Orðlaus - 01.09.2005, Blaðsíða 21
FISHERMANS'S WARF
Svæðið við höfnina er fádæma vinsælt meðal túrista. Þar er til að mynda hægt að taka ferjuna út í Alcatraz fangels-
ið sem er orðið eitt frægasta fangelsi heimsins, sérstaklega eftir myndirnar The Rock og Escape from Alcatraz. Þar
geturðu varið eins miklum tíma og þú vilt, labbað um eyjuna og skoðað hrikalegan aðbúnað fanganna, en fangelsið
var í notkun frá árinu 1933 til 1963 og hýsti alræmda glæpamenn á borð við Al Capone, Anglin bræðurna og Robert
Stroud.
Verslunarmiðstöðin Pier 39 er við hliðina á bryggjunni og í kringum það svæði er stappað af fólki um helgar, enda er
þar mikið af búðum og leikjasölum og þar eru margir af bestu sjávarréttarveitingastöðum borgarinnar. Ekki má heldur
gleyma sæljónunum sem flatmaga í stórum hópum við höfnina allan ársins hring. Einnig er boðið upp á siglingu um
flóann þar sem þú ferð í vínsmökkun og hlustar á lifandi djasstónlist á meðan.
h'ERBA
BUENA,
F*rry Building ✓
- Frrry lo SauMhlo. (
V Tifruwn. Urktpur tf >
Y?\ latk LenJpn Squanr ■
OaUanJ
ISLAND
ÍNOBHÍy
MISSION
\ BAY
J jusa.
MIS6ION
rOTRÉRO
HILL
HUNTER
rOINT
10! South
To S F Airjwrl ^
Sififou Volhy i/'
San losr
BAYVIEW
rMK.
iqwínmmM.
UNION SQUARE
Torgið Union Square er miðpunktur borgarinnar, umkringt háhýsum, galleríum, fínum hótel-
um og veitingastöðum. Þar er að finna allar flottustu tískuverslanirnar eins og Urban Outfitt-
ers, Gap, Kenneth Cole, Macy's, Levi's, Niketown og Victorias Secret svo fáeinar séu nefndar.
Þeir sem hafa stuttan tíma í borginni og eru komnir til að versla ættu að byrja hér. Á meðan
gengi dollarans er svona lágt er nefnilega hægt að versla sér fínar merkjavörur á spottprís.
Hverfið er með þeim fínni í borginni og þar er því ekki mikið af litlum og huggulegum kaffi-
húsum fyrir þreytta og sveitta ferðalangana sem geta þó alltaf gripið sér „kaffi-to-go" og látið
fara vel um sig á torginu. í götunum í kring er aragrúi af flottum stöðum þar sem fína fólkið
kemur til að sýna sig og sjá aðra og yfirleitt er ætlast til að það sé vel til fara, þannig að gömlu
Converse skórnir verða að bíða á hótelinu. Má þar nefna barinn Readwood Room sem er inni I
Clift hótelinu, en þar safnast einhleypingarnir saman í sínu fínasta pússi til þess að fá sér drykk
og skima í allar áttir eftir huggulegu fórnarlambi. Þeir sem vilja fá sér góðan kvöldmat geta
brugðið sér í salinn við hliðina á en þar er veitingastaðurinn Asia de Cuba. Þetta er með flott-
ari stöðum borgarinnar, hannaður af Philippe Starck, og þar er hægt að borða frábæran mat
fyrir sanngjarnt verð í skemmtilegri stemningu. Staðurinn er það vinsæll að þú verður að panta
þér borð með góðum fyrirvara. Síðan er auðvitað hægt að skella sér á djammið á barnum eftir
matinn. Skemmtistaðurinn Ruby Skye er á svipuðum slóðum og er hann einn vinsælasti stað-
ur borgarinnar. Þar hangir fjöllistafólk í loftinu, spýr eldi og skemmtir gestum á meðan þeir
þamba fína kokkteila og blanda geði við aðra þambara.
iii
Cpu* PAltKt
HAIGHT-ASHBURY
Miðstöð hippamenningarinnar á sjöunda áratugnum í Bandaríkjunum var í Haight-Ashbury
hverfinu í San Francisco þar sem blómabörnin flykktust í ódýrar íbúðirnar og settu sinn sér-
staka svip á göturnar. Tónlistarmenn á borð við Janis Joplin og hljómsveitirnar Jefferson
Airplane og The Grateful Dead settust þarna að og gerðu hverfið að enn meiri goðsögn.
Enn þann dag í dag ríkir þarna ótrúlega sérstakt og afslappað andrúmsloft. Hverfið er án
efa eitt það skemmtilegasta í borginni og algjör skylda að gefa sér tíma til að flækjast þar
um í rólegheitunum. Þarna er hellingur af flottum second-hand fatabúðum þar sem hægt
er að gera góð kaup og skranbúðir sem selja tónlistarplaköt, notaðar plötur, boli, bolla og
ýmislegt furðulegt dótarí. Ef þú gengur niður Haight götuna er alltaf eitthvað spennandi í
gluggunum sem dregur þig inn í búðirnar en auk þess er þar nóg af góðum kaffihúsum sem
bjóða upp á dýrindis morgunverð og stóra kaffibolla.
- Ef þú ert mikið fyrir sushi ættir þú að kíkja á stað-
inn Umenko í Japantown. Þar geturðu fengið þér
„All you can eat" sushihlaðborð og borðað á þig
gat.
- Asian Art Museum á Civic Center er eitt stærsta as-
íska safn í heimi þar sem hægt er að skoða listaverk
alls staðar að úr álfunni.
-Þegar þú ert að versla verður þú að muna að leggja
8% ofan á verðið á vörunni sem er skattur sem ekki
kemur fram á verðmiðanum.
-Ef þú hefur hugsað þér að fá þér vín með matn-
um eða kíkja út á lífið, vertu þá alltaf með passann
á þér. Það er 21 árs aldurstakmark og enginn tekur
mark á bankakortunum okkar.
- Skammtarnir á veitingastöðunum eru yfirleitt alit
of stórir fyrir litlu evrópsku magana, þannig að ef
þú ferð út að borða og þér er ráðlagt að panta 4
rétti fyrir 2 pantaðu þá 3.
- í San Francisco er fjörugt næturlíf og eru helstu
hverfin North Beach, Marina, Castro og Soma.
-Lombard Street í San Francisco er kræklóttasta
gata Bandaríkjanna. Besti staðurinn til að mynda
hana er með því að standa neðst í Leavenworth
Street.
-Eins og í flestum öðrum borgum utan íslands er
búist við því að gefið sé þjórfé fyrir alla þjónustu.
Best er að reikna um 15% af reikningnum á barnum,
á veitingahúsinu og í leigubilnum.
-Það kostar aðeins um 15.000 krónur að fljúga
fram og til baka til LA og ferðin tekur aðeins klukku-
stund.
-Sniðugt er að leigja sér bílaleigubíl með GPS stað-
setningartæki og keyra til nærliggjandi staða eins
og Berkeley, Oakland og vínekranna í Nappa-dal.
21