Bændablaðið - 20.04.2011, Blaðsíða 13

13Bændablaðið | fimmtudagur 20. apríl 2011
Fyrsta heila rekstrarár Möðruvalla
ehf., sem var árið 2010, gekk ágæt-
lega. Mjólkurframleiðsla gekk vel
og hefur farið vaxandi. Alls voru
framleiddir um 202 þúsund lítrar,
en fyrstu 12 mánuði eftir að félagið
tók við búrekstri var framleiðslan
149 þúsund lítrar og síðustu 12
mánuði var hún 210 þúsund lítrar.
Heilsufar gripa var gott, frumut-
ala lág og flokkun mjólkur góð,
að því er fram kom á aðalfundi
Búnaðarsambands Eyjafjarðar
sem haldinn var í Hlíðarbæ í
síðustu viku. Ingvar Björnsson og
Þóroddur Sveinsson gerðu grein
fyrir starfsemi Möðruvalla á síð-
asta ári.
900 rúllur af heyi
Fram kom í máli þeirra að fóðuröflun
gekk vel á liðnu ári, heyjaðar voru
um 900 rúllur og ræktað korn á 11
hekturum. Uppskera korns varð mjög
góð, ríflega 5 tonn af þurru korni að
jafnaði. Hluti kornsins var seldur af
akri en 8 hektarar nýttir til búsins
og skiluðu þeir um 43 tonnum af
þurru korni. Kornið er notað í sér-
blöndu fyrir búið, sem blönduð er
hjá Bústólpa.
Áhersla á nýjungar í jarðrækt
og fóðuröflun
Í búskapnum hefur verið lögð áhersla
á nýjungar í jarðrækt og fóðuröflun.
Sáð var vetrarhveiti árið 2009 sem
skilaði vel þroskuðu korni árið 2010.
Í ljós þeirrar reynslu og reynslu af
ræktun olíujurta á búinu er stefnt að
áframhaldandi ræktun á hveiti og
olíujurtum í sumar. Þá hefur rauðs-
mára og hvítsmára verið sáð í allri
endurrækt búsins. Markmiðið er að
búið verði að mestu leyti sjálfbært
um fóðuröflun.
Huga þarf að tæknibreytingum
í fjósi
Framleiðsluaðstaðan á Möðruvöllum
er í megindráttum mjög góð.
Landgæði eru mikil, og landið fjöl-
breytt og ríflegt miðað við núverandi
búrekstur.
Aðstaðan í Möðruvallafjósinu er
að mörgu leyti góð, fjósið er rúmt
og véltækt en mjólkað er með hef-
bundnu mjaltakerfi sem er vinnufrekt
í 50 bása fjósi. Ráðist var í endur-
nýjun á geldneytaaðstöðu í fjósinu í
samráði við LbhÍ en undirstöður og
steinrimlar voru ónýt. Það má ljóst
vera að ef horfa á til áframhaldandi
mjólkurframleiðslu á Möðruvöllum
þarf að huga að tæknibreytingum í
fjósi með það að leiðarljósi að létta
vinnu.
Stuðningur við tilraunastarfsemi
Markmiðið með samningi
Búnaðarsambandanna og LbhÍ um
reksturinn á Möðruvöllum á sínum
tíma var að styðja við áframhaldandi
tilraunastarfsemi í tengslum við til-
raunastöðina á Möðruvöllum.
Á Möðruvöllum hafa verið stund-
aðar öflugar rannsóknir í jarðrækt
og fóðurverkun og framhald varð á
þeim árið 2010.
Helstu tilraunir á Möðruvöllum
voru tilraun með áburðarsvörun túna
og einnig yrkja- og stofnaprófanir í
grasrækt, kornrækt og olíujurtum.
Auk þess er sáðvara prófuð, stof-
nútsæði í kartöflurækt framleitt og
tvö M.Sc. - verkefni voru unnin í
samstarfi við tilraunastöðina. /MÞÞ
TOP N+ ... betra gler
Glerverksmiðjan Samverk ehf
Eyjasandi 2, 850 Hella
Gasfyllt gler, aukin einangrun.
Borum eftir heitu
og köldu vatni
ásamt öðrum
borverkum um
allt land. Liprir
og sanngjarnir
í samvinnu og
samningum.
Hagstætt verð.
Bændur - sumarhúsaeigendur
Upplýsingar gefur Júlíus Guðnason í síma 864-3313.
Starfsemin á Möðruvöllum gekk vel á síðasta ári:
Áhersla lögð á nýjungar í jarðrækt og fóðuröflun