Bændablaðið - 07.04.2011, Blaðsíða 12

12 Bændablaðið | fimmtudagur 7. apríl 2011
Stofnfundur Hollvinafélags
Búnaðarsögusafns Eyjafjarðar
var haldinn í Sólgarði í
Eyjafjarðarsveit í fyrri viku, en
hlutverk þess er að hafa frum-
kvæði að stofnun búvéla- og bún-
aðarsögusafns í Eyjafirði og koma
að rekstri þess.
Sveitarstjórn Eyjafjarðarsveitar
hefur um nokkurra ára skeið falast
eftir því að fá til eignar öll bæjar-
hús að Saurbæ og var á fundinum
samþykkt ályktun þar sem skorað
var á hana að auka mjög þrýsting á
mennta- og menningarmálaráðuneyt-
ið að taka þessa beiðni til afgreiðslu
án frekari tafa.
Þá beindi fundurinn einnig þeim
tilmælum til sveitarstjórnar að
leggja nokkurt fé í að bæta umhverfi
Saurbæjarhúsanna og ásýnd þeirra
um leið og jákvætt svar fengist frá
ráðuneytinu. Einnig lýsti fundurinn
þeirri skoðun sinni að eðlilegt sé
að ráðuneytið og Þjóðminjasafnið
leggi fé í þær framkvæmdir enda sé
umhverfið einnig umhverfi þeirra
fornminja sem þarna eru í umsjón
og á ábyrgð þjóðminjavörslunnar.
Safnamiðstöð í Saurbæ
„Við teljum eðlilegt að horfa til
Saurbæjar sem safnamiðstöðvar eða
safnaseturs þar sem rúmast gætu fleiri
söfn og af ýmsum gerðum,“ segir
Bjarni Kristjánsson sem sæti á í stjórn
Hollvinafélags Búnaðarsögusafns
Eyjafjarðar. Smámunasafnið sem þar
er fyrir hefur þegar unnið sér sess í
safnaflóru landsins sem og einnig
Saurbæjarkirkja.
Bendir Bjarni á að Smámuna-
safninu berist af og til tilboð um að
fá til eignar söfn sem ekki séu öll
mikil fyrirferðar en engu að síður
forvitnileg, „og full ástæða til að
varðveita þau og hafa til sýnis,“
segir hann. Söfnin sem um ræðir
eigi þó ekki endilega samleið með
Smámunasafninu, enda hafi það sína
sögu og sérstöku einkenni sem beri
að varðveita sem sjálfstæða einingu.
Meðal þeirra verkefna sem
félaginu er ætlað að vinna er að
semja við eigendur þeirra véla,
tækja og áhalda sem nú eru varð-
veitt að Saurbæ um hvernig sá vísir
að safni verði nýttur í þágu væntan-
legs Búnaðarsögusafns Eyjafjarðar.
„Þá munum við einnig standa að
gerð áætlunar um uppbyggingu
safnasvæðis í Saurbæ, t.d. varðandi
lagfæringar húsa, nýbyggingar og
skipulag og frágang umhverfis, en
einnig er félaginu ætlað að styrkja
rekstur safnsins með söfnun heimilda
og muna, gera upp muni og viðhalda
húsnæði og athafnasvæðinu utan-
dyra,“ segir Bjarni.
Hluti af Safnasetri
„Búnaðarsögusafnið mun hins
vegar geta fyllt hóp safna af mis-
munandi gerð og uppruna og
orðið þannig hluti af „Safnasetri
Eyjafjarðarsveitar” að Saurbæ. Það
er vilji Hollvinafélagsins að vinna
með menningaryfirvöldum í sveitar-
félaginu að vexti þeirrar hugmyndar
og stuðla að því að hún geti orðið að
veruleika,“ segir Bjarni.
Framlag Hollvinafélagsins verði
þó fyrst og fremst að vinna innan
þess ramma sem lög þess setja því og
þess sé ekki að vænta að félagið geti
orðið öflugur fjárhagslegur bakhjarl
safnasetursins.
„Mörg verk eru aftur á móti þess
eðlis að þau kalla á ýmiss konar
vinnu sem félagið sér sem sitt fram-
lag,“ segir hann. Hollvinafélagið
muni einkum starfa sem áhuga-
mannafélag án formlegar aðkomu
opinberra aðila. Bjarni hvertur alla
þá sem áhuga hafa á verkefninu að
leggja því lið. /MÞÞ
Hollvinafélag Búnaðarsögusafns Eyjafjarðar stofnað í Sólgarði
Safnasetur verði staðsett við Saurbæ
- Undir þeim hatti yrði líka Smámunasafnið sem þar er fyrir sem og Saurbæjarkirkja
Meðal þeirra verkefna sem Hollvinafélagi Búnaðarsögusafns Eyjafjarðar er
ætlað að vinna að er að semja við eigendur véla, tækja og áhalda sem varð-
veitt eru að Saurbæ um hvernig sá vísir að safni sem fyrir er verði nýttur í
þágu væntanlegs Búnaðarsögusafns Eyjafjarðar. Þessi gamli Ferguson var
í eigu Karls Jónssonar á Mýri í Bárðardal, árið 1952, en Magnús Tryggvason
í Gullbrekku í Eyjafjarðarsveit eignaðist vélina 1955.
Mc Cormick frá bandaríska framleiðandanum International Harvester.
Sigurður Frímann Emilsson,
vélstjóri og löggiltur rafvirkja-
meistari á Selfossi, hefur stofnað
fyrirtækið Raf- og kæliþjónustuna
ehf., með starfsaðstöðu á Selfossi.
Sigurður starfaði m.a. í 9 ár hjá
Mjólkurbúi Flóamanna við uppsetn-
ingu og viðgerðir á mjólkurtönkum
og mjaltakerfum. Þá starfaði hann
hjá Frostmarki í 3 ár við uppsetningu
og viðhald á frysti- og kælikerfum.
Rafklagnir og viðhald
Nýja fyrirtækið tekur að sér allar
almennar raflagnir, uppsetningu og
viðhald, ásamt uppsetningu og við-
haldi á mjólkurtönkum og stórum og
smáum kæli- og frystikerfum.
Fyrirtækið er nú eina sunnlenska
kæliþjónustufyrirtækið. „Ég legg
sérstaka áherslu á að þjóna bændum
og búaliði enda er ég þar á heima-
velli,“ sagði Sigurður Frímann.
Síminn hjá honum er 692-4649 og
netfangið laufhagi12@internet.is.
/MHH
Raf- og kæliþjónustan á Selfossi:
Þjónar
sunnlenskum
bændum og
búaliði
Sigurður Frímann Emilsson, vél-
stjóri og löggiltur rafvirkjameistari á
Selfossi, segist leggja mikla áherslu
á að þjóna bændum í sínu nýja fyrir-
tæki.
Aðalfundir Ferðaþjónustu bænda
hf. og Félags ferðaþjónustubænda
voru haldnir í Eyjafirðinum dag-
ana 22. og 23. mars. Þar kom fram
að rekstur FB var framar vonum,
þrátt fyrir áföll í efnahagslífi og
að eldgosið í Eyjafjallajökli hafi
raskað komum erlendra ferða-
manna til landsins um tíma og haft
margvísleg önnur áhrif.
Sigurlaug Gissurardóttir, for-
maður Félags ferðaþjónustubænda
setti fundinn en síðan hófst dag-
skrá undir yfirskriftinni „Gæðamál
– í takt við nýja tíma“. Oddný
Björgvinsdóttir, fyrsti framkvæmda-
stjóri Ferðaþjónustu bænda rifjaði
þar upp ýmislegt frá fyrstu starfsár-
unum. Oddný hefur verið fengin til
að taka viðtöl við eldri félagsmenn
sem lið í að safna heimildum um
sögu Ferðaþjónustu bænda.
Á fundinum tilkynnti Elva Rakel
Jónsdóttir frá Umhverfisstofnun
að Hótel Rauðaskriða væri búið að
uppfylla ströng umhverfisskilyrði
Svansins og hótelið því orðið hluti af
Svansvottuðu fjölskyldunni á Íslandi.
Í dag eru meðlimir í samtökum
Ferðaþjónustubænda 15 talsins og
er Hótel Rauðaskriða eina hótelið á
Íslandi sem er Svansvottað.
Endurskoðun á flokkunarkerfi
Berglind Viktorsdóttir gæðastjóri
flutti erindi um endurskoðun á
flokkunarkerfi Ferðaþjónustubænda.
Í vor verður settur af stað vinnu-
hópur sem mun endurskoða flokk-
unarkerfið, en það var síðast endur-
skoðað árin 2002-2004. Hópnum er
ætlað að vera í góðri samvinnu við
Ferðamálastofu um málið.
Elías Gíslason frá Ferðamálastofu
kynnti einnig nýja Gæða- og
umhverfiskerfið Vakann. Kerfið
sem er að Nýsjálenskri fyrirmynd
hefur verið lagað að íslenskum
aðstæðum og mun geta vottað
öll svið innan ferðaþjónustunnar.
Gert er ráð fyrir að ferðaþjónustu-
fyrirtæki muni geta auglýst sig
innan kerfisins á næsta ári. Harpa
Ingólfsdóttir hjá Aðgengi ehf.
kynnti einnig aðgengismerkjakerfi
sem er verið að innleiða á Íslandi.
Kerfið kemur frá Danmörku og á
upplýsinga- og þjónustusíðu þess
www.gottadgengi.is er að finna
upplýsingar um staði sem hafa verið
teknir út með tilliti til aðgengis fyrir
fólk með ýmis konar sérþarfi, eins
og vegna hreyfihömlunar, ofnæmis,
lesblindu, sjón- og heyrnarskerðing-
ar. Einnig upplýsingar um þjónustu
fyrirtækisins Aðgengi ehf. sem gerir
úttekt á stöðum varðandi aðgengis-
mál og leiðbeinir fyrirtækjum.

Vetrarferðaþjónusta
Hugrún Hannesdóttir hjá Ferða-
þjónustu bænda lýsti hvernig Finnar
hafa náð frábærum árangri í vetrar-
ferðaþjónustu. Þeir hafa skapað sér
mikla sérstöðu með jólasveininum
og eru stoltir af öllu sem finnskt er.
Ekki er það kuldinn sem fælir
frá, þrátt fyrir að frostið fari niður
fyrir - 40° C, þá leggur fjöldi fólks
leið sína til Lapplands. „Fyrst Finnar
geta þetta, þá getum við þetta líka!“
sagði Hugrún.
Síðasti dagskrárliðurinn var kynn-
ing á verkefninu Sjóði en það er sam-
starfsverkefni Ferðaþjónustu bænda
og Íslandsstofu.
Björn Reynisson, verkefnisstjóri
hjá Íslandsstofu kynnti vöruþróunar-
verkefnið sem miðar að því að hver
þátttakandi styrki sína sérstöðu og
finni sér ný tækifæri, með sérstakri
áherslu á jaðartímum.
Aðalfundir Ferðaþjónustu bænda hf. og Félags ferðaþjónustubænda:
Bjartsýni þrátt fyrir áföll af efnahagslífi og eldgosum
Sigurlaug Gissurardóttir, formaður Félags ferðaþjónustubænda afhend-
ir Kolbrúnu og Jóhannesi í Rauðuskriðu blóm í tilefni Svansvottunar
Rauðuskriðu.
Anna Dröfn frá Ensku húsunum,
Ingi Trygvason frá Narfastöðum og
Sandra Gunnarsdóttir frá FB.
Skagfirðingarnir Eyrún Anna á
Flugumýri, Kristina frá Hólum og
hjónin Vésteinn og Elínborg frá
Hofstöðum.
Víkurhvarf 5