Orðlaus - 01.06.2005, Blaðsíða 42

42
ko ra
Dagskrágerðarkona
Hvaða húsi myndir þú helst viija
búa í?
I húsinu. Eins og í myndinni.
Hver er draumabíllinn þinn?
Mér finnst nú bara tilgangslaust að
láta sig dreyma um bíla þegar mað-
ur á hvítan dreka eins og ég.
Hvað dýr myndir þú helst vilja
eiga?
Ég myndi ekki vilja eiga annað dýr
en köttinn minn Hrapp. Hann er af
tegundinni sirkusköttur. Svo væri
ágætt að drita niður krökkum með
tíð og tíma.
Hvaða græja finnst þér vera
ómissandi?
Yddari.
Hvaða karlmanni/konu myndirðu
helst vilja vera með fyrir utan
maka?
Dýrslega sjarmörnum Benicio Del
Toro.
Hvað finnst þér vera ógeðslegt?
Flest. Kláðamaur.
Ef þú mættir fá að vita eitthvað fyr-
ir víst, hvað myndir þú vilja vita?
Ég vil vita hvenær ég á að sækja
gullpálmann.
Hrafnkell
Tónlistarmaður
Hvaða húsi myndir þú helst vilja
búa í?
í því húsi þar sem fjölskyldan mín er
hjá mér.
Hver er draumabíllinn þinn?
1978 450SL Benz blæjubíll - svo er
ég reyndar ferlega ánægður með
VW Passatinn minnl!
Hvað dýr myndir þú helst vilja
eiga?
Ljón.
Hvaða græja finnst þér vera
ómissandi?
Line6 gítarinn minn
Hvaða karlmanni/konu myndirðu
helst vilja vera með fyrir utan
maka?
Gellunni í Brúðkaupsþættinum Já á
S1. Hún er þokkalega flottl!
Hvað finnst þér vera ógeðslegt?
Fiskibollur í dós með bleikri sósu -
bjakkl!
Ef þú mættir fá að vita eitthvað fyr-
ir víst, hvað myndir þú vilja vita?
Ég kann ágætlega við að láta hlut-
ina bara koma í Ijós.
Sumarið 2005
Sumarið er gengið I garð, íslendingum
til ómældrar ánægju - þótt það þýði
stundum ekki annað en að bæta
sólgleraugum viðvetrarklæðnaðinn.Sólin
skín, fuglarnir syngja og grasið sveiflast
til og frá í ísköldum norðanvindinum
á meðan við látum okkur dreyma um
sumarfrí á suðrænni strönd. Nú eru
samt ekki allir það fjárhagslega vel í
stakk búnir að geta stungið af í erlenda
sumarsælu. En það þarf ekki að leita
langt yfir skammt. Island hefur nóg upp
á að bjóða fyrir sólþyrsta landsmenn.
Stressaðir borgarbúar, sem varla hafa
tíma til að keyra í Hafnarfjörðinn, þurfa
heldur ekki að örvænta - Reykjavíkin sér
um sína. Þegar sumrar er kominn tími til
að yfirgefa öruggt skjól Kringlunnar og
Smáralindarinnar og kanna óendanlega
möguleika borgarinnar. Hvort sem
lesendur hafa yfir bíl og tíma að ráða
eða halda sig innan hinna heilögu marka
hundrað og eins er Orðlaus með svörin.
I huga flestra þýðir sumarið afslöppun -
sem oftar en ekki felst í hinni fullkomnu
blöndu af sólböðum og vatnsböðum. Um
leið og sólin kíkir fram með loforði um
brúnkuslikju stappfyllast heitir pottar
landsins. Laugardalslaugin og Bláa Lónið
hafa sína kosti, en fyrir þá sem ekki
langar að hjúfra sig upp að misloðnum
ókunnugum mönnum í von um
eina freknu, eða nenna ekki
að kljást við bandbrjálaða og
leiruga túrista, er Orðlaus
með aðra möguleika.
Áttu bíl? Hefurðu tíma?
Hefur þig alltaf dreymt um
að fara I amerískt Road Trip?
Þá er tilvalið að skella sér í ísbíltúr
til Tálknafjarðar. Skelltu nokkrum
góðum vinum, fullt af skemmtilegri
tónlist, flatkökum og einhverju nasli í
bílinn, og leggðu af stað. í 404 kílómetra
fjarlægð frá Reykjavík er þetta tilvalinn
áfangastaður. Tjald (eða bara svefnpoka
ef þú vilt storka örlögunum) tekurðu með
þér ef þú getur ekki hugsað þér að keyra
fram og til baka í einum spretti. En þegar
á Tálknafjörð er komið bíða verðlaunin:
Uppi í fjallshlíð er lítill heitur pottur
sem íbúar kalla Pollinn. I órafjarlægð frá
mannmergðinni tekur Pollurinn á móti
þér og vinum þínum opnum örmum. Hér
er loðinn túrhestur hvergi I sjónmáli þótt
þú megir búast við því að rekast á eina og
eina rollu. Gefðu henni flatkökuna sem
þú tókst með þér og ef þú ert heppin/n
leggst hún alsæl niður og leyfir þér að
nota sig sem kodda á meðan þú liggur
í bleyti.
Annar möguleiki er hin
geysivinsæla Seljalandslaug,
sem hefur að vísu verið lokuð
í nokkurn tíma. Laugin er
ansi tilkomumikil þar sem hún
stendur alein og yfirgefin, hvít
með djúpgrænu vatni. Hvort þú
viljir eingöngu njóta útsýnisins eða taka
áhættuna á að dýfa þér ofan í gróðurinn
I vatninu fer alveg eftir ævintýraþorsta
þínum. Orðlaus tekur enga ábyrgð á
baðgestum laugarinnar.
Fyrir þá sem vilja vera alveg öruggir um
friðhelgi einkalífsins í lauginni sinni
er bara einn möguleiki í stöðunni: Að
fjárfesta í uppblásinni einkalaug. Þótt
stærðinni sé kannski ekki mikið fyrir að
fara hefur hún þann augljósa kost að
hægt er að ferðast með hana um allt land
- á meðan þú hefur aðgang að vatni. Og
ef þú treystir þér ekki ofan I græna vatnið
í Seljalandslauginni geturðu alltaf troðið
þessari í skottið á bílnum og tekið hana
með ásamt þónokkrum plastflöskum af
volgu vatni.
Þegar út úr Kringlunni og Smáralindinni
er komið í upphafi sumars hljóta margir
að vera I sárri þörf fyrir nýjan stað
til að hanga á enda er hangiríið
eitt stærsta tilhlökkunarefni
sumarsins í huga margra.
Orðlaus veðjar á að
bekkurinn fyrir framan
Bónus verði einn heitasti
staðurinn I sumar. Þetta er
besti staðurinn fyrir þá sem
þyrstir í mannleg samskipti:
Nálægðin við Bónus ber
ekki eingöngu með sér að
ódýr matvæli séu við höndina,
heldur mun mannlífsflóran
einnig blómstra við bekkinn. Þar er
að sjálfsögðu ágætisskjól, og ekki spillir
hellulagða planið fyrir. Þar er hægt að
kríta að vild á milli þess sem kjamsað er
á nýjustu afurðum verðstríðsins. Fyrir
r'cJL3i tc3
43
Gunnhildur Helga
Þáttastjórnandi í
Djúpu Lauginni
Hvaða húsi myndir þú helst vilja
búa í?
Gamla Borgarbókasafninu í Þing-
holtsstræti.
Hver er draumabíllinn þinn?
Mig myndi langa í Porche sportbíl,
en annars hef ég alltaf verið hrifin
af gömlu VW Bjöllunni.
Hvað dýr myndir þú helst vilja
eiga?
Hund - West Highland White Terri-
er
Hvaða græja finnst þér vera
ómissandi?
GSM síminn minn.
Hvaða karlmanni/konu myndirðu
helst vilja vera með fyrir utan
maka?
Brad Pitt.
Hvað finnst þér vera ógeðslegt?
Svitalyktog brúnar, skemmdartenn-
ur.
Ef þú mættir fá að vita eitthvað fyr-
ir víst, hvað myndir þú vilja vita?
Ég myndi ekki vilja vita neitt fyrir
víst af því að þá væri maður alltaf
að bíða eftir að sá atburður myndi
eiga sér stað.
Hvaða húsi myndir þú helst vilja
búa í?
Danska sendiráðið er farið að verða
fínteftirendurbæturogekkiskemm-
ir staðsetningin.
Hver er draumabillinn þinn?
Mig langaði í PT Cruiser en eftir að
annar hver "uppi" á íslandi keypti
sér eintak verð ég að segja Trabant.
Bjarni
Mínus
Hvað dýr myndir þú helst vilja
eiga?
Hreindýr til að halda tengslum við
forfeður mína.
Hvaða græja finnst þér vera
ómissandi?
í augnablikinu er það Ipod en ég
reyni að reiða mig sem minnst á
nokkuð sem heitir græja.
Hvaða karlmanni/konu myndirðu
helst vilja vera með fyrir utan
maka?
Ég hugsa bara einfaldlega ekki um
aðrar konur en kærustuna mína. Án
gríns!
Hvað finnst þér vera ógeðslegt?
Bláa lónið, bara spurning um
hvenær túristarnir fatta að þetta er
ekkert nema hvítur brunddrullupoll-
ur sem kostar að drulla sig út I.
Ef þú mættir fá að vita eitthvað fyr-
ir víst, hvað myndir þú vilja vita?
Af hverju hættu Jennifer Aniston og
Brad Pitt saman!
kaffiþyrsta er rétt að benda á að ókeypis
kaffi í Landsbankanum er mjög skammt
undan.
Arnarhóll er innilega vanmetinn. Þó að
stundum geti blásið aðeins um kinnar
hefur hann upp á hið prýðilegasta
útsýni að bjóða. Þú gætir
^ jafnvel eignast nýja vini
1 eða kunningja í hópi
þeirra sem stunda
hólinn.Ogþegar
vinskapurinn
glæðist máttu
jafnvel eiga von
á því að vera
boðið upp á
áfengi - ekki
slæm búbót fyrir
sumarglatt fólk
sem hefur eytt
allri hýrunni í hvít
föt.
Þakparti hafa notið mikilla
vinsælda erlendis, og
það er engin ástæða til að forðast
þau hér heima fyrir. Það sem þú þarft
er fyrst og fremst aðgangur að flötu
þaki - nokkuð sem getur reynst erfitt í
bárujárnsparadísinni Reykjavík. Ef ekkert
er þakið og þú treystir þér ekki til að láta
gestina klífa gamla Morgunblaðshúsið
með ísöxi að vopni, kemur Sundhöllin
alltaf til greina. Á þaki hennar er
sólbaðsaðstaða. Þar getur þú að vísu
ekki haldið annað en áfengislaus partí
með gestum af einungis öðru kyninu
en eitthvað af stemmningunni skilar sér
vonandi. Að stelpurnar megi vera berar
að ofan virkar kannski sem ísbrjótur.
í byrjun sumars þarf ekki bara að
endurnýja fataskápinn. Fólk þarf líka að
koma sér upp nauðsynlegustu kitunum
fyrir sumarið.
Plastgarðhúsgögn ættu að
vera með því fyrsta sem
þú fjárfestir í í sumar.
Þau er að sjálfsögðu
hægt að nota á
hefðbundinn hátt
undir kaffibolla úti
í garði. En hugsaðu
þér bara hversu miklu
auðveldara líf þitt verður
þegar þú þarft ekki lengur að vera mætt/
ur á Austurvöll klukkan átta um morgun
til að ná borði fyrir hádegið. Þú kippir
einfaldlega húsgögnunum með þér, og
ef þú vilt geturðu ráðið yngra systkini til
að þjóna þér til borðs.
Ef þú ætlar þér að freista
gæfunnar í Nauthólsvíkinni
í sumar er meira en
hentugt að byrja að gera
heimavinnuna núna. Þá er
ekki átt við að skrapa af sér
húðina með skrúbbi og taka B-
vítamín og borða gulrætur til að ná
sem bestri brúnku. Nei, vertu sniðug/
ur og lærðu að hekla. Uppskrift að
hringlaga dúk á borð má finna I hvers
kyns hekl- og prjónablöðum. Þú stækkar
svo uppskriftina þónokkuð og heklar
sólhlíf sem þú getur tekið með þér
á ströndina. Þannig geturðu sótt I
skugga ef þér hitnar um of I íslensku
sumarsólinni, og hlífin virkarsvosem
hið fínasta teppi þegar sólin stingur
sér á bak við ský. Þetta er tilvalið
fyrir artí fólk sem getur hannað
sína eigin sérstöku hlíf og ef það vill
ganga skrefi lengra í sérstaklegheitum
getur það uppskorið einstaka, doppótta
sólbrúnku ef vill.
Þér þarf alls ekki að leiðast I sumar. Ef þú
nennir hreinlega ekki að liggja I sólbaði
eða heitum potti er nóg af öðrum
sniðugum hlutum í boði. Farðu og
stökktu í hylinn í Mosó, eða skelltu
þér niður á höfn að dorga - nokkuð
sem Reykvíkingar gera allt of lítið af.
Orðlaus hefur áreiðanlegar heimildir
fyrir því að þar sé hægt að krækja í
eins og einn ófrýnilegan marhnút.
Passaðu bara að vera búin/n að kaupa
grillmat fyrir kvöldið því það er með
öllu óvíst að eitthvað ætt komi upp úr
Reykjavikurhöfn.
Ef þessar hugmyndir gera það ekki fyrir
þig, leggðu þá þig og eigin haus I bleyti.
Og ekki gleyma að sumarið hefur upp á
allt bjóða. Þú þarft bara að bera þig eftir
því.