Bændablaðið - 15.12.2011, Blaðsíða 14

Bændablaðið | fimmtudagur 15. desember 201114
Þeir Bjarni Kristófer Kristjánsson,
Broddi Reyr Hansen og Guðmundur
Björn Eyþórsson, starfsmenn
Háskólans á Hólum, eiga veg og
vanda af því að Bjórsetur Íslands
er nú starfrækt í gömlu fjósamanns-
íbúðinni á Hólum. Klúbburinn
stendur fyrir kynningum, smökk-
unum og uppákomum tengdum
bjór.
„Þetta byrjaði allt sem samkoma
starfsmanna eftir vinnu á föstudögum
í kaffistofunni árið 2007. Fyrst vorum
við með venjulega bjóra og fáar teg-
undir en síðan fikruðum við okkur út
í að vera með öðruvísi bjóra og þannig
þróaðist þetta í klúbb bjóráhugamanna
sem síðan varð að Bjórsetri Íslands,“
útskýrir Broddi, sem hitti blaða-
mann Bændablaðsins að máli ásamt
Guðmundi Birni en Bjarni Kristófer
var vant við látinn.
Bjórfundir í fjósamannsíbúðinni
Úr varð að félagarnir fengu aðstöðu í
gömlu fjósamannsíbúðinni, sem eitt
sinni hýsti verslun og er steinsnar frá
háskólabyggingunni.
„Við útveguðum okkur kæla og
byrjuðum að hittast hér. Á síðasta ári
gjörbreyttum við aðstöðunni og smíð-
uðum meðal annars bar með bjórdæl-
um og tilheyrandi. Það var Erlingur
Viðar Sverrisson sem smíðaði barinn,
neðri hluti hans er úr afgöngum úr nýja
Staðarskála og panellinn uppi er frá
Kálfsstöðum hér í Hjaltadal. Þetta er
ekta kreppubar og hefur virkað vel,“
útskýrir Guðmundur Björn.
Broddi fór í að útbúa merki klúbbs-
ins, sem fékk hið merka nafn Bjórsetur
Íslands. Meðlimir borga inngöngu-
gjald, hittast reglulega og sötra saman
hinar ýmsu tegundir.
„Fyrst mættu eingöngu starfsmenn
hér á Hólum en síðan fórum við að
auglýsa þetta betur og reyna að fá fleiri
til að mæta, eins og sveitungana, sem
hefur tekist og þannig lífgað upp á
klúbbinn. Núna erum við um 40 með-
limir sem höfum hér ákveðið athvarf
til að drekka bjór. Hérna er draumur
okkar orðinn að veruleika, að hafa
athvarf fyrir þá athöfn að fá sér einn
kaldan eðalbjór eftir vinnu í góðra vina
hópi og spjalla. Öl er jú innri maður,“
segir Broddi.
Félagslegur vettvangur
Frá 1. maí árið 2010 hefur Bjórsetrið
verið rekið undir ferðaþjónustunni
á Hólum og hefur því breyst frá því
að vera lokaður innkaupaklúbbur í
að vera opið almenningi þegar við á.
„Það hefur eingöngu verið opið á
föstudögum hjá okkur þegar við erum
með hefðbundinn bjórfund. Við höfum
þó opnað oftar eftir samkomulagi, til
dæmis þegar ráðstefnur eða fundir eru
á Hólum. Þetta er þó ekki eins lokað
og í byrjun því undanfarið höfum við
fengið fleiri gesti úr sveitinni og þetta
er orðið eins og svona félagslegur vett-
vangur í héraðinu, menn útvega sér
bílstjóra og mæta.
Yfirleitt erum við með í kringum
60 bjórtegundir en mest hefur það þó
farið í yfir 90 tegundir. Þetta er alltaf
breytilegt og það getur enginn gengið
að því vísu að fá sömu tegundina næst
þegar hann kemur. Bjórinn sem við
seljum er allur á flöskum eða af krana.
Við erum ákveðin himnasending fyrir
birgja sem vilja prófa að flytja inn
kassa og kassa af einhverju nýju. Við
tökum við öllu og viljum í rauninni
prófa allar tegundir og það er margt
hér sem fer til dæmis aldrei í sölu í
Vínbúðinni. Við erum oft með bjór
sem við látum flytja sérstaklega
inn fyrir okkur og er hvergi annars-
staðar hægt að fá á landinu,“ útskýrir
Guðmundur Björn.
Áhugamenn um bjór
Broddi og Bjarni Kristófer eru miklir
áhugamenn um bjór og bjórmenn-
ingu og er Guðmundur Björn óðum
að komast inn í þann hugarheim.
„Okkur Bjarna finnst þetta mjög
heillandi, þessi bjórmenning. Við
höfum farið á bjórhátíðir erlendis og
hvaðeina. Ég veit ekki alveg hvaðan
þessi áhugi kemur, kannski frá þeim
tíma þegar bjór var bannaður hér-
lendis og menn gerðu sér að góðu
bjórlíkið á Gauk á Stöng, á þeim
árum var munaður að drekka alvöru
bjór. Muna ekki allir eftir því að fá
sér fyrsta bjórinn í flugstöðinni þegar
þeir fóru til útlanda, njóta frelsisins.
Reyndar gerum við þetta enn til að
minna okkur á gamla tíma,“ útskýrir
Broddi brosandi. Guðmundur Björn
segist vera að smitast af áhuganum,
er eiginlega starfsmaður í þjálfun. „Ég
drakk mjög lítið af bjór þegar ég kom
hingað en það hefur breyst. Ég hef
mestan áhuga á að sjá þessa hugmynd
ganga upp því þetta er einstakt fyrir-
bæri á Íslandi.“
Leikfimisal breytt í stóran pöbb
Meðlimir klúbbsins hafa fært út
kvíarnar og bjóða nú meðal annars
upp á bjórkynningar fyrir hópa en
hátt í 400 manns hafa nýtt sér það
tilboð.
„Við höfum aldrei auglýst okkur
en erum þó með Facebook síðu
(Bjórsetur Íslands). Við reynum að
sýna fjölbreytileika bjórmenningar-
innar og hlustum ekki á gesti sem
heimta sína bjórtegund, það er ekki í
boði hér. Síðan stöndum við einnig
í ákveðnum innanbúðardellum, sem
er blindsmökkun þar sem við rýnum
í bjórana og gefum einkunn. Í sumar
héldum við okkar fyrstu bjórmenning-
arhátíð, Suttunga Sumbl, sem mælist
vel fyrir. Þar tóku birgjar og bruggarar
þátt og hægt var að smakka og fræðast
um bjór. Bruggað var í litla brugghús-
inu okkar allan daginn og gátu gestir
fylgst með,“ segir Broddi brosandi og
Guðmundur Björn bætir við:
„Þetta er náttúrlega allt gert í sjálf-
boðavinnu og það er ekki mikið fjár-
magn sem við höfum úr að moða.
Það er lítil álagning á bjórnum og
er hann sennilega sá ódýrasti á
landinu. En við seljum hér boli og
glös og fáum eitthvað inn á því. Fyrir
afgangspening höfum við haldið
grillveislur fyrir íbúana hér og eitt
sinn héldum við tíu rétta veislu þar
sem bjór var í öllum uppskriftunum.
Við höfum stundum íhugað að ráða
hér inn manneskju til starfa en erum
hræddir um að heimspeki klúbbsins
gæti þá týnst.“
Úr eldhúsbruggi í mjólkurhúsið
Sem fyrr var nefnt stóð Broddi í bjór-
bruggun í sumar þegar bjórhátíðin
var í mjólkurhúsinu, en slík iðja er
ekki ný af nálinni fyrir honum.
„Þetta byrjaði sem eldhúsbrugg en
eftir mikla pressu frá eiginkonunni að
koma þessu annað fengum við leyfi
til að vera hér í mjólkurhúsinu. Þetta
eru einföld tæki sem þarf til verksins,
svunta, stígvél og pottar og þá er
maður í góðum málum. Bjórbruggun
er ekta handverk og tekur brugg-
dagurinn um átta klukkustundir, en
eftir það er ferilinn um fjórar vikur og
þá fer mjöðurinn á stálkúta og þaðan
á dæluna, svo hann fer aldrei út úr
húsi frá okkur. Þetta er lítil fjárfesting
og ferillinn er í raun um 85% þrif,“
útskýrir Broddi og segir jafnframt:
„Þetta er tilraunabrugghús þar sem
allt er leyfilegt, enda er þetta sama og
matargerð. Við fengum áfengisfram-
leiðsluleyfi fyrir tveimur mánuðum og
það gerir okkur kleift að framleiða bjór
löglega. Það eru mismunandi stílar við
bjórbruggun og við erum að brugga
bjór sem er nokkuð sterkur og mikið
humlaður. Núna er auðvelt að lesa sér
til um bjórgerð, bæði á vefnum sem og
í bókum, einnig er að verða auðveldara
að fá hráefni, svo þetta er framkvæm-
anlegt ef menn leggjast aðeins yfir
þetta. Bjórmenning á Íslandi er mjög
ung en það er samt einhver ákveðin
stemning og, já, í raun ákveðinn galdur
við að brugga góðan bjór.“ /ehg
Bjórsetur Íslands á Hólum:
„Öl er innri maður“
Á neðri hæð Bjórsetursins, í gamla
mjólkurhúsinu, hafa þeir félagar
komið upp bruggunaraðstöðu og
búa þar til öl handa klúbbmeðlimum.
bækurnar prýðisgóðar heimildir um starfsemina.
-