Bændablaðið - 15.12.2011, Blaðsíða 10
Bændablaðið | fimmtudagur 15. desember 201110
Fréttir
„Það litu hér mörg listaverkin
dagsins ljós og óhætt að segja að
allir höfðu bæði gagn og gaman
af,“ segir Fjóla V. Stefánsdóttir
forstöðumaður á Grenilundi á
Grenivík, en þar komu á dög-
unum saman íbúar og skáru út
laufabrauð. Til aðstoðar voru
fengnir vaskir krakkar úr 6. bekk
Grenivíkurskóla.
Á Grenilundi búa aldraðir íbúar
Grýtubakkahrepps og er and-
rúmsloftið heimilislegt, enda er
Grenilundur rekinn sem heimili, ekki
stofnun. Starfsfólk er ekki í sloppum
eða hefðbundnum hjúkrunarfötum
heldur eigin fötum og það snæðir
með heimilisfólki, hver og einn íbúi
hefur eigin síma og mikið er lagt upp
úr því að fólk haldi sínu einkalífi.
„Við reynum að ýta undir virkni
íbúanna og þátttöku í samfélaginu og
gerum það m.a. með því að fylgjast
með því sem er að gerast og ræða við
heimilismenn. Þá er tenging við aðrar
stofnanir eins og leik- og grunnskóla
okkur mikilvæg, við reynum að læra
hvert af öðru og þekkja hvert annað,“
segir Fjóla.
Fyrr í desember gerðu íbúar
Grenilundar laufabrauð og í ár
fengu þeir aðstoð frá börnum í 6.
bekk Grenivíkurskóla. „Það var
mjög gaman og þetta var mjög jóla-
leg stund,“ segir Fjóla. Krakkarnir
spiluðu á hljóðfæri og sungu á milli
þess sem skorið var út og þá voru
sagðar sögur frá því í „gamla daga“.
Að lokum borðuðu allir saman.
Alls voru skornar út 240 kökur,
margar hrein listaverk. Vaninn er sá
að geyma hluta af kökunum fram
að árlegu og margrómuðu þorrablóti
Grenilundar.
Um árlega viðburð er að ræða
og hafa íbúar oftast þegið hjálp frá
sveitungum sínum, í fyrra voru það
leikskólabörn sem lögðu þeim lið
sitt, „og aldrei að vita hverja við
biðjum um að koma á næsta ári,“
segir Fjóla. /MÞÞ.
Steinunn Guðjónsdóttir, Guðjón Þórhallsson og Þórgunnur Eyfjörð vanda sig við verkið. Myndir / MÞÞ.
Íbúar á Grenilundi og skólabörn skáru út laufabrauð:
Mörg listaverkin litu dagsins ljós
Jólunum og nálægð þeirra fylgir
alltaf hugarró og önnur verkefni
ná fram í landinu. Við lýsum upp
skammdegið með orku fossanna
og hús okkar eru upphituð með
orku jarðarinnar, jarðhitanum,
þvílíkur þjóðarauður. Það verða
meiri samskipti á milli frænd-
fólks og vina.
Skáldin sem grúfðu sig yfir rit
sín koma fram með nýjar bækur
og jólabókaflóðið gleður enn þessa
þjóð. Það er bakað í eldhúsunum og
uppákomur eru víða í verslunum og
samfélaginu. Vinnustaðirnir breyta
um svip, skólafólkið fær kærkomið
frí. Bændur og afurðastöðvar
þeirra eru í sviðsljósinu. ,,Matur
er mannsins megin,“ segir þar.
Hvaðan kemur besta hangikjötið
eða hamborgarhryggurinn í ár?
Norðmenn eru smjörlausir að verða
og við eigum engin fjöll lengur í
smjöri eða feitu kjöti, öðruvísi mér
áður brá. Heimamarkaðurinn er
góður og varan er eftirsótt erlendis,
lamb og skyr, smjör, bleikja, lax
og ostar.
Íslensk heimili ganga fyrir
Einar Sigurðsson forstjóri MS hitti
naglann á höfuðið þegar hann var
spurður í fjölmiðlum hvort við
værum aflögufær með smjör.
Frændur okkar Norðmenn eru uppi-
skroppa og verða að nota makarín í
stað smjörs. Einar svaraði þessu á
þá leið að við værum ekki aflögu-
fær, því íslensk heimili og okkar
fólk gengju fyrir. Við ættum nóg
smjör í okkar bakstur en værum
ekki aflögufær.
Auðvitað eiga íslenskir bændur,
þrátt fyrir hærra verð erlendis og
sýndan áhuga þaðan, að fullvissa
íslensk heimili, okkar fólk, um að
þau gangi fyrir og að bændurnir og
afurðastöðvar í mjólk og kjöti muni
tryggja að allt árið verði lamb og
smjör ekki skorið við nögl í versl-
unum hér heima. Um leið er nýjum
mörkuðum fagnað sem borga gott
verð.
Matvælaframleiðslan er
þjóðinni mikilvæg
Þegar við áttum okkur á smjör-
skorti Norðmanna frænda okkar,
þá allt í einu áttum við okkur líka
á því hvað íslensk matvælafram-
leiðsla er þjóðinni mikilvæg. Hvaða
gjaldeyri hefði bóndasonurinn frá
Gunnarsstöðum, Steingrímur J.
Sigfússon fjármálaráðherra, haft,
hefði helmingur landbúnaðarfram-
leiðslunnar í landinu verið fallinn í
landinu eða réttara sagt, orðinn að
verkefni ESB-bænda? Við skulum
hugsa þetta yfir jólin og átta okkur
á því hvað bændurnir í öllum
búgreinum vinna gott starf, þó ekki
sé talað um gæði afurðanna, sem
eru einstök.
Tíu milljónir meistarakokka um
víða veröld hafa útnefnt smjörið
okkar sem einstaka náttúruafurð
og besta smjör heimsins, bæði
á brauð en líka það besta til að
steikja kjötið uppúr, gult og mjúkt
og einstakt. Íslendingurinn Gissur
Guðmundsson meistarakokkur er
forseti þessa stóra félagsskapar.
Óskaplega ráða andstæðingar
kristni og vantrúaðir miklu
Ég minntist á jólin í upphafi, sem
eru trúarhátíð kristinna manna.
Jólabarnið, sem fæddist í fjárhúsi
og var lagt í jötu, minnir okkur á
allt það mikilvægasta og mildasta
í lífinu. Samkvæmt stjórnarskrá
erum við kristin þjóð og hér ríkir
trúfrelsi að auki. En óskaplega
finnst mér þeir sem hafa enga
eða andstæða trú eða vantrú ráða
miklu. Einhver mannréttindanefnd
í Reykjavík er búin að skipa fyrir
um það að prestur megi ekki fara
með faðirvorið eða signa sig með
skólabörnum, eða heimsækja
skólana. Þó eru níu af hverjum
tíu börnum skírð og af foreldrum
sínum færð kirkjunni. Að vísu
mega víst blessaður presturinn og
barnið fara með bænina á laun eða
í hljóði. Hvenær eru mannréttindi
brotin? Ég tel ekki að mín börn
og barnabörn skaðist af bæninni
eða faðirvorinu. Margt annað ætti
mannréttindanefnd Reykjavíkur að
kynna sér sem haft er fyrir börn-
unum.
Guðni Ágústsson,
framkvæmdastjóri SAM
Þvílíkur þjóðarauður
Laufabrauðsskurður er árlegur viðburður og hafa íbúar Grenilundar oftast
þegið hjálp frá sveitungum sínum, í ár voru það börn úr 6. bekk Grenivíkur-
skóla sem lögðu þeim lið.
Guðjón Þórhallsson, Helga Guðmundsdóttir og Steinar Adolf Arnþórsson,
niðursokkin í laufabrauðsskurðinn.
Dagar myrkurs eru haldnir
í nóvember á hverju ári á
Austurlandi. Um er að ræða fjöl-
breytta menningarveislu með
draugalegu ívafi og alls konar
óvæntum uppákomum um allt
Austurland.
Ferðaþjónustubændur í Sænauta-
seli á Jökuldalsheiði hafa haft þann
sið að bjóða til mikillar sviðalappa-
veislu í tilefni daga myrkurs, auk
annars góðgætis. Þar sem góð tíð var
hér eystra í nóvember var þátttaka
með eindæmum góð í ár.
Rjúkandi réttir
Veislan hófst með því að gestum var
boðið í göngutúr í rökkrinu og þegar
heim var komið aftur í myrkri var
búið að lýsa upp bæinn innan og utan
húss og byrjað að bera fram rjúkandi
réttina.
Viðeigandi þykir að lesa uppúr
Bjarti í Sumarhúsum eftir Laxness,
auk þess sem sagðar eru mergjaðar
sögur sem njóta sín vel í rökkrinu,
enda bærinn einungis lýstur upp með
kertaljósum. /Þóra Sólveig.
Margt býr í myrkrinu:
Sviðalappaveisla í Sænautaseli
Þétt setinn Svarfaðardalur í Sænautaseli.
vörubíladekk
893-3305
Til sölu
markadsstofa.is
Frétta- og upplýsingavefur
Markaðsstofu Suðurlands