélagana plata þig í að gera einhverja
vitleysu. Stattu frekar ein utan við áformin hjá þeim
á næstunni og þú munt vinna þér inn góð stig hjá
yfirmanninum.
m.
Meyja (24. ágúst - 23. september)
Þú hefur sýnt ótrúlega ábyrgð upp á síðkastið og
hefur tekið að þér verkefni sem flestir voru löngu
búnir að flýja. Gífurleg þreyta mun því hellast
yfir þig um miðjan mánuðinn, en ef þú tekur
jólaundirbúningnum með ró og reynir að forðast allt
jólastressið eiga síðustu dagar mánaðarins eftir að
verða ofboðslega þægilegir og notalegir. Þú munt
ganga í gegnum miklar breytingar í byrjun næsta árs
og verður öll í mun meira jafnvægi en áður. Rómantík
mun kvikna á vinnustaðnum eða í skólanum og þú
átt eftir að kynnast allt annarri hlið á manneskju
sem þú hefur þekkt í nokkurn tíma. Öll sú reynsla á
eftir að koma þér til góðs í framtíðinni.
X1
Sporðdreki (24. október - 22. nóvember)
Þú ert trú þínum nánustu og ert ótrúlega
tilfinninganæm um þessar mundir, bæði á jákvæðan
og neikvæðan hátt. Þúátt þóauðvelt meðaðaðlagast
þreyttum aðstæðum og óvæntum uppákomum sem
er mjög gott miðað við vikurnar sem eru framundan.
Sporðdrekinn er nefnilega í endalausu stuði núna
eftir frekar rólegar vikur. Þú átt eftir að vera
hrókur alls fagnaðar um jólin og áramót og ekkert
virðist geta stoppað þig. Nýttu þessa orku vel, ekki
bara í félagslífinu því það eru flutningar eða aðrar
breytingar í vændum. Sparsemi þín síðustu mánuði
á eftir að koma sér vel núna þar sem launahækkun
virðist í vændum, það er ef þú biður um hana, og
núna ertu loksins búin að læra hvernig þú átt að fara
með peningana þína. Eyddu þeim skynsamlega!
/wt
Vatnsberi (21. janúar - 19. febrúar)
Þú hefur ekki kvartað mikið að undanförnu og
engin ástæða til heldur. Ótrúleg vellíðan og innri
ró hefur einkennt þig og mun gera það áfram ef þú
lætur ekki jólahasarinn gleypa þig. Þú átt eftir að
falla fyrir manneskju á næstunni sem er ákveðin og
nokkuð stjórnsöm en þið náið vel saman eftir því sem
þið kynnist betur. Úr þessu gæti orðið langvarandi
samband eða mjög góður vinskapur. Þú hefur haft
mikla þörf fyrir félagsskap upp á síðkastið og það
virðist ekkert vera að breytast, að minnsta kosti
ekki næstu vikurnar. Þú átt eftir að skemmta þér
konunglega út árið enda eru endalausar veislur
og partý sem þú mátt alls ekki missa af. Eftir að
flugeldarnir eru slokknaðir og kampavínið búið
ættirðu þó aðeins að fara að róa þig niður og
einþeita þér að heimilinu.
Bogamaður (23. nóvember - 21. desember)
Ekki vera alltaf þögula manneskjan í vinahópnum.
Þú veist þig langar að segja þínar skoðanir og það
á enginn eftir að hlæja að þér. Eirðarleysi hefur
einkennt þig alvegfrá því í haustog hluti af vandanum
er sá að þú þráir meira frelsi til þess að geta verið þú
sjálf. Þú þarft að fara að breyta um umhverfi, flytja,
fara í nám eða breyta um vinnu. Gera eitthvað alveg
nýtt og kynnast ólíku fólki. Um leið og þú kemst út
úr rútínunni sem þú ert svo föst í áttu eftir að að
daðra við þá sem þú hefðir ekki einu sinni þorað að
heilsa áður. Mikil ást og rómantík er í vændum hjá
bogmanninum ef hann tekur smá stefnubreytingu
og hættir að fela sig á bak við vinkonuskarann.
K
Vog (24. september - 23. október)
Þú hefur verið full af sektarkennd og samviskubiti
að undanförnu en gerir þér ekki alveg grein fyrir af
hverju. Þú verður að komast að rót vandans ef þú
ætlar að ná að klára öll plönin sem þú varst búin að
setja þér fyrir áramótin. Um miðjan mánuðinn áttu
eftir að lenda í miðjunni á rifrildi í sambandi sem
þú tengist á frekar furðulegan hátt, en þú átt eftir
að tengjast annarri manneskjunni mun betur á eftir.
Einhver særindi munu þó leiða af þessu ef þú reynir
ekki að segja sem minnst. Byrjun næsta árs mun
einkennast af vinnuleiða því þér finnst þú ekki vera
að stefna að neinu marki, en þá þýðir ekki annað
en að hætta að vorkenna sér og drífa sig í að finna
út hvert þú vilt stefna. Endurnýjaðu ferilskrána og
farðu að skima um eftir nýrri vinnu!

Steingeit (22. desember - 20. janúar)
Þú hefur látið nánast allt eftir þér síðustu vikur og
hefur á ótrúlegan hátt talið þér trú um að þú eigir
skilið að kaupa allt sem þig langar í. Sem betur fer
ertu ekki aðeins örlát á sjálfa þig heldur á aðra líka.
Þessi lifnaðarháttur hefur þó safnað vöxtum og
brátt kemur að gjalddaganum! Komdu skipulagi
á fjármálin hjá þér áður en árið tekur enda og
byrjaðu það nýja með gjörólíkum áherslum. Komdu
einhverjum, sem þú hefur vanrækt, á óvart um jólin
og hvernig væri að gera smá jólalegt heima hjá þér?
Þá muntu skilja að lífsþægindi og rómantík þurfa
ekki að kosta morðfjár. Samband sem þú taldir vera
traust mun fara í háaloft í byrjun ársins og það á
eftir að taka þig smá tíma að ná áttum. Allt á það
samt eftir að leiða af sér mun ánægðari steingeit.
Fiskar (20. febrúar - 20. mars)
Þú hefur haft ótrúlega sköpunarþörf upp á síðkastið
og hefur komið meiru i verk en þú hefðir þorað að
vona. Haltu áfram á þessum krafti og þú munt geta
skálað fyrir sjálfri þér á gamlárskvöld án þess að vera
með neina eftirsjá. Ást og rómantík mun siðan kvikna
í janúar, hvort sem um er að ræða nýtt samband eða
bætt samskipti í því gamla. Líklegt er að þú gerir
breytingar í námi eftir áramótin og ákvarðanirnar
eiga eftir að vera erfiðar, en gefðu þér bara góðan
tíma í það. Mjög dularfullur aðili á eftir að koma inn
í líf þitt í byrjun næsta árs sem þú átt erfitt með að
botna í, en þú átt eftir að læra mikið á samskiptum
ykkar. Slepptu þér aðeins út í óvissuna og árið á eftir
að verða mjög viðburðaríkt, á allan hátt.