Bændablaðið - 15.12.2011, Side 1
50
22. tölublað 2011 Fimmtudagur 15. desember Blað nr. 361 17. árg. Upplag 24.000
20 28-29
Matarhöll í
Hegningarhúsinu
Vistmenn í fangelsinu á Kvía-
bryggju, sem m.a. hafa verið
dæmdir vegna ýmiskonar efna-
hagsbrota, eru nú farnir að
annast fjármál fyrir stofnunina.
Fangarnir munu þó ekki hafa
umsjón með bókhaldi eða hefð-
bundnum fjárreiðum fangelsis-
ins, heldur felst verkefnið í því
að þeir munu hafa umsjón með
öllum búpeningi á staðnum.
Birgir Guðmundsson, settur for-
stöðumaður á Kvíabryggju, segir
að verkefnið snúist um að gera
fangelsið sjálfbært um öflun á kjöti
fyrir vistmenn.
Fengu fjárstofn í haust
„Við erum búnir að vera að byggja
upp gömul fjárhús hér á Kvíabryggju
í sumar, höfum verið að taka inn
kindur í haust og erum nú komnir
með um 55 kindur að meðtöldum
hrútum.
Tveir vistmenn voru hér við
smíðar í sumar og hugmyndin er
að vistmenn verði hér í gegningum
og öllu öðru sem viðkemur þessum
búskap. Við ætlum þannig að verða
sjálfum okkur nógir um kjöt í fram-
tíðinni.“
Fjárglöggir menn
- Hvernig hafa vistmennirnir tekið
í þetta?
„Bara vel og það er hugur í mönnum.
Það eru fjárglöggir menn hér inni
núna sem kunna til sveitastarfa
og einnig eru hér liðtækir smiðir.
Þetta hefur því lukkast mjög vel.
Hér var búskapur í gamla daga og
Kvíabryggja er gamalt lögbýli. Við
tókum í gegn og byggðum upp gömul
fjárhús sem voru hér fyrir en þau
voru að hruni komin.“
„Ætlum að verða sjálfbærir og
helst aðeins betur“
„Það er mikið af ræktuðu landi á
Kvíabryggju. Við erum búnir að
tækja okkur upp fyrir búreksturinn
og heyjuðum hér í sumar. Það hitti
svo vel á tíðarfarið að við náðum að
heyja fyrir þann rollufjölda sem við
ætluðum okkur að vera með hér í
vetur. Við munum svo bæta í á næstu
árum þangað til við sjáum hvað við
þurfum að vera með margt fé, til að
vera sjálfbærir með kjöt og helst
aðeins betur.“
Kunna handtökin
„Fyrir utan fangana þá er hér starfs-
fólk sem er þaulvant búskap og við
njótum góðs af því. Hér eru margir
sveitamenn í vinnu sem kunna hand-
tökin.“
„Hér eru menn mjög samtaka um
að gera þetta. Vistmenn hafa svo sem
unnið við ýmislegt annað í gegnum
tíðina. Þeir hafa t.d. sinnt beitningu
og hinu og þessu sem til fellur fyrir
útgerðir hér á Snæfellsnesi. Við
höfum m.a. verið í netafellingum
þó lítið sé um það núna og einnig
unnið við brettasmíði og fleira. Þessi
fjárbúskapur er bara góð viðbót. Kjöt
er dýrt og tilvalið að nýta þessi tún
hér til að framleiða það. Þá er líka
gott fyrir vistmenn að fá að kynnast
búskap og hafa þannig eitthvað fyrir
stafni,“ segir Birgir. Hann lætur það
heldur ekkert á sig fá þó gantast sé
með þetta í sveitinni. /HKr.
Fjárhúsið sem starfsmenn og fangar
á Kvíabryggju hafa verið að gera upp
í sumar og haust.
Myndir / Birgir Guðmundsson
Bústofninn á Kvíabryggju telur nú
um 55 kindur, bæði gimbrar og hrúta.
Þorsteinn Jónsson, starfsmaður á Kvíabryggju (t.v.) og Birgir Guðmunds-
son, settur forstöðumaður fangelsisins, með hluta af búpeningi staðarins.
Dæmdir afbrotamenn annast fjármál
fyrir fangelsið á Kvíabryggju
–„Ætlum að verða sjálfum okkur nógir um kjöt,“ segir settur forstöðumaður og státar af hagvönum og fjárglöggum mönnum í verkefnið
„Fæddist í
fjósastígvélum"
Bærinn okkar
Syðra-Skörðugil