Bændablaðið - 27.10.2011, Blaðsíða 8
Bændablaðið | fimmtudagur 27. október 20118
Í Kirkjuhvammi á Rauðasandi er
verið að byggja íbúðarhús, ætlað
fyrir starfsfólk Franska kaffihúss-
ins á staðnum. Þetta mun vera eina
nýja íbúðarhúsið sem byggt er á
suðursvæði Vestfjarða á þessu ári
en verið er að gera upp nokkur
gömul og merkileg hús.
Að sögn Einars Jónssonar,
staðarhaldara í Kirkjuhvammi, er
húsið í eigu Skipholts ehf. Félagið
hefur þegar gert upp gamla íbúðar-
húsið í Kirkjuhvammi, sem breytt
var í kaffihús, auk íbúðarhúss og
útihúsa í Saurbæ á Rauðasandi og
Ungmennafélagshússins, sem var
áður samkomuhús, skóli og bóka-
safn, byggt árið 1917.
Laugardagskvöldið 8. októ-
ber var endurvígsludansleikur í
Ungmennafélagshúsinu þar sem
tríóið Gin og tónik lék fyrir dansi.
Við boðun á dansleikinn var gamall
háttur viðhafður: hringt var á alla
bæi á svæðinu.
Íbúðarhús í byggingu á
Rauðasandi
– Einnig búið að gera upp Ungmennafélagshúsið og fleiri byggingar
Fréttir
Ólafur Jónsson í Eystra-Geldingaholti:
Hefur farið 85 fjallferðir á 40 árum
Þrátt fyrir að Ólafur Jónsson í
Eystra-Geldingaholti í Gnúpverja-
hreppi sé ekki nema 58 ára gamall
hefur hann farið 85 ferðir í fjár-
leitir á fjall, langoftast sem trússari
fjallmanna.
Ólafur hefur farið 75 ferðir á
Gnúpverjaafrétt og 10 ferðir á afrétt
Flóa- og Skeiðamanna. Hann fór
sína fyrstu fjallferð fyrir 40 árum,
þá sem smali en fljótlega upp úr því
gerðist hann trússari. Hann er á öfl-
ugri dráttarvél með tveimur stórum
kerrum, annars vegar matarvagni
sem hann smíðaði sjálfur og hins
vegar birgðarvagni, þar sem heyið
er m.a. geymt. Ólafur er í 6 til 9 daga
í hverri fjallferð og líkar starfið mjög
vel, enda segir hann fátt skemmtilegra
en að vera á fjöllum í góðra vina hópi.
Ólafur er fæddur og uppalinn í Eystra-
Geldingaholti og þar hefur alltaf verið
blandaður búskapur, kýr og um 300
vetrarfóðraðar kindur. /MHH
Ólafur trúss: Ólafur Jónsson trússari með traktorinn og vagnana fyrir aftan sig. Dagur hans númer 600 á fjalli var
nú í haust við Arnarfell í leit á Gnúpverjaafrétti, en hann hefur haldið gott bókhald y r fjallferðir sínar síðastliðin
40 ár. Þá má ekki gleyma því að Ólafur eldar ofan í mannskapinn í fjallferðunum og sér um aðdrætti. Mynd / MHH
Unnið við nýja húsið í Kirkjuhvammi. Myndir / Magnús Ólafs Hansson
Þetta líkist ugvélarsprengju en er tundurdu aslæðari úr seinni heimsstyr-
jöld, sem rak á fjöru á Rauðasandi árið 1946. Nú hefur hann verið sóttur og
er til sýnis í Kirkjuhvammi.
Landbúnaðarháskóli Íslands:
Ótrúlega fjölbreytt nám
sem nýtist víða
Nemendur frá Landbúnaðar-
háskóla Íslands hafa nýtt þekk-
ingu sína til margvíslegra starfa
víða um land.
Úr Grænni skógum í
meistaranám í skógfræði
Lilja Magnúsdóttir stundaði nám
í Grænni skógum á Vestfjörðum
árið 2004. Hún býr á Tálknafirði
og er skógarbóndi á Kvígindisfelli í
Tálknafirði ásamt foreldrum sínum.
Námið virkaði svo vel á Lilju að
það kveikti áhuga hennar á frekara
námi og haustið 2007 hóf hún nám
í skógfræði við Lbhí á Hvanneyri
og útskrifaðist
með BS gráðu
í skógfræði
vorið 2010.
Lilja stundar
nú MSc nám
í skógfræði á
Hvanneyri.
„ G r æ n n i
skóga námið
er afar vel
heppnað og mjög gott nám, jafnt fyrir
fólk sem er að stíga sín fyrstu skref í
skógrækt og þá sem hafa einhverja
þekkingu því námið er fjölbreytt og
tekur á mörgum þáttum sem snúa
að skógrækt sem atvinnugrein. Mín
reynsla er sú að það gagnast skógar-
bændum mjög vel, er raunhæft og
miðað við þeirra þarfir en jafnframt
fræðandi um skóga almennt og allt
sem hafa þarf í huga við ræktun
þeirra,“ segir Lilja.
Námið í búvísindadeild var
gróður grunnur
Eyjólfur Ingvi Bjarnason lauk BS
90 í búvísindum við auðlindadeild
vorið 2009. Þá lá leiðin í náttúru-
vísindaháskóla Noregs (UMB) að
Ási í Noregi, þar sem hann lauk
mastersprófi í erfða- og kynbóta-
fræði sumarið 2011. Áður nam
hann í bændadeild og útskrifaðist
sem búfræðingur vorið 2006.
En hvers vegna fór Eyjólfur Ingvi
í búfræðinám? „Ætli það sé ekki
tengingin við sveitina. Ég er úr sveit
og vildi fá það tækifæri að komast
í verknám og sjá hvernig bændur
vinna í öðrum sveitum. Það er öllum
hollt að víkka sjóndeildarhringinn
og kynna sér
starfshætti í
öðrum sveit-
um en þeir
eru uppaldir
í,“ sagði
E y j ó l f u r
Ingvi, sem
var formað-
ur nemenda-
félags LbhÍ
á sínum tíma
og bætir því við að búfræðinámið
henti ekki síður þéttbýlingum.
„Mér líkaði námið í búfræðinni
mjög vel. Bekkurinn minn var mjög
samheldinn og allir náðu mjög vel
saman innan sem utan skóla. Þetta
er nám sem ég mæli hiklaust með
við hvern sem er. Námið í búvís-
indadeildinni var síðan afskaplega
góður grunnur fyrir framhaldsnámið
í Noregi og nýttist mér vel í þeim
áföngum sem ég tók þar ytra,“ sagði
Eyjólfur Ingvi.
Meistaranám í landgræðslufræði
Inga Vala Gísladóttir lauk BS námi
í náttúru- og umhverfisfræði vorið
2010. Þá þegar hóf hún meistara-
nám í land-
g r æ ð s l u -
fræði hjá
LbhÍ undir
leiðsögn Ásu
L. Aradóttur
prófessors.
„Ég ákvað
að taka hluta
af náminu
við UMB
(Universitetet for miljø- og biovi-
tenskap) á Ási í Noregi og dvaldi
þar veturinn 2010 – 2011. Bæði
LbhÍ og UMB eru hluti af svoköll-
uðu NOVA neti sem er samstarf
norrænna umhverfis- og landbún-
aðarháskóla sem auðveldar flæði
nemenda milli þessara stofnanna,“
sagði Inga Vala sem er um það bil
hálfnuð með meistaranámið og er
núna að vinna að lokaverkefninu sem
fjallar um áhrif lúpínu á endurheimt
birkivistkerfa.
Nám landslagsarkitektúr
í Bretlandi
Heiða Aðalsteinsdóttir lauk námi í
umhverfisskipulagi við LbhÍ. „Að
loknu námi við LbhÍ sótti ég um fram-
haldsnám í Osló, Kaupmannahöfn,
Hollandi og Bretlandi. Þar sem
ég hafði
áður búið í
Skandinavíu
vildi ég
víkka út
sjóndeildar-
h r i n g i n n
og valdi að
lokum að
taka fram-
h a l d s n á m
mitt við
University of Gloucestershire í
Bretlandi. Þar er að finna elsta við-
urkennda nám í landslagsarkitektúr
í Bretlandi, en í náminu er lögð rík
áhersla á leikni manns til að vinna
á stórum skala sem og smáum og
sjálfbærar hönnunarlausnir eru í
fyrirrúmi. Námið byggðist fyrst
og fremst upp á raunhæfum verk-
efnum og stúdíó tímum og var
verulega góð viðbót við námið í
Landbúnaðarháskólanum.“
Stuttu áður en Heiða skilaði MA
verkefni sínu bauðst henni vinna
hjá ráðgjafarfyrirtækinu Alta þar
sem hún starfar í dag sem ráðgjafi
í skipulags- og umhverfismálum.
„Starfið er mjög fjölbreytt en mitt
verksvið hingað til hefur mest-
megnis verið við gerð deiliskipu-
laga. Þar að auki hef ég komið að
kennslu í Landbúnaðarháskólanum
í Umhverfisskipulagi I sem heldur
manni algjörlega á tánum hvað
manns eigin þekkingu varðar.“
Þess skal getið að áður en Heiða hóf
nám við Landbúnaðarháskóla Íslands
hafði hún tekið B.Sc. gráðu í alþjóða-
viðskiptum við Viðskiptaháskólann
í Kaupmannahöfn.
Bændablaðið
Smáauglýsingar
5630300