Bændablaðið - 20.04.2011, Blaðsíða 10
10 Bændablaðið | fimmtudagur 20. apríl 2011
Mjólkuriðnaðurinn á Íslandi
rekur líklega þriðja stærsta
flutningakerfi landsins á eftir
Flytjanda sem er í eigu Eimskips
og Landflutningum sem er í eigu
Samskipa sem talin eru mun
umsvifameiri. Með flutningakerfi
MS eru fluttar tilbúnar mjólk-
urvörur innanlands til endur-
seljenda sem nema nálægt 70
þúsund tonnum á ári. Síðan safna
mjólkurbílar MS saman um 120
þúsund tonnum af mjólk á ári frá
framleiðendum. Þannig er verið
að flytja um 190 þúsund tonn af
mjólk og mjólkurafurðum á ári
með bílum MS samsteypunnar.
Það er meira en sem nemur öllum
úthlutuðum þorskveiðikvóta
Íslendinga á yfirstandandi fisk-
veiðiári sem er 160 þúsund tonn.
Nær 200 milljónir hafa
þegar sparast á ári
„Mest krefjandi hagræðingar-
verkefni okkar í dag í öllum
stöðvum Mjólkursamsölunnar felst
í flutningamálunum,“ segir Pálmi
Vilhjálmsson framkvæmdastjóri
framleiðslusviðs MS. „Þar erum
við þegar búnir að ná gríðarlega
miklum árangri en við teljum okkur
eiga þar töluvert mikið inni ennþá. Í
svona skipulagningu og hagræðingu
þá eru flutningamálin sá skipulags-
þáttur sem hvað erfiðast er að ná
utan um, því það eru umfangsmestu
og oft flóknustu viðfangsefnin.
Við erum búnir að vera að vinna
í flutningamálunum í rúmt ár, en
við eigum allavega eitt ár eftir í
þeirri skipulagningu. Í lok yfir-
standandi árs, 2011, verðum við
búnir að ná utanum meginþættina
í hagræðingarvinnu flutninga, við
erum nú þegar búnir að ná miklum
árangri og spara mikla peninga. Af
því sem við sjáum nú þegar, höfum
við í flutningunum náð að spara á
ársgrunni, á annað hundrað millj-
ónir króna.
Olíukostnaður vegur
stöðugt þyngra
„Þegar við lögðum af stað í
þá vegferð að endurskoða flutn-
ingakerfi fyrirtækisins, og vorum
að undirbúa hagræðingu í flutn-
ingakerfinu, þá kostaði lítrinn af
dísilolíu um 160 - 170 krónur. Í
dag kostar hann rúmar 230 krónur.
Það skiptir því stöðugt meira máli
að hægt sé að ná betri nýtingu á
bílaflotanum þegar mikið er ekið.“
Stærri bílar og aftanívagnar
„Við höfum verið að taka inn
stærri bíla og fækka þeim með því
að hafa vel útbúna tanka aftan í
þeim. Þá höfum við farið út í að
samhæfa bíla til söfnunar og vöru-
dreifingar á svæðum sem því verður
við komið. Við mjólkursöfnun í dag
eru fulllestaðir tankbílar að koma
inn til losunar í afurðastöð með
allt að 27 tonn af mjólk í ferð (27
þúsund lítra), en fyrir 20 til 25 árum
síðan voru tankbílar að koma með
8 til 10 þúsund lítra í hverri ferð.
Hér hefur orðið mikil þróun á 2 til
3 áratugum, betri samgöngur og
betri tækjabúnaður sem gerir þessa
framþróun mögulega.“
Reynt að fækka eknum
kílómetrum með mjólk
Einnig höfum við verið að huga
að auknum dæluafköstum í bílunum
og stytta þannig dælutíma á hverj-
um söfnunarstað. Jafnframt reynum
við að fækka eknum kílómetrunum
sem þarf að aka til þess að sinn hlut-
verki okkar í söfnun og dreifingu.“
Pálmi segir að þó bílarnir sé
orðnir mun stærri og kannski
með heildarfarm yfir 26 tonn, þá
þýði það ekki endilega að þeir séu
verri fyrir vegakerfið. Haft hefur
verið náið og gott samstarf við
Vegagerðina í þeim þáttum sem
snúa að flutningatækjum og burðar-
getu þeirra.
Bændablaðið reyndi til fróð-
leiks og samanburðar að fá upp-
lýsingar um magn þeirrar vöru
sem flutt er um vegi landsins með
Landflutningum og Flytjanda. Þær
tölur fengust ekki uppgefnar af
samkeppnisástæðum. Ekki er heldur
að finna tölur um þá flutninga hjá
Hagstofunni né Vegagerðinni.
/HKr.
MS er með eitt stærsta landflutningakerfi á Íslandi:
Mjólkurvöruflutningar meiri en sem
nemur öllum þorskkvóta Íslendinga
- Bílar MS flytja um 190 þúsund tonn af mjólk og mjólkurafurðum á ári
Það eru ekki bara tankbílar sem eru í þjónustu MS, því miklir flutningar fara líka fram á unninni og pakkaðri mjólk
og mjólkurafurðum frá afurðastöðvunum víða um land.
Pálmi Vilhjálmsson, framkvæmdastjóri framleiðslusviðs MS, segir að þó mikil hagræðing hafi átt sér stað í mjólkur-
flutningunum á síðustu árum megi gera enn betur. Hér er hann við gamlan Volvo brúsabíl á safni MS. Mynd / HKr.
Stærstu mjólkurbílarnir taka 27 tonn en mjög hefur færst í vöxt að nota stóra aftanívagna í mjólkurflutningunum. Mynd / MÞÞ
Sprenging hefur orðið í útflutningi
á íslensku skyri frá MS Selfossi, en
skyr.is er nú selt í fjórum bragð-
tegundum til Bandaríkjanna og
Finnlands. Í hverri viku fara 10 tonn
af skyri til Finnlands, eða 40 þúsund
dósir og 2-3 tonn til Bandaríkjanna.
Ekki er útilokað að útflutningur til
annarra landa hefjist fljótlega.
„Þetta er mjög ánægjulegt og
frábært að sjá hvað Finnar og
Bandaríkjamenn taka skyrinu okkar
vel. Þetta eru líka góð viðskipti
fyrir okkur og eykur starfsemina
í mjólkurbúinu á Selfossi,“ sagði
Guðmundur Geir Gunnarsson,
mjólkurbússtjóri.
Marjaana Hovi, gæðastjóri MS
sem er finnsk að uppruna, hefur
farið nokkrar ferðir til Finnlands
og kennt löndum sínum að borða
íslenskt skyr með þessum góða
árangri. /MHH
Sprenging í
útflutningi á
íslensku skyri
Marjaana Hovi, gæðastjóri MS og
Guðmundur Geir að bragða á skyr.
is, sem hefur slegið öll sölumet hjá
MS Selfossi með útflutningnum til
Finnlands og Bandaríkjanna.
Mynd /MHH
Fréttir
Baráttan við
Spánarsnigilinn
Spánarsnigillinn svonefndi
hefur fundist hér á landi og
veldur áhyggjum, þar sem hann
er ágengur í umhverfi sínu. Þó
að hann sé kenndur við Spán
þá hefur komið í ljós að hann
rekur uppruna sinn til Suðvestur
- Frakklands sem á landamæri
að Spáni.
Á Álandseyjum varð fyrst vart
við snigilinn árið 1992 en hann
hefur einnig breiðst út um Svíþjóð
og Finnland. Sérfræðingar telja
óhugsandi að honum verði útrýmt
í þessum löndum hér eftir, en honum
fjölgar auðveldlega og hann er afar
ágengur í umhverfi sínu.
Hver snigill getur verpt allt að
400 eggjum og þar sem hann er
tvíkynja getur hvert egg orðið að
nýjum sniglastofni. Dreifing snigl-
anna fer einkum fram með mold sem
fylgir rótarkerfi jurta við flutning.
Þannig getur snigillinn dreifst um
öll lönd ESB þar sem heimilt er að
flytja jurtir innan og milli landa. Á
hinn bóginn eru ekki heimildir um
að snigileggin dreifist með skófatn-
aði. Mörg fleiri ráð eru notuð gegn
sniglinum en eitt hið fyrirhafnarm-
innsta er bleyta vel í jarðveginum að
kveldi og breiða svartan plast dúk
yfir. Að morgni hafa sniglarnir þá
komið sér þar fyrir, ef þá er þar að
finna, og eru auðtíndir. Þá má nota
dauða snigla sem beitu en snigillinn
er sniglaæta.
Upplýsingar um Spánska snigil-
inn er að finna á vefsíðunum www.
gnm.se og www.tradgard.org /ME
Heimild: Landsbygdens Folk,
25. mars 2011.