Bændablaðið - 07.04.2011, Blaðsíða 10
10 Bændablaðið | fimmtudagur 7. apríl 2011
Hermann Ingi Gunnarsson, nýkjörinn formaður Félags ungra bænda á Norðurlandi:
Biðstaða en fjölmörg
tækifæri fyrir hendi
Þegar rofar til og Íslendingar
fara í alvöru að ræða um framtíð-
ina eftir hið mikla hrun og þjóð-
aráfall, er mikilvægt að greina
aðalatriðin frá aukaatriðunum.
Allar þjóðir vilja stöðugleika,
atvinnusköpun og vera virtar sem
þjóðir á meðal þjóða.
Ég hef heyrt að í útrás og brjál-
semi bankanna hafi það verið sagt
fullum fetum að ekki borgaði sig að
lána í fóðurstöðvar og landbúnað,
því landbúnaður væri á útleið á
Íslandi vegna annarra tækifæra,
ekki síst af því við yrðum fjármála-
miðstöð heimsins. Enn virðist sem
þurfi að fara inn í bankakerfið og
taka sólgleraugun af einhverjum
þar sem sjá hlutina enn í hillingum
vitleysunnar.
Loðdýrabændur
í góðum málum
Sá mæti foringi loðdýrabænda
Björn Halldórsson á Akri í
Vopnafirði birtist í sjónvarpi og
talaði hreina íslensku við misvitra
fjárhirða í bankakerfinu. Hann
sagði að bankar neituðu að lána til
stækkunar loðdýrabúa því þeir, af
öllum, óttuðust að búin gætu farið
á hausinn. Ummæli Björns voru
ákall til banka og ráðamanna að
horfa með réttu á tækifæri dagsins.
Loðdýrabændur gengu í gegnum
erfið ár í bernsku greinarinnar en oft
var það gengisskráning krónunnar
sem var óhagstæð útflutnings- og
samkeppnisgreinum landsmanna,
ekki síst sjávarútvegi og landbún-
aði og iðnaði einnig; atvinnan fór
úr landi.
Nú eru okkar loðdýrabændur
í góðum málum, hafa náð langt
á heimsmælikvarða í gæðum og
afkomu búanna, róta gjaldeyri inn
í landið og greinin myndi styrkj-
ast með stækkandi búum og fleiri
bændum.
Burt með sólgleraugu vitleys-
unnar, krefjumst þess að hinir
endurreistu bankar láni peninga til
uppbyggingar atvinnulífs og greiði
úr skammtíma skuldavanda fyrir-
tækja og fólks.
Auðlindir í sjávarútvegi og
landbúnaði eru festa landsins
Í umræðunni kemur oft fram að
hér hafi framsýnir menn stofnað
afreksfyrirtæki á veraldarvísu
eins og Össur, Marel, CCP o.fl.
Allt er þetta rétt en hugverka- og
framleiðslufyrirtæki af þessum
toga búa við tilboð allsstaðar að
um fjármagn og aðstöðu og ódýrt
vinnuafl, eru því á markaði og leita
til staða sem bjóða þeim gull og
græna skóga.
Hinsvegar eru auðlindir okkar
í sjávarútvegi og landbúnaði festa
landsins, jafnframt matvælaöryggis
okkar, og mjög skapandi greinar.
Ísland er matvælaframleiðsluþjóð,
og hvað vantar í veröld framtíðar-
innar? Mat, vatn, orku. Af þessu
eigum við mikið og búum við sér-
stöðu.
Kalt og heitt vatn eru verðmæti
á við olíuauðlindir og við það bæt-
ist orka í iðrum jarðar, fossum og
fallvötnum. Ennfremur heilbrigður
búpeningur, verðlag hans hækkar
og sérstaða okkar vex á þessum
sviðum.
Hollur er heimafenginn baggi
Verðmæti okkar liggja í því forn-
kveðna að hollur er heimafenginn
baggi. Ég vona að engum detti í
hug að flytja dýrmæta orku út í
sæstreng, því þá fer virðisaukinn
og atvinnan úr landi.
Við eigum fólk í mjólkurbúum,
kjötvinnslum og fiskvinnslu, sem
er að fullskapa unna vöru. Við
áttum eitt sinn mikla þekkingu í
skinnaiðnaði og þar höfðu þúsundir
manna góða atvinnu. Við eigum að
fullvinna okkar afurðir í landinu
sjálfu, einnig í áliðnaði. Það er
landið sjálft og samtaka þjóð sem
mun endurreisa Ísland.
Sættum okkur ekki við
atvinnuleysi og landflótta
Við þurfum nýsköpun hugarfarsins,
að átta okkur á hver við erum, hvað
við eigum og hvert við eigum að
fara. „Mitt er þitt og þitt er mitt.“
Við eigum glæstustu tækifæri allra
Evrópuþjóða, segja erlendir menn
og við eigum ekki að sætta okkur
við atvinnuleysi og landflótta.
Guðni Ágústsson,
framkvæmdastjóri SAM
Hollur er heimafenginn baggi
„Það má segja að algjör bið-
staða sé ríkjandi núna, það getur
enginn gert neitt. Við verðum
bara að bíða og sjá hver fram-
vindan verður og svo framar-
lega sem við göngum ekki inn
í Evrópusambandið er framtíð
landbúnaðar á Íslandi björt, næg
tækifæri fyrir hendi sem hægt er
að nýta stéttinni til framdráttar,“
segir Hermann Ingi Gunnarsson,
sem á dögunumvar kjörinn for-
maður Félags ungra bænda á
Norðurlandi.
Hermann Ingi segist finna fyrir
aukinni samstöðu, bændur séu
sýnilegri nú en oft áður og þeir
noti þau tækifæri sem gefist til að
koma sjónarmiðum sínum á fram-
færi. Hann nefnir að félagið hafi
nýlega sent tillögu til landbún-
aðarráðuneytisins um að flýta sem
kostur er því ferli sem fyrirhugað
er að fara í og miðar að því að
aðstoða unga bændur við að eignast
jarðir. „Eins og staðan er nú og í
því ástandi sem ríkir er það nánast
ómögulegt,“ segir Hermann Ingi.
Jarðaverð hafi rokið upp í góðærinu
og ekki gerlegt fyrir ungt fólk að
festa kaup á jörðum.
Áform um að efla félagið
Í Félagi ungra bænda á
Norðurlandi eru um 70 manns,
úr Húnavatnssýslum, Skagafirði,
Eyjafirði og Suður-Þingeyjarsýslu.
Starfsemi þess hefur, að sögn
Hermanns Inga, ekki verið mikil
en áform eru um að efla hana og
m.a. stendur til að félagar fari í
heimsóknir og skoði hvað aðrir eru
að gera. „Við höfum áhuga fyrir
að fjölga félögum, núna eru flestir
innan vébanda félagsins úr röðum
kúa- og sauðfjárbænda, en við
viljum endilega fá fleiri til liðs við
okkur, t.d. skógarbændur og aðila
í ferðaþjónustu og hrossarækt, svo
eitthvað sé nefnt,“ segir hann.
Berjumst hatrammlega
gegn ESB-aðild
Hermann Ingi segir að margir
hafi hug á að fara í búskap en
geti það ekki vegna þeirrar stöðu
sem ríkjandi er í efnahagsmálum.
„Menn hafa ekki tök á að gera
neitt, það er algjör biðstaða, menn
bíða eftir hver niðurstaðan verður
varðandi Evrópusambandið. Ef við
förum þar inn er voðinn vís fyrir
landbúnaðinn og við berjumst hat-
rammlega gegn því að svo verði,“
segir hann. Á meðan óvissa ríki
geri enginn neitt, menn vilji ekki
skuldbinda sig og því séu allir að
bíða og sjá til. „Áhuginn er fyrir
hendi og fjölmörg tækifæri í land-
búnaði. Kreppan hefur líka leitt af
sér að menn hafa leitað allra leiða
til að hagræða í rekstri og spara og
í kjölfarið reynt nýja hluti, eins og
til að mynda framleiðslu á metani
og eins eru menn farnir að rækta
repju sem hægt er að framleiða úr
dísel. Ástandið, þó það sé djöfullegt
meðan á því stendur, hefur þannig
leitt af sér ýmislegt gott,“ segir
Hermann Ingi.
/MÞÞ
„Ástandið, þó það sé djöfullegt meðan á því stendur, hefur þannig leitt af
sér ýmislegt gott,“ segir Hermann Ingi Gunnarsson, nýkjörinn formaður
Félags ungra bænda á Norðurlandi, en hann stundar nám á Hvanneyri og
stefnir að því að hefja búskap í Klauf í Eyjafirði.
Á aðalfundi Félags sauðfjár-
bænda á Héraði og Fjörðum
sem haldinn var fyrir skömmu
var farið yfir starfsemi félagsins
síðasta ár. Sjö ályktanir voru
samþykktar á aðalfundinum
og verða sendar til aðalfundar
Landssamtaka sauðfjárbænda,
sem haldinn er í dag, 7. apríl.
Gestur fundarins var Sigurður
Eyþórsson framkvæmdastjóri
Landssamtaka sauðfjárbænda. Í
erindi hans kom fram að útlitið í
afsetningu sauðfjárafurða svo og
söluhorfur hafi ekki verið svo góðar
sem nú er í langan tíma. Munar þar
mestu mikil aukning á útflutningi
kinda- og dilkakjöts og gott verð á
mörkuðum erlendis, sem að vísu
ræðst mest af lágu gengi krónunn-
ar. Mest er flutt út til Bretlands.
Birgðastaðan hefur ekki verið svo
góð áður og er útlit fyrir að sumir
hlutar skrokksins seljist upp áður en
haustslátrun hefst. Samt er ekki útlit
fyrir kjötþurrð, að sögn Sigurðar.
Formaður félagsins Sigvaldi H.
Ragnarsson á Hákonarstöðum
flutti skýrslu stjórnar og Magnús
Sigurðsson á Víkingsstöðum fór
yfir reikninga félagsins.
Var Sigvaldi endurkjörinn í stjórn
en Magnús Sigurðsson hafði lokið
sex ára stjórnarsetu sinni og var
Guðni Þórðarson bóndi á Lynghóli
kjörinn í hans stað. Aðrir í stjórn
félagsins eru Guðrún Agnarsdóttir
í Hofteigi, Margrét Benediktsdóttir
Hjarðar, Borg í Njarðvík og Helgi
Haukur Hauksson í Straumi. Í vara-
stjórn situr Hörður Guðmundsson í
Refsmýri. /SASigvaldi H. Ragnarsson.
Frá aðalfundi Félags sauðfjárbænda á Héraði og Fjörðum.
!!
Aðalfundur Félags sauðfjárbænda á Héraði og Fjörðum:
Búist við að sumir skrokk-
hlutar seljist upp í haust