Orðlaus - 01.04.2005, Blaðsíða 4
Ég var á gangi um götur Vínarborgar um daginn þegar ég var spurð að því hvort að
ég myndi vilja fara nokkur ár aftur í tímann, gæfist mér kostur á því, og endurupplifa
síðustu ár. Með tímaflakkinu gæti ég fengið að byrja upp á nýtt, gera hlutina öðruvísi
og skapa mér breytta framtíð. Djöfulli væri það nú freistandi, hugsaði ég með mér um
leið og ég hoppaði yfir götuna. Verða kannski aftur 19 ára, um það bil að skríða úr
menntaskóla og ekki búin að klúðra hinu og þessu. Já, það er vissulega margt sem ég
hefði gert öðruvísi, sagði ég við sjálfa mig. Það er svo margt sem ég sé eftir að hafa gert
og ennþá fleira sem ég sé eftir að hafa ekki gert. Ég vildi til dæmis oft óska að ég hefði
tekið fleiri áhættur í gegnum árin og ekki alltaf verið hrædd við að taka því óþekkta.
Mikið vildi ég líka að ég gæti tekið til baka stóran hluta af því sem ég hef misst út úr mér
eða talað þegar það átti við. Ef ég fengi annað tækifæri myndi ég ekki vísvitandi hafa
þagað í öll þessi skipti vitandi að þögnin mín væri meira særandi en nokkuð sem ég hefði
getað sagt. Endalausar minningar komu upp í hausinn á mér á meðan ég gekk meðfram
gangstéttinni og til þess að gera langa sögu stutta þá var ég búin að endurskipuleggja
ævina áður en ég náði að næstu gatnamótum.
Ég hef nefnilega verið mikill
fíkill í fortíðina eins og svo
margt annað um ævina. Sem
fortíðarfíkill hef ég dópað mig
upp af gömlum minningum
sem afbakast í vímunni,
því að endirinn verður mér
yfirleitt alltaf í hag. Þessar
hugsanir mínar eru yfirleitt
mjög óraunsæjar og tengjast
raunverulegum atvikum kannski
bara að örlitlu leyti. Ég held að
flestir kannist við það sem ég er
að meina. Eftirsjá er mannleg
tilfinning, við höldum í það
sem er farið og þráum það sem
aldrei varð.
En hvað getur maður í rauninni
gert mínútum, vikum eða árum
seinna? Ekkert! Nákvæmlega
ekki neittl! Það er ekki hægt
að snúa klukkunni til baka.
Það er ekki hægt að éta upp
orðin sem maður hefur sagt
og það er ekki hægt að búa
til neðanmálsgreinar við liðna
atburði. Ef maður virkilega
trúir því að slíkt sé möguleiki
þá er alveg eins gott að breiða
sængina bara yfir haus og láta
draumana bera mann aftur í
tímann, slökkva Ijósin og vona
að maður vakni ekkert aftur.
Eftir að hafa hugsað
spurninguna vandlega varð
ég því að svara henni neitandi
þar sem tímaflakkið hefði ekki
breytt neinu í rauninni. Ég
hefði örugglega tekið sömu
ákvarðanirnar þó að mér
gæfist nýtt tækifæri til að
skrifa ævisöguna. Það segir að
minnsta kosti enginn að þær
hefðu verið nokkru betri. Ég
hefði örugglega sagt það sama,
kannski orðað það öðruvísi. Ég
hefði án efa þagað á vitlausum
augnablikum og snúið við á
sama staðnum af ótta við sömu
höfnunina. Hversu mikið getur
maður líka sagst sjá eftir þeim
ákvörðunum sem maður hefur
tekið um ævina ef maður heldur
áfram að taka þær sömu aftur
og aftur og aftur? Lífið er auk
þess allt of stutt til þess að
vera að eyða því í að sjá eftir
hlutunum og horfa til baka.
Við ættum frekar að taka þessa
sérkennilegu tilfinningu og nýta
hana á öfugan hátt. Nýta hana
með því að njóta dagsins í dag
og læsa fortíðina ofaní skúffu.
"So take this world and shake it
... Come squeeze and suck the
day ... Come carpe diem baby!"
eins og (slandsvinurinn syngur.
Þegar ég hljóp niður í metróinn
ákvað ég því að setja mér nýtt
lífsmottó. Nýja mottóið mitt er
að hætta að hugsa um það sem
búið er að gerast eða gerðist
ekki síðustu ár. Hætta að búa til
ævintýraleg endalok við sögum
sem ég þorði aldrei að vera
persóna í. Ég ætla að njóta þess
hvað lífið getur verið yndislega
ómerkilegt og hugsa um daginn
í dag sem merkisdag, lausan við
eftirsjá og óraunhæf endalok.
Gamalt er gleymt! sagði ég við
sjálfa mig, hoppaði upp í lestina
og lét hana bruna með mig
áfram.
Steinunn Jakobsdóttir
Orðlaus - apríl 2005
10 Quiz - Ertu kvikmyndamógúll?
12 Survival of the Flottest
38-39 Tískuþáttur
Aktíf - Kringlunni
Umsj'ón: Kristín Soffía
Ljósmyndari: Gúndi
Förðun: Sóley frá MAC
Hár: Helga
Módel: Sólveig og Sara
Þakkir Prikið
46-47 Ólifnaður íslendinga
8 Viðtal - Jeff Who
18 Síðasti Móhíkaninn
22 Tíska - Steldu Stílnum
26 Tónlist - Tónlistarfárið 2005
28-29 Viðtal
32 Stjórnmál -
34-35 Saga Tískunnar
- Jón Sæmundur hjá Dead og Andrea hjá Júníform
Áhrifamenn okkar tíma
51 Viðtal - Donna Mess
54 Stjörnuspá