Bændablaðið - 27.10.2011, Blaðsíða 7
Bændablaðið | fimmtudagur 27. október 2011 7
síðasta þætti birtum við
sex erindi úr rímu eftir
Sveinbjörn Beinteinsson
frá Draghálsi. Vegna
plássleysis var ekki hægt að
birta allan braginn en hér kemur
framhaldið. Efni bragsins er úr
Heiðarrímu, sem ort er undir
miklum dýrleika, langhenduháttur,
bæði hringhendur og þráhendur.
Skammvinnt gjald þess heillum
horfna
hrammur kaldur að sér dró;
rammur galdur fólks til forna
fram í aldir lifði þó.
Förguðust hljóðar helgistundir,
hörgur ljóða auður stóð;
björguðu þjóðar móðurmundir
mörgum óði af tímans glóð.
Gleymdist,sendur sviknum vonum,
seimur brenndur glaums og táls;
heimakenndur hraustum sonum
hreimur endist fagurmáls.
Háðir aldrei heimskra skorðum,
hrjáðu þá kaldrar tíðar mein;
náðu valdi á æðri orðum
áður en skvaldrið við þeim gein.
Margir bundu ástir allar
arg og stundarglamur við,
þvarg til fundar fólkið kallar,
farga mundi ljóðaklið.
Betur naut ég ljóðsins löngum,
lét ei þrautir marka skeið;
vetrarbraut úr sólarsöngum
setja hlaut á þeirri leið.
Hlaðinn mátti að hljómum falla
hraður þáttur óskabrags;
kvað í sátt við allt og alla
aðalháttu frelsisdags.
Héðan rekin hvarf af tungu
hreðan brekótt margan dag,
meðan ég lék við orðin ungu
eða vék þeim til í brag.
Annar dagur engum líkur
annaðist hagur stefjatök;
sannur bragur birturíkur
brann um fagurhugsuð rök.
Okkur bæði ljóðið leiddi,
lokkuðu fræðin dul og há,
rokkið næði nóttin breiddi
nokkrar kvæðastundir á.
Nú skal brátt til betri daga
búast sáttaveginn á;
snúin úr þáttum bjartra braga
brúin hátt þar rís að sjá.
Streymir um heiðar hljómalestin,
hreimurinn seiðir máttug völd,
dreymir heiðinn hríðargestinn
heim á leið til þín í kvöld.
Floginn til Vínar
Þegar hér er komið sögu hef ég
hlaupist frá ættlandinu ásamt konu
minni, og dveljum við næsta árið
úti í Vín í Austurríki. Margir urðu
til að óska okkur góðrar ferðar,
þó enginn af jafnmikilli mildi og
Pétur Pétursson læknir minn og
ljóðavinur:
Þótt utanför sé ekkert grin,
er afar fátt sem bagar,
því ykkar bíða úti í Vín
yndislegir dagar.
Eins og gefur að skilja, er þáttar-
stjórnanda nauðsynlegt sem aldrei
fyrr, að smala saman vísum til
birtingar meðan útrásin varir. Því
heiti ég á lesendur Bændablaðsins
að amla til mín efni, bæði gömlu
og nýju.
Umsjón: Árni Jónsson
kotabyggd1@simnet.is
Í umræðunni
MÆLT AF
MUNNI FRAM
Í
Sauðfjárræktarfélag Rangárvallasýslu:
Dagur sauðkindarinnar
- Haldinn 15. október 2011 í Skeiðvangi við Hvolsvöll
Harpa Rún Kristjánsdóttir á Hólum heldur í arnhöfð-
óttu gimbrina sína sem vann litakeppnina.
Mynd / Sigríður Heiðmundsdóttir..
Bændurnir Lovísa Herborg Ragnarsdóttir og Vignir Siggeirs-
son í Hemlu með stigahæstu gimbrina á sýningunni.
Mynd / Sigríður Heiðmundsdóttir..
Ræktunarbú ársins 2010 var valið sauðfjárbúið Kaldbakur á Rangárvöllum hjá þeim Viðari Steinari og Sigríði H. Heiðmundsdóttur, en hér eru þau að
fagna útnefningunni með sigurverðlaunin. Þau áttu líka afurðahæstu 5 vetra ána, Hæ-Krumpu. Í umsögn Félags sauðfjárbænda í Rangárvallasýslu segir:
Framfarir í ræktunarstar nu hafa verið gríðarmiklar undanfarin ár á búinu og þá sérstaklega í kjötmatinu. Í samantekt sem gerð var í tengslum við
ráðstefnu LS um sauðfjárrækt vorið 2009 af Jóni Viðari Jónmundssyni skipaði Kaldbakur langefsta sæti í framförum allra eiginleika sem BLUP-matið nær
til. Afurðir búsins eru góðar og frjósemi mjög góð. Haustið 2007 var Kaldi 03-989 frá Kaldbak valinn inn á Sauðfjársæðingastöð og frá búinu hefur verið
allnokkur sala á lambhrútum til kynbóta um langt árabil. Bændurnir á Kaldbak eru því verðugir handhafar þessara verðlauna.“
Mynd/ Magnús Hlynur Hreiðarsson.
Um 200 manns mættu á daginn og fengu gestir að
þukla á hrútunum og skoða vaxtarlagið og lögunina
eftir að dómararnir höfðu skoðað þá ítarlega.
Mynd/ Magnús Hlynur Hreiðarsson.
Jón Örn Árnason
í Hlíðarendakoti
í Fljótshlíð með
efsta lambhrútinn,
sem fékk 90 stig
hjá dómurunum.
Mynd/ Magnús Hlynur Hreiðarsson.
Jón Benediktsson í Austvaðsholti
með Barða, veturgamlan hrút, sem var
í fyrsta sæti í þeim okki með 88 stig.
Mynd / MHH
Rollubingóið vakti sérstaka athygli
í Skeiðvangi en þá var hægt að
veðja á þá tölu inni í gerðinu sem
rollan myndi míga eða skíta á. Sá
heppni fékk þá vinning.
Mynd / MHH