Bændablaðið - 15.12.2011, Blaðsíða 2

Bændablaðið | fimmtudagur 15. desember 20112
Fréttir
Jóhann Þór Sigurvinsson,
Eyjafjarðarsveit, hóf störf sem for-
ritari í tölvudeild Bændasamtaka
Íslands á þriðjudag. Hann verður
staðsettur í Búgarði á Akureyri en
þar eru fyrir Þorberg Þ. Þorbergsson,
forritari, og Anna Guðrún
Grétarsdóttir, skýrsluhaldsfulltrúi.
Jóhann Þór tekur við starfi Arnar
Haraldssonar, sem hættir um miðjan
janúar 2012.
Vegna verðlagsþróunar hækkar
verðskrá auglýsinga og áskriftar
hjá Bændablaðinu um áramót.
Hækkunin nemur um 5%.
Ársáskrift að blaðinu verður kr.
6.600 með virðisaukaskatti en
ellilífeyrisþegar fá blaðið áfram á
helmingsafslætti eða á kr. 3.300.
Verð á dálksentimetra í fjórlit
verður kr. 1.250 án vsk en kr. 960
fyrir dálksentimetra í svarthvítu.
Smáauglýsing með texta kostar kr.
1.600 með vsk og smáauglýsing
með mynd kemur til með að kosta
kr. 4.800 með virðisaukaskatti. Tvö
ár eru síðan verðskráin tók síðast
breytingum.
Útgáfudagar á nýju ári
Bændablaðið kemur næst út fimmtu-
daginn 19. janúar. Útgáfudagar fram
í júlí verða sem hér segir:
1. tbl. 19. janúar
2. tbl. 2. febrúar
3. tbl. 16. febrúar
4. tbl. 1. mars
5. tbl. 15. mars
6. tbl. 29. mars
7. tbl. 18. apríl
8. tbl. 3. maí
9. tbl. 16. maí
10. tbl. 31. maí
11. tbl. 14. júní
12. tbl. 12. júlí
Bændablaðið óskar lesendum og
viðskiptavinum gleðilegra jóla og
farsældar á komandi ári.
Á Laugalæknum í Reykjavík er
lítil kjötverslun sem ber heitið
Pylsumeistarinn. Þar ráða ríkjum
hjónin Ewa Bernadeta Kromer
og Sigurður Haraldsson en þau
stofnuðu fyrirtækið fyrir 7 árum
síðan. Í búðinni bjóða þau upp á
margar tegundir af alls kyns unnu
kjötmeti, s.s. skinku, spægipylsu
og margar tegundir af grillpyls-
um. Hróður verslunarinnar hefur
spurst víða og það er nóg að gera.
Nýjustu vörurnar í búðinni eru
fjórar tegundir af lambapylsum
sem merkilegt nokk hefur ekki
borið mikið á í kjötmenningu
landsmanna til þessa.
„Í nýju lambapylsunum, sem
ég kalla Eyvind, er eingöngu kjöt,
krydd, c-vítamín og salt, ekki
hveiti, kartöflumjöl, soja eða neitt
slíkt. Pylsurnar eru til sölu hér á
Laugalæknum og verða að öllum
líkindum fáanlegar í Krónunni
eftir áramótin. Við höfum rekið þá
stefnu að vera með hreinar vörur,
þ.e. engin teljandi aukaefni notuð
við framleiðsluna, og höfum fengið
hrós fyrir það,“ segir Sigurður.
Hvernig smakkast Eyvindur?
Nokkrir matgæðingar settust niður
og brögðuðu á herlegheitunum
á dögunum. Bæði formaður og
framkvæmdastjóri Landssamtaka
sauðfjárbænda voru fengnir til að
meta bragðið ásamt drjúgum hluta
af ritstjórn Bændablaðsins. Það
var Bjarni G. Kristinsson yfirmat-
reiðslumeistari í Hörpunni sem
steikti pylsurnar og bauð upp á
ýmislegt góðgæti með til að örva
bragðlaukana. Þær fjórar pylsuteg-
undir sem voru í skotlínu gagnrýn-
enda voru með svokölluðu lamba-
kryddi, púrrulauk, kryddjurtum
þar sem rósmarín var áberandi og
timijan.
Löngu tímabær nýjung
Hópur pylsudómaranna saman-
stóð af Bjarna G. Kristinssyni í
Hörpunni, Sindra Sigurgeirssyni
og Sigurði Eyþórssyni frá LS
og Bændablaðshópnum Herði
Kristjánssyni, Erlu H. Gunnarsdóttur,
Tjörva Bjarnasyni og Sigurði Má
Harðarsyni. Dómararnir voru sam-
mála um það að hér væri áhugaverð
og löngu tímabær nýjung á ferðinni.
Einkunnir voru gefnar á skalanum
1-10 og yfirfært í stjörnugjöf þar sem
fjórar stjörnur er best.
Skemmst er frá að segja að pylsurn-
ar runnu ljúflega ofan í dómnefndina.
Ekki fór á milli mála að lambakrydd-
pylsan var gerð úr lambakjöti, kryddið
var lítt áberandi og kindakjötsbragðið
sterkt. Lagðist það misjafnlega í
dómara og skoðanir voru skiptar.
Sumum fannst bragðið gott á meðan
aðrir vildu hafa það meira afgerandi.
Púrrulaukspylsan fékk tvær stjörnur
en þar þótti bragðið gott þó ekki væri
það mjög sterkt. Sú var hins vegar
raunin um kryddjurtapylsuna þar sem
rósmarínið minnti mjög á hefðbundin
krydd sem lambakjötsætur þekkja vel.
Timijanpylsan hlaut hæstu einkunn
dómnefndar, alls fjórar gullstjörnur.
„Mikið jafnvægi, undirstrikar vel
hráefnið og er afar bragðgott,“ voru
orð sem féllu þegar dómnefnd strauk
kviðinn eftir þessa ljúffengu máltíð.
/TB
Pylsugerðarmaður á Laugalæk býður upp á nýjungar í kjötvinnslu
Eðalpylsur úr lambakjöti
– matgæðingar gefa pylsunum bestu meðmæli
Í lok nóvember og byrjun des-
ember duttu ferðaþjónustuaðilar
í Skaftárhreppi og Mýrdalnum í
lukkupottinn þegar íslenska fram-
leiðslufyrirtækið Pegasus mætti
á svæðið með hátt í 200 manna
teymi til að taka upp þætti fyrir
amerísku þáttaseríuna Game of
Thrones, sem byggð er á met-
sölubókum rithöfundarins George
R.R. Martin. Hótelin á svæðinu
voru uppfull vikurnar sem tökur
áttu sér stað og fjölmargir verk-
takar fengu vinnu við að þjónusta
þáttagerðarfólkið.
Öll vinna til fyrirmyndar
Aðalstöðvar Pegasus í Mýrdalnum
voru á Hótel Höfðabrekku en einnig
dreifðist fólkið á fleiri staði á svæð-
inu og var til dæmis félagsheimilið í
Vík lagt undir búningaaðstöðu.
„Þetta voru
rúmlega 150
manns sem
dreifðu sér á hót-
elin hér í kring
og voru hér í
sex daga. Þetta
var mjög góður
tími fyrir okkur
því allajafna
er hann mjög
daufur í ferðaþjónustunni. Það er
náttúrlega mjög gott fyrir allt svæðið
að fá inn einhverjar tekjur. Á þessum
tíma tökum við á móti hópum en
eftir nóvember er sáralítil traffík
sem byrjar síðan aftur í lok febrú-
ar,“ útskýrir Björgvin Jóhannesson,
hótelstjóri á Höfðabrekku og segir
jafnframt:
„Þeir tóku upp atriði fyrir þættina
á Höfðabrekkuheiði þannig að við
vorum rétt hjá tökustað og því vel
staðsett. Fólkið borðaði hér morgun-
mat og síðan vamm það allan dag-
inn og var með eldhús á staðnum en
stundum þurftum við reyndar að sjá
um mat. Það var allt til fyrirmyndar
hvernig að þessu var staðið og þeir
keyptu þjónustu af mörgum aðilum
á svæðinu. Verktakar fengu vinnu
við akstur og snjómokstur og annað
slíkt og það var töluverð verslun sem
fylgdi þessu tímabili.“
Jákvætt að dreifa vinnunni á tvö
landsvæði
Laufey Helgadóttir, annar eigandi
Hótels Smyrlabjarga í Skaftárhreppi,
er með rúmlega 40 herbergi til
umráða sem voru full í sex nætur.
„Margt af þessu fólki var starfs-
menn Pegasus, fólk sem við þekkjum
mikið til og er orðið eins og vinir
okkar. Af erlendu starfsmönnunum
voru þetta mest Bretar en Ísland kom
þeim verulega jákvætt á óvart. Það
fylgir oft þessum hópum að ef þeir
óska eftir sérstöku veðri þá fá þeir
það. Hér stytti upp og gerði frost og
snjó og stillu eins og þeir vildu hafa
þetta,“ segir Laufey og bætir við:
„Það er mjög gott að þetta stóra
verkefni dreifist á fleiri en eitt land-
svæði. Það sýnir okkur hvað stjórn-
endur íslensku fyrirtækjanna eru vel
vakandi og kunna og vita mikið um
náttúruna á Íslandi. Þetta er mikið
fagfólk sem við þurfum svo sannar-
lega á að halda. Það segir sig sjálft
að þegar kemur svona lið á þessum
tíma inn á svæðið þá eru það mikil
uppgrip, en þeir fylltu líka hótelið
inni á Höfn. Þetta var mjög gott, því
annars er þetta nánast dauður tími þó
hann sé aldrei alveg steindauður.“
„Heilmikil lyftistöng fyrir svæðið“
„Þetta kom sér mjög vel fyrir okkur
og reyndar öll hótelin á svæðinu.
Í byrjun voru hérna 15 manns hjá
okkur en síðan voru herbergin okkar
22 orðin full í lok vikunnar. Einnig
voru nokkrir björgunarsveitarmenn á
gistiheimilinu hjá okkur en þeir voru
í því að ferja fólk á tökustað og einn
daginn voru starfsmenn veðurtepptir
á heiðinni svo þeir þurftu að aðstoða
þá. Þetta var heilmikil lyftistöng fyrir
svæðið, það er ekki spurning,“ segir
Ragnheiður Hauksdóttir, hótelstjóri á
Hótel Lunda í Vík í Mýrdal, en frá og
með áramótum verður hótelið opið
allt árið. /ehg
Ameríska þáttaserían Game of Thrones tekin upp í Skaftárhreppi og Mýrdal:
Mikil uppgrip fyrir ferðaþjónustu á svæðinu
Verðbreytingar hjá
Bændablaðinu
Nýr starfsmaður
í tölvudeild BÍ
Ragnheiður Hauksdóttir, hótelstjóri.
Björgvin Jóhann-
esson hótelstjóri.
Frá tökustað á þáttaseríunni Game og Trones. Mynd / Snorri Þórisson.
Sigurður Haraldsson og Ewa Bernadeta Kromer reka Pylsumeistarann á
Laugalæk.
Dómnefndin tók störf sín alvarlega.
Eyvindur
Lambakryddpylsa
Púrrulaukspylsa
Kryddjurtapylsa
með rósmaríni
Timijanpylsa
Engar kollsteypur í fram-
lögum til landbúnaðar
Breytingar á fjárframlögum til
landbúnaðartengdra málefna
samkvæmt fjárlögum fyrir árið
2012 eru óverulegar miðað við
yfirstandandi ár, ef horft er til
krónutölu.
Verðbólga á ársgrundvelli í
nóvember síðastliðnum var hins
vegar 5,2 prósent og því er víða um
raunlækkun að ræða.
Til að mynda er um nálega óbreytt
framlög í krónutölu að ræða til hér-
aðsskógaverkefna milli ára. Gert er
ráð fyrir að 387,4 milljónum króna
verði veitt til málaflokksins á kom-
andi ári en á fjárlögum yfirstandandi
árs var sú upphæð 387,6 milljónir
króna. Þess má geta að þrjú undan-
farin ár hefur verið skorið verulega
niður í málaflokknum.
Þá hækka fjárveitingar til
Framleiðnisjóðs landbúnaðarins úr
15,3 milljónum í 45 milljónir króna.
Af þeim liðum sem skornir eru
niður má nefna að framlög til líf-
rænnar ræktunar eru dregin saman,
fara úr 4,5 milljónum króna 2011 í
3,7 milljónir króna á næsta ári. /fr.