Orðlaus - 01.02.2005, Blaðsíða 4
HALTU
KJAFTI
G
VERTU GL#»
Til eru margskonar tegundir af fólki, með mismunandi skoðanir
og lífsviðhorf. Ég ætla þó núna að leyfa mér að setja upp
ímyndaðar aðstæður þar sem öllu fólki í heiminum er skipt upp í
tvo öfgafulla hópa. í þessum ímyndaða heimi mínum eru annars
vegar bjartsýnisfólkið og hins vegar svartsýnisfólkið.
Öfgafullu bjartsýnismennirnir valhoppa í stórum hópum um
allan hnöttinn með bros á vör. Þeir horfa björtum augum á lífið
og tilveruna og eru oftast nær afskaplega afslappaðir. Það er
gaman að vera í kringum þá því að þeir velta sér ekki mikið
upp úr leiðinlegum hversdagslegum hlutum og trúa ekki neinu
slæmu upp á aðra menn, engum svikum eða prettum. Þeir
hafa yfirleitt ekki miklar áhyggjur og stappa í mann stálinu ef
vonarneystinn manns sjálfs skín ekki eins skært því að þeir trúa
því að hlutirnir reddist alltaf á endanum. Ef upp kemur vandamál
þá er það vandamál morgundagsins, ekki dagsins í dag. Inn á
milli bjartsýnismannanna húka öfgafullu svartsýnismennirnir
( hornum sínum og hafa áhyggjur af heiminum. Þeir eru
neikvæðir og bölsýnir, sjá ekkert nema erfiðleika framundan og
telja að allt muni fara á hinn versta veg. Bjartsýnismönnunum
finnst svartsýnismennirnir vera niðurdrepandi. Þeir telja þá
nöldra út í eitt því að þeir eru með stöðugar áhyggjur af öllu
milli hímins og jarðar. f þessum ímynduðu aðstæðum mínum
eru svartsýnismennirnir ekki vinsælir. Það er ekki í tísku að vera
svartsýnn. Maður á að vera glaður. Brosa meira, hugsa minna.
Aukin bjartsýni hefur einkennt þróunina á stórum svæðum
míns ímyndaða heims. Bjartsýnismennirnir horfa glaðir á
vaxandi hagvöxt, stórframkvæmdir sem skila auknum tekjum
í þjóðarbúið, virkjanir sem þrátt fyrir að menga og eyðileggja
náttúruna skila þó af sér aukinni vinnu og bættum lífsskilyrðum.
Svartsýnismennirnir fussa og sveia yfir náttúruspjöllunum, lýsa
yfir hættunni sem steðjar að heiminum vegna þróunarinnar
og losunar eiturefna út í umhverfið og hrópa hátt og snjallt
að náttúran muni gefa eftir, hitastigið á jörðinni muni hækka,
hrikalegar hörmungar skella yfir mannkynið og þá geti allir
peningar heimsins lítið gert til þess að stöðva hana. Þá hlusta
þó fáir í heiminum mínum. „Hvílík vitleysa, mennirnir byggja
upp, þeir eyðileggja ekki", hugsa bjartsýnismennirnir og
halda deginum áfram. En er alltaf ástæða fyrir þessari miklu
bjartsýni? Ef svartsýnismennirnir reynast sannspáir þá hætta
bjartsýnismennirnir að geta hlegið og valhoppað um mína
ímynduðu jörð. Þeir eiga eftir að horfa á jöklana bráðna, dýr
deyja út, sjávarmálið hækka, flóð, storma, hitabylgjur, þurrka
og skógarelda út um allt. Minn ímyndaði heimur mun hægt og
hægt útrýma sjálfum sér.
Auðvitað er mikilvægt að vera bjartsýnn. Bjartsýnin heldur
manni gangandi og með hana að vopni nær maður að afreka
meira en manni gæti órað fyrir. En stundum þarf maður að
vera raunsær. Við megum ekki alltaf hugsa sem svo að hlutirnir
reddist á morgun eða hinn. Við megum heldur ekki hugsa sem
svo að vandamálið sé í höndum einhvers annars. Báðir hóparnir
eru því mikilvægir. Stundum þurfum við að nota dómgreindina
en ekki gefa okkur það að allt muni fara vel. Það kemur að því
að maður verður að fara að hugsa og spyrja sig: hvort á ég að
vera bjartsýn eða svartsýn?
Steinunn Jakobsdóttir
Allar nánari upplýsingar er aö finna á
www.landsbanki.is og þar má einnig nálgast
skráningarblað sem nauösynlegt er að fylgi
hverri umsókn.
Umsóknum skal skilað í næsta útibú
Landsbankans, merktum:
Námsstyrkir, Markaðsdeild,
Sölu- og markaðssvið, Landsbankinn,
Austurstræti 11, 155 Reykjavík.
Arlega eru veittir ellefu námsstyrkir til virkra viöskiptavina
Námunnar, námsmannaþjónustu Landsbankans.
Styrkirnir skiptast þannig:
• 3 styrkir til framhaldsskóla- og iðnnáms á íslandi, 100.000 kr. hver
• 3 styrkir til háskólanáms á íslandi (Ba/Bs/Ma/Phd), 200.000 kr. hver
• 3 styrkir til háskólanáms erlendis (Ba/Bs/Ma/Phd), 300.000 kr. hver
• 2 styrkir til listnáms, 200.000 kr. hvor
Umsóknarfrestur vegna úthlutunar námsstyrkja
er til 11. febrúar 2005
Landsbankinn
Banki allra námsmanna
410 4000 | landsbanki.is