Bændablaðið - 06.09.2012, Blaðsíða 21
21Bændablaðið | Fimmtudagur 6. september 201
Fossselsskógur gerður aðgengilegur sem útivistarsvæði
„Þetta tókst ljómandi vel og allir
voru ánægðir með daginn,“ segir
Agnes Þórunn Guðbergsdóttir,
formaður Skógræktarfélags
Suður-Þingeyinga en opinn
dagur var haldinn í Fossselsskógi
í júlímánuði. Fossselsskógur er
sunnan við bæinn Vað, austan við
Skjálfandafljót, á leiðinni frá Kinn
yfir í Aðaldal.
Agnes segir að ætlunin sé að gera
skóginn aðgengilegan sem útivistar-
svæði fyrir almenning og var opni
dagurinn liður í að kynna skóginn og
það sem hann hefur upp á að bjóða.
Ráðist var í gerð göngustíga í fyrra-
sumar og hafa þeir verið litamerktir,
þá hefur vegur að skóginum verið
gerður fólksbílafær, sem ekki var
áður, og hægt að aka að Geiraseli,
litlu timburhúsi í skóginum og niður
að Kvennabrekku. Næsta sumar
stendur svo til að setja upp skilti við
eyðibýlið Fosssel og koma fyrir yfir-
litskorti við inngang að skóginum.
Fallegur lerkiskógur í
Kvennabrekku
Í Kvennabrekku er nú fallegur lerki-
skógur, en konur úr ýmsum kven-
félögum innan Kvenfélagasambands
Suður-Þingeyinga komu saman og
gróðursettu tré í Fossselsskógi 19.
júní 1985 í tilefni af því að kvenna-
áratugi Sameinuðu þjóðanna var þá
að ljúka, en sama ár var einnig 70
ára afmæli kosningaréttar kvenna
á Íslandi. Þá var gróðursett sem
svaraði einni plöntu fyrir hverja
þingeyska konu, alls um 2000 tré.
Kvenfélög innan Kvenfélaga-
sambands sýslunnar afhentu á
opna deginum nýtt áningarborð,
smíðað hjá Skógræktinni á Vöglum í
Vaglaskógi, en það verður til afnota
fyrir gesti skógarins.
Geirasel er nefnt eftir Friðgeiri
Jónssyni skógarbónda sem fædd-
ist í Ystafelli í Kinn í Suður-
Þingeyjarsýslu, en hann bjó lengi
félagsbúi þar á bæ með Sigurði
bróður sínum og Kolbrúnu konu
hans. Friðgeir vann auk bústarfa
við smíðar og stundaði skógrækt og
umhirðu nýskóga frá því að skóg-
rækt hófst í Fellsskógi austanvert í
Kinnarfelli.
Hátt í 400 þúsund plöntur
Fosssel er í um 100 metra hæð yfir sjó,
landið umhverfis var girt árið 1951,
en hafist var handa við að planta í
skóginn á vegum Skógræktarinnar
á Vöglum árið 1958. Friðgeir vann
við plöntun og grisjun í skóginum.
Hafði hann frá árinu 1973 fasta
umsjón með honum og allt til ársins
1992. Síðustu æviárin bjó Friðgeir
á Húsavík ásamt sambýliskonu
sinni Klöru H. Haraldsdóttur frá
Kaldbak á Rangárvöllum. Árið 1989
byggði Friðgeir lítið timburhús fyrir
Skógræktarfélag Suður-Þingeyinga
sem afdrep fyrir gesti og starfsmenn.
Húsið er nefnt Geirasel og afhjúpaði
Klara minningarskjöld við húsið á
opna deginum.
Skógræktarfélag Suður-
Þingeyinga hefur haft umsjón með
Fossselsskógi frá árinu 1960, en búið
er að gróðursetja hátt í 400 þúsund
plöntur í skóginn, mest rauðgreni.
Gott berjaland er í skóginum að sögn
Agnesar og þar er einnig mikið um
skógarsveppi. Til stendur síðar í
sumar að efna til sveppaferðar um
skóginn með leiðsögn Guðríðar
Gyðu Eyjólfsdóttur sveppafræðings.
/MÞÞ Ungir sem aldnir njóta skógarins, hér er Ingi Tryggvason á Narfastöðum með Valdemar Hermannsson.
Klara Haraldsdóttir afhjúpar minn-
ingarskjöld um Friðgeir Jónsson.
við nýtt áningarborð úr lerki sem
kvenfélög innan Kvenfélagasam-
Mynd / MÞÞ