Orðlaus - 01.10.2005, Blaðsíða 22
NAKTIAPINN
Þegar komið er inn í verslunina Nakti apinn í Bankastræti 14 tekur á móti
manni æpandi litagleði, veggur þakinn bolum og peysum og beint á móti
annar veggur með stærðarinnar listaverki. í einu horninu standa síðan plötu-
spilarar þar sem dj-ar geta labbað ínn af götunni og fengið að spila til þess
að lífga enn upp á stemmninguna í þessari skrautlegu búð.
Hönnuðirnir Tolli, Sara og Óli selja fötin sín i versl-
uninni Nakti apinn í Bankastrætinu.
Myndir: Steinar Hugi
Peysurnar frá Nakta apanum eru orðnar gífurlega vinsælar enda eru
engar tvær peysur eins þar sem hönnuðirnir handþrykkja og sauma
hverja og eina. Hér er Sara María að þrykkja á eina peysuna.
Litríkar peysur og brjáluð hárgreiðslustofa
Nakti apinn opnaði í júlí og hefur fengið
mjög góðar viðtökur enda kærkomin viðbót
í verslunarflóruna á Laugaveginum. Eigandi
búðarinnar er Sara María Eyþórsdóttir sem
auk Óla og Tolla vinnur í versluninni og
hannar boli, peysur, töskur og kjóla. „Ég
opnaði búðina því mig vantaði sjálfa vinnu-
aðstöðu" segir Sara, en í litlu herbergi inn
af versluninni er sauma- og þrykkverkstæði
þar sem þau þrjú búa til úrval af fötum með
því að þrykkja á flíkurnar alls kyns munstur í
öllum regnbogans litum. „Aðal áhersla okk-
ar er bara að hafa eitthvað sem er skemmti-
legt fyrir augað og er alveg einstakt enda
eru engartværflíkur eins. Ég er til dæmis ro-
salega hrifin af pöddum og þess vegna eru
mikið af peysum með pöddum á núna en
ég er auk þess byrjuð að handteikna munst-
ur. Við erum bara að prófa okkur áfram og
hafa gaman af þessu" segir Sara og sýnir
mér peysu með handsaumuðu munstri sem
var afrakstur nóttarinnar á undan. Ef fólk
er með séróskir geta þau einnig hannað
eftir pöntunum sem gerir flíkurnar enn fjöl-
breyttari. „Þá á fólk hluta í þessu sjálft sem
er mjög gaman" bætir hún við.
Þeirra hönnun er þó ekki það eina sem
stendur til boða því í Nakta apanum eru
einnig til sölu Sigur Rósar bolir og hettupeys-
ur, hip-hop fatnaður sem er pantaður af net-
inu, skartgripir, töskur, listaverkabækur og
geisladiskar. Þess má geta að plötuúrvalið
samanstendur að mestu af tónlist sem fæst
hvergi annars staðar á landinu auk þes sem
hip-hop útgáfan Triangle productions selur
diskana sína og fatnað í versluninni. Innan
skammst mun síðan opna hárgreiðslustof-
an Crazycuts inni í búðinni þar sem Kolbrún
klippari verður með skærin á lofti. „Þú ferð
ekki útúr henni án þess að hafa crazycut
og fjólublátt hár" segir Sara og skellihlær.
Heimasíðan www.dontbenaked.com. er síð-
an í vinnslu og verður þar hægt að skoða úr-
val af fötum og panta þau í gegnum netið.
Vetrartískan í Nakta apanum verður með áherslu á hlýjar og fóðraðar hettupeysur.
Peysurnar kosta frá á 8.900 og uppúr en bolirnir eru á 3.500 og uppúr.
Með vetrinum kemur síðan meira úrval af buxum, kjólum og töskum.