Orðlaus - 01.08.2005, Blaðsíða 38

38
ÍSLENSKIR KARLAR UM ÍSLENSKAR KONUR
ASGEjlRmBEIWS_________________
Dagskrarstjori FM957
Hvað er kvenlegt fyrir þér?
Kona sem kann að sýna það besta sem í henni
býr sem kvenmanni. Kona sem hefur sig til,
hugsar um líkama og sál og nýtur þess í botn
að vera kona.
Hvernig getur kvenmaður heill-
að þig upp úr skónum?
Með því að vera örugg með sjálfa sig án þess
að vera egóisti. Sýni að hún viti hvað hún vilji,
sé sjálfstæð, hafi fallegt bros og að það skíni
af henni kynþokki, sjálfsöryggi og að það sé
góð lykt af henni. Ég alveg elska góða lykt af
konum.
Hvað verður kvenmaður að
hafa gert að minnsta kosti
einu sinni um ævina?
Lent í ástarsorg.
Hvað einkennir hina íslensku konu?
Hún er vel yfir meðallagi í fegurð miðað við
konur í mörgum löndum í kringum okkur, klæð-
ir sig yfirleitt smekklega, er vel gefin og greind
og hefurskemmtilegan húmor.
Hvað mættu íslenskar konur taka
sér til fyrirmyndar frá kynsystrum
sínum annars staðar á hnettinum?
Þær mættu gefa meira færi á sér á vinalegum
nótum. Reyndarer það kannski íslenskum karl-
mönnum að kenna að þær geri það ekki því þá
vilja þeir alltaf skilja það sem svo að þetta sé
merki um að allt sé í höfn og núna sé búið að
redda kvöldinu og þeir séu komnir með píu til
að fara með heim. Þetta er nett óþolandi og
ættu íslenskar konur að taka sér til fyrirmyndar
t.d. konur í Bandaríkjunum. Þar getur þú sest
við hliðina á píu á bar og byrjað að spjalla við
hana án þess að hún fái það á tilfinninguna að
þú sért að reyna við hana.
En hvað mega þær aldrei hafa gert?
Það sem þær sjálfar eiga eftir að sjá eftir ein-
hverntíma á lífsleiðinni.
Hvað gerir konu kynþokkafulla?
Það er svo margt. Konur eru svo flóknar ver-
ur. Kona sem hugsar um sjálfa sig andlega og
líkamlega, hugsar um hverju hún klæðist og
þessháttar líður eðlilega mun betur en ella og
þá skín af henni mun meiri kynorka en annars.
Kona sem er glaðlynd, brosir, er viðkunnanleg
í framkomu, hress og kurteis án þess að detta í
eitthvað egó rugl er besta blanda sem hægt er
að hugsa sér.
iLightson the highway
Hvað er kvenlegt fyrir þér?
Ákveðin lykt, hreyfingar, og málrómur.
Hvernig getur kvenmaður heill-
að þig upp úr skónum?
Með því að vera sífellt að koma mér á óvart.
Hvað einkennir hina íslensku konu?
Ákveðni og sjálfstæði.
Hvað mættu íslenskar konur taka
sér til fyrirmyndar frá kynsystrum
sínum annars staðar á hnettinum?
Ekkert sem mér dettur í hug.
Hvað verður kvenmaður að
hafa gert að minnsta kosti
einu sinni um ævina?
Bustað í sér tennurnar...
En hvað mega þær aldrei hafa gert?
Bustað í sér tennurnar með klósettbustanum.
Hvað gerir konu kynþokkafulla?
Líkamstjáning og augun.
Hvað er kvenlegt fyrir þér?
Góð lykt, Ijúfmennska og snyrtimennska.
Hvernig getur kvenmaður heill-
að þig upp úr skónum?
Með góðum húmor og léttri lund.
Hvað einkennir hina íslensku konu?
Hún er klár, sjálfstæð, dugleg, hæfileikarík og
falleg.
Hvað mættu íslenskar konur taka
sér til fyrirmyndar frá kynsystrum
sínum annars staðar á hnettinum?
Það er ekki margt, mættu kannski stundum
hægja aðeins á í lífsgæðakapphlaupinu.
Hvað verður kvenmaður að
hafa gert að minnsta kosti
einu sinni um ævina?
Þær verða helst að hafa einhvern tíma átt apa-
skinnsgalla og millet úlpu.
En hvað mega þær aldrei hafa gert?
Farið í kynskiptiaðgerð.
Hvað gerir konu kynþokkafulla?
Öryggi, húmor, góðvild og flottur stíll.
SAMMI___________________________
i Jaguar
Hvað er kvenlegt fyrir þér?
Mýkt, brjóst, hlýja, meiri brjóst, umhyggja, ával-
ar línur, ábyrgð og brjóst.
Hvernig getur kvenmaður heill-
að þig upp úr skónum?
Nú með því að gefa mér nýja skó ! Annars með
sjálfstæðum hugsunum og góðum húmor (þe.
hlæja að mínum húmor). Ekki verra að vera fjall-
myndarleg. Annars kemur fegurðin voða mikið
með útgeisluninni. Konur með mikla útgeislun
eru heillandi persónuleikar.
Hvað einkennir hina íslensku konu?
Hún er vel menntuð, sjálfstæð og glæsileg.
Hvað mættu íslenskar konur taka
sér til fyrirmyndar frá kynsystrum
sínum annars staðar á hnettinum?
Þær mættu stundum slaka meira á og njóta lífs-
ins á meðan það er.
Hvað verður kvenmaður að
hafa gert að minnsta kosti
einu sinni um ævina?
Eignast barn.
En hvað mega þær aldrei hafa gert?
Farið í fóstureyðingu fyrir annan en sjálfa sig.
Hvað gerir konu kynþokkafulla?
Að hún sé örugg með sjálfa sig og sé sjálfri sér
nóg. Það er ekkert eins óaðlaðandi og örvænt-
ingarfull kona.
Hvað er kvenlegt fyrir þér?
Þaðgeturveriðmargt. Einsogt.d. ilmur, göngu-
lag og talandi. Litir eins og bleikur, rauður og
svo framvegis. Persónur eins og David Beckham
og Milan Baros.
Hvernig getur kvenmaður heill-
að þig upp úr skónum?
Með því að vera einlæg og ófeimin, hjartahlý
og vingjarnleg.
Hvað einkennir hina íslensku konu?
Islenskar konur eru yfirleitt sérstaklega fal-
legar. Margar eru mjög sjálfstæðar og sumar
svolítið frekar. Kannski ekkert skrýtið með
fyrirmyndir eins og Hallgerði Langbrók strax í
barnaskóla.
Hvað mættu íslenskar konur taka
sér til fyrirmyndar frá kynsystrum
sínum annars staðar á hnettinum?
Ekkert sérstakt, bara vera áfram íslenskar og
njóta þess.
Hvað verður kvenmaður að
hafa gert að minnsta kosti
einu sinni um ævina?
Fara á feminista fund. Sjá hlutina einu sinni
í því Ijósi sem konur sem bera virðingu fyrir
sjálfri sér gera.
En hvað mega þær aldrei hafa gert?
Verið Séð og Heyrt eða Hér og Nú stúlkan.
Hvað gerir konu kynþokkafulla?
Nú, það er kynþokkinn, en hann samanstendur
af mörgum smáum atriðum sem of flókið væri að
fara í hér.