Bændablaðið - 24.02.2011, Blaðsíða 15
Á fimmtudag og föstudag í liðinni viku, - 17. og 18. febrúar
voru haldnir árlegir samráðs- og fagmálafundir með ráðu-
nautum búnaðarsambandanna í Bændahöllinni.
Að þessu sinni var fundurinn ekki haldinn í tengslum við
árlegt Fræðaþing landbúnaðarins en það verður haldið
dagana 10. og 11. mars n.k.
Í sérstökum málstofum var fjallað um málefni á hverju
fagsviði (búrekstri/hagfræði, jarðrækt, hrossarækt, naut-
griparækt) sem eru ofarlega á bugi,
Tveir sameiginlegir fundir allra ráðunauta voru á dagskrá.
Á öðrum þeirra var annarsvegar var fjallað um ,,Breytt ytra
rekstrarumhverfi í ráðgjafarþjónustunni“ í kjölfar mikils
samdráttar í opinberum framlögum til ráðgjafarþjónustu í
landinu og hinsvegar var haldin kynning á ,,Bændatorgi“
– sem er nýr gagnkvæmur samskiptavettvangur bænda
og ráðgjafa. Á hinum sameiginlega fundinum fjölluðu
fulltrúar frá Matvælastofnun um búfjársjúkdóm, sjúk-
dómastöðu í íslensku búfé en einkum þó hvernig háttað er
viðbúnaði og vörnum gegn dreifingu sjúkdóma sem upp
kunna koma.
Eins og sjá má á meðfylgjandi myndum voru fundirnir vel
sóttir og góð þátttaka í umræðum. Stefnt er að því að
gera efni (glærur og ritaðan texta) sem lagt var fram á
fundunum aðgengilegt innan tíðar með því að opna tengil
á www.bondi.is .
Ráðunautafundir 2011