Bændablaðið - 24.03.2011, Blaðsíða 22
22 Bændablaðið | fimmtudagur 24. mars 2011
Í síðasta Bændablaði voru birtar
14 ályktanir Búnaðarþings sem
þá lágu fyrir. Nú birtist seinni
hlutinn og farið yfir afdrif mála.
Á vef Bændasamtakanna, www.
bondi.is, er hægt að skoða ýmsar
nánari upplýsingar um málin, m.a.
greinargerðir og erindin sjálf.
Viðbragðsáætlanir vegna
náttúruhamfara
Markmið
Búnaðarþing 2011 skorar á ríkis-
stjórn Íslands að láta vinna við-
bragðsáætlun vegna náttúruhamfara
með tilliti til áhrifa á búsetuskilyrði,
búfé, gróður o.fl.
Leiðir
Á liðnum árum hefur verið unnið
skipulega að ýmsum almannavarnar-
málum með tilliti til náttúruhamfara.
Meðal annars hafa verið unnar rým-
ingaráætlanir fyrir ákveðin svæði og
haldnar æfingar fyrir íbúa. Í upphafi
náttúruhamfaranna í Eyjafjallajökli
kom í ljós að engin viðbragðsáætl-
un var til vegna búfjár og gróðurs.
Búnaðarsamband Suðurlands tók
því frumkvæðið í þeim málum, í
samvinnu við heimamenn og aðra
aðila, og skipulagði flutning búfjár
af svæðinu eftir því sem þörf var talin
á. Sú reynsla sem þar fékkst er gott
veganesti til áframhaldandi vinnu.
Framgangur máls
Ríkisvaldið skipi starfshóp sem vinni
tillögur að viðbragðsáætlun vegna
náttúruhamfara með tilliti til áhrifa
á búsetuskilyrði, búfé, gróður o.fl.
Mótun framtíðarstefnu
í landbúnaðarmálum á
Íslandi
Markmið
Mikilvægt er að Bændasamtök
Íslands móti framtíðarstefnu fyrir
íslenskan landbúnað þar sem mark-
miðið er að tryggja fæðuöryggi
Íslendinga til framtíðar og nýta þau
fjölmörgu tækifæri sem íslenskur
landbúnaður býður upp á til fram-
leiðslu matvæla og atvinnusköpunar.
Leiðir
Stjórn BÍ hlutist til um að öll
búgreinafélög fari í stefnumót-
unarvinnu sambærilega og LK og
LS vinna nú að, ásamt samantekt á
stefnumótandi gögnum sem þegar
liggja fyrir.
Framgangur máls
Bændasamtökum Íslands er falið að
halda utan um og vera samnefnari
fyrir þessa vinnu. Áfangaskýrslu
verði skilað til Búnaðarþings 2012.
Leiðbeininga þjónusta í
landbúnaði
Markmið
Endurmeta leiðbeiningaþjónustu
á landsvísu með tilliti til breytts
fjárhagsumhverfis. Tryggt verði
að íslenskir bændur njóti áfram
öflugrar ráðgjafarþjónustu óháð
búsetu.
Leiðir
Búnaðarþing 2011 leggur til að BÍ
skipi milliþinganefnd til að endur-
meta fyrirkomulag leiðbeiningar-
þjónustu í landbúnaði á landsvísu.
Framgangur
Niðurstöður milliþinganefndar
liggi fyrir á formannafundi
Búnaðarsambanda 2011.
Kúasæðingar
Markmið
Aukinn jöfnuður á kostnaði bænda
vegna kúasæðinga óháð búsetu.
Leiðir
Fjármunum úr búnaðarlagasamningi
sem ætlaðir eru til kynbótastarfs í
nautgriparækt verði skipt með það
að leiðarljósi að jafna kostnað við
kúasæðingar yfir landið.
Framgangur
BÍ og LK skipi verkefnishóp sem
skili tillögum það tímanlega að
mögulegt verði að gera árið 2011
upp samkvæmt nýju fyrirkomulagi.
Einstaklingsmerkingar
búfjár – tölvukerfi
Búnaðarþing 2011 beinir því til
Matvælastofnunar að ljúka við
gerð tölvukerfis svo lögbundnar
upplýsingar um sauðfé, nautgripi
og hross sem send eru til slátrunar
skili sér á einfaldan og öruggan
hátt frá bónda til sláturhúss og
áfram þaðan í skýrsluhaldsgrunna
búfjárræktarinnar. Til að þetta sé
hægt þarf að tryggja fjármagn til
verkefnisins og nána samvinnu BÍ,
MAST og sláturleyfishafa.
Búnaðargjald
Markmið
Að Bændasamtök Íslands ljúki
vinnu við að;
1) Skilgreina til hvaða verkefna
búnaðargjaldi skuli varið.
2) Að fjárreiður þiggjenda búnaðar-
gjalds verði skýrt aðgreindar
með tilliti til þeirra tekna sem
þeir hafa af því.
Leiðir
Að Bændasamtök Íslands vinni að
málinu í samstarfi við aðildarfélög
samtakanna.
Framgangur máls
Búnaðarþing 2011 felur stjórn BÍ
að ljúka þessari greiningarvinnu.
Félagskerfi bænda
Markmið
Einfalda félagskerfi landbúnaðarins.
Leiðir
Að stjórn BÍ skipi milliþinganefnd
sem hafi það hlutverk að greina tæki-
færi og leiðir til að einfalda félags-
kerfi bænda.
Framgangur máls
Nefndin skili drögum að tillögum
fyrir haustfundi Bændasamtaka
Íslands og endanlegum tillögum fyrir
næsta búnaðarþing.
Breytingar
á búvörulögum
Markmið
Búnaðarþing 2011 leggur ríka
áherslu á að tryggt verði úrræði
í Búvörulögum til að ákvæði lag-
anna um bann við markaðssetningu
mjólkur umfram greiðslumark á
innanlandsmarkaði haldi, enda er
það forsenda þess að hægt sé að
tryggja lögboðið lágmarksverð til
bænda.
Leiðir
Á rýnifundum um landbúnaðarmál í
Brussel og í yfirlýsingu sjávarútvegs-
og landbúnaðarráðuneytis frá júlí
síðastliðnum kom fram að lagaleg
staða umframmjólkur sé skýr og því
leiki enginn vafi á að mjólk umfram
greiðslumark skuli flutt úr landi.
Því leggur Búnaðarþing til að sett
verði útflutnings-/úrvinnslugjald á
mjólk utan greiðslumarks sem seld
er á innanlandsmarkaði. Þó verði
tryggt nokkurt svigrúm vegna heima-
vinnslu.
Framgangur
Bændasamtök Íslands vinni að mál-
inu í samstarfi við Landssamband
kúabænda.
Fjármál bænda –
úrvinnsla lánastofnana
Markmið
Búnaðarþing 2011 ítrekar ályktun
frá fyrra ári um fjármál bænda.
Þingið átelur harðlega seinagang
við lausnir á skuldamálum bænda
og gagnrýnir þær lánastofnanir sem
ekki hafa hafið endurútreikning á
gengistryggðum lánum bænda.
Búnaðarþing krefst þess að
lánastofnanir hraði úrlausnum á
skuldamálum bænda og að verðmæti
rekstrarins verði lagt til grundvallar.
Jafnframt að lánastofnanir gæti sam-
ræmis við úrvinnslu þessara mála.
Leiðir
Bændasamtök Íslands fari fram á
samkomulag um úrvinnslu skulda-
mála bænda við Samtök fjármála-
fyrirtækja eða lánastofnanir, er taki
tillit til sérstöðu búrekstrar, í takt
við hliðstætt samkomulag Samtaka
atvinnulífsins og Samtaka fjármála-
fyrirtækja. Við mótun þess þarf m.a.
að taka tillit til eftirtalinna atriða:
Komist verði að samkomulagi
um aðferðir við mat á bújörð-
um er taki mið af núverandi
starfsemi og ástandi jarðar-
innar.
Búrekstraráætlanir er taki tillit
til eðlilegrar afkomu bænda
og endurnýjunar rekstrar- og
fastafjármuna verði lagðar til
grundvallar við lausnir.
Lausnir verði sniðnar að mis-
munandi rekstrareiningum
þannig að boðið verði upp á
framtíðarlausnir í lánamálum
óháð bústærð.
Skilmálar fjármálagjörninga
verði skýrir, skerði ekki rétt-
indi sem kunna að skapast við
seinni tíma úrskurði og/eða
dóma. Gera verður kröfu um að
fjárhagsleg endurskipulagning
sé til lengri tíma og meðhöndl-
un biðlána skýr.
Framgangur
Búnaðarþing leggur áherslu á að
stjórn BÍ beiti sér af fullum þunga
í þessum málum.
Mjólkurverð
Búnaðarþing 2011 beinir því til
verðlagsnefndar búvöru að þær
kostnaðarhækkanir sem mælast í
verðlagsgrundvelli kúabús skili sér í
mjólkurverði til framleiðenda. Brýnt
er að grannt sé fylgst með verðþróun
helstu kostnaðarliða í rekstri kúabúa
og mat á hækkunarþörf sé fram-
kvæmt jafnharðan. Samhliða verði
haldið áfram að leiðrétta verðtil-
færslur í verðlagningu mjólkurvara.
Áskorun um aðgerðir
vegna mengunar
í skutulsfirði
Búnaðarþing 2011 skorar á sjáv-
arútvegs- og landbúnaðarráðherra
og umhverfisráðherra að bregðast
strax við þeim sérstöku aðstæðum
sem uppi eru í Skutulsfirði vegna
dioxinmengunar.
Vinna verður hratt að úrlausn
gagnvart búfjáreigendum sem hafa
orðið fyrir miklum skaða vegna
slyssins. Ólíðandi er að búfjár-
eigendur búi við þá óvissu sem til
staðar er.
Hækkun aldurs
til ökuréttinda
Búnaðarþing 2011 lýsir yfir ánægju
sinni með innsenda umsögn
Bændasamtaka Íslands 8. mars sl.
um frumvarp til umferðarlaga.
Ályktanir - seinni hluti
framhald frá síðasta blaði
Ályktanir Búnaðarþings 2011
Vilja ekki velunnarar vænna sauða
er ennþá hafa hug og þor
hjálpa til við burð í vor.
Við er þessa auglýsingu saman settu
þurfum reynsluríkra lið
og lúin meiri næturfrið.
Gagnast lítið unggæðingur eða trassi
roskin hjón með reynslu um flest
raunar mundu henta best.
Verklýsingin nærist mest af næturgölti
skyggnast yfir sauðfjársvið
og sækja hjálp er það á við.
Þungaverkaorusstur skal ekki heyja
eða djöflast eins og naut
en elda að morgni hafragraut.
Ekki eru bankastjóra í boði kjörin
en ef hjálpin arðgæð er
ýmislegt má hugsa sér.
Lysthafendur leiða þarf nú lengst í norður
okkar kot er undir fönn
er sú lýsing rétt og sönn.
Ef að þessar leiðbeiningar lukkast ekki
og staðurinn enn í hulduhjúp
hann er að finna yst við Djúp.
Auglýst eftir aðstoð á sauðburði
Heimasímar eru 456-4803 og 588-4803