Bændablaðið - 06.09.2012, Blaðsíða 20

20 Bændablaðið | Fimmtudagur 6. september 2012
Nú sér fyrir endann á fjós-
byggingu hjónanna Berglindar
Hilmarsdóttur og Guðmundar
Guðmundarsonar á Núpi undir
Eyjafjöllum. Góður gangur
hefur verið í framkvæmdunum
og hyggjast þau taka nýja fjósið
í notkun í sumarbyrjun á næsta
ári.
„Við byrjuðum árið 2008 á fjós-
byggingunni, steyptum botnplötu
í haughús nokkrum dögum fyrir
hrun. Þá var allt sett í frost fram
yfir eldgos og lítið gert fyrr en árið
2011 þegar við fórum aftur af stað
eftir gosið. Steypuvinnan klárað-
ist núna í lok ágúst. Flórbitarnir
koma svo frá Líflandi í haust og
næsta vor kemur húsið sem við
stefnum á að taka í notkun í lok
maí á næsta ári. Þetta hefur gengið
hægt en örugglega og við erum
mjög heppin með mannskap, þetta
er einvalalið smiða og allt verið
samkvæmt áætlun. Uppi á eldhús-
veggnum yfir matarborðinu hangir
teikningin af fjósinu sem skellt er á
eldhúsborðið þegar smiðirnir koma
inn í mat og síðan er skoðað og
endurskoðað, allir koma með sitt
innlegg, bæði heimilisfólk, smið-
ir, gestir og gangandi,“ útskýrir
Berglind og segir jafnframt:
„Það var margt endurskoðað
eftir fjósbyggingarnámskeið sem
við fórum á hjá Snorra Sigurðssyni
við Landbúnaðarháskólann á
Hvanneyri. Kosturinn við að gera
þetta ekki of hratt er að maður
hefur tækifæri til að fá álit og skoða
hlutina í góðu tómi. Þá er nú ekki
leiðinlegt að hafa bráðhressa smiði
og þó svona kosti dálítið úthald á
meðan á því stendur þá hefur þetta
líka verið rosalega skemmtilegt og
lærdómsríkt.“
Framkvæmdahugur að lifna við
„Það varð algjör viðsnúningur við
hrunið en núna er þetta að lifna við
aftur. Til viðbótar við fjósbyggingu
hjá Berglindi og Guðmundi á Núpi
undir Eyjafjöllum er nú til dæmis stórt
fjós í byggingu á Hóli í Svarfaðardal.
Á Núpi í Djúpavogshreppi og í
Dufþaksholti í Rangárþingi eystra er
verið að byggja geldneytafjós. Síðan
er eitthvað um að byggð hafi verið
hesthús og reiðhallir undanfarin ár,
svo það er alltaf eitthvað að gerast og
segja má að framkvæmdir hafi í raun
ekki alveg stöðvast á neinum tíma-
punkti frá því að efnahagshrunið reið
hér yfir,“ segir Magnús Sigsteinsson,
forstöðumaður byggingarþjónustu
Bændasamtakanna.
/ehg
Hjónin Berglind Hilmarsdóttir og Guðmundur Guðmundarson á Núpi undir Eyjafjöllum:
Taka nýja fjósið í notkun næsta sumar
Hilmar Haukur, sonur Berglindar og Guðmundar, og Halldór Halldórsson steypa mjólkurhúsvegginn í blíðunni í sumar. Myndir / BH
Guðmundur, bóndi á Núpi, að störfum við að steypa sökkulveggi ásamt
Jóni Óskari Björgvinssyni frá Vorsabæ í Landeyjum.
Jóhann Jensson á Fit og Halldór Hjartarson, búsettur í Hrepphólum, leggja
hér í legubásana.
Frá steypuvinnu á Núpi undir Eyjafjöllum í febrúar á þessu ári.