Bændablaðið - 06.09.2012, Blaðsíða 25
25Bændablaðið | Fimmtudagur 6. september 201
Bændablaðið
Næsta blað kemur út
20. september
Borgarmær í fyrstu göngunum
Ingibjörg Pétursdóttir er borin
og barnfædd Reykjavíkurmær
sem gafst hið einstaka tækifæri
í fyrra að fara í fyrsta sinn á
ævinni í göngur í Borgarfirði og
þurfti hún ekki að hugsa sig lengi
um þegar boðið barst í gegnum
frænku hennar, Önnu Sigurveigu
Magnúsdóttur, að skunda á fjöll í
smalamennsku.
„Veiga frænka mín, sem er mikill
kvengarpur, hafði samið við bændur
á svæðinu um að hún mætti fara á
gæs gegn því að smala fólki fyrir þá
í göngur. Við vorum þrjár sem fórum,
borgarbörn á besta aldri og eyddum
heilli helgi í Borgarfirðinum. Við
vorum ægilega spenntar og lentum
í besta veðri haustsins sem skemmdi
nú ekki fyrir stemningunni,“ útskýrir
Ingibjörg.
Eitthvað magnað fór í gang
Þær stöllur smöluðu fyrir Magnús
Leópoldsson fasteignasala, sem á
helming í tvíbýlinu Hvassafelli í
Norðurárdal. Smalað var yfir á næsta
leitarsvæði vestan Hreðavatns að
Vikrafelli.
„Við héldum af stað frá
Hvassafelli ásamt fullt af fólki með
Davíð göngustjóra í broddi fylkingar.
Ég man að ég kveið ógurlega fyrir,
því við vorum pínulítið eins og
álfar út úr hól varðandi staðarhætti
en vorum búnar að fá leiðarvísi og
við þrjár héldum hópinn. Fyrst var
ég svolítið hrædd enda við villtar
kindur að etja en síðan verður maður
ábyrgðarmikill þegar á hólminn er
komið. Þegar við komum upp sáum
við einhverjar kindur og byrjuðum
að hóa og blaka höndum og þá kom
kikkið. Það var eitthvað magnað sem
fór í gang og maður hljóp upp og
niður hóla og hæðir af verulegum
krafti sem kom mér á óvart, því ég
var ekki í neinu líkamlegu formi,“
útskýrir Ingibjörg brosandi og segir
jafnframt:
„Það var undurfallegt uppi á
heiðinni þar sem Baula gnæfði yfir
allt og allt í einu fannst manni Baula
vera fallegasta fjall landsins. Það fer
enginn á þetta svæði og á ákveðnum
tímapunkti fór ég að öfunda kind-
urnar af því að hafa þetta fallega land
algjörlega út af fyrir sig. Í lokin var
mögnuð sjón að sjá alla breiðuna
þegar við vorum komin niður nálægt
Bifröst. Ég var svo þreytt daginn
eftir að ég var eiginlega veik, enda
gengum við og hlupum upp og niður
frá átta um morguninn fram á kvöld.
Ætli við höfum ekki hlaupið hálft
maraþon. En upplifunin var mögnuð
og ég varð eiginlega önnur mann-
eskja á eftir.“ /ehg
Ingibjörg Pétursdóttir og Anna Sigurveig Magnúsdóttir þreyttar og ánægðar
eftir vel unnið verk.
Dýravelferð í leitum, smölun og réttum
Alltaf skal hafa velferð fjárins
og hestanna að leiðarljósi í fjár-
leitum, smalamennsku og réttum.
Aldrei verður ofbrýnt fyrir leitar-
mönnum að fara gætilega að fénaði
í þessum vandasömu verkum, þar
sem gæta þarf fyllsta öryggis bæði
fyrir menn og skepnur.
Mikilvægt er að standa þannig að
smalamennsku að féð sé ekki gert
uppgefið. Einkum ber að varast þetta
þar sem notuð eru vélknúin hjól, sem
aldrei þreytast og eru mun hrað-
skreiðari en bæði hestar og kindur.
Í nokkrum landshlutum eru langar
fjárleitir, jafnvel allt að 6-7 dögum.
Kindur sem koma fyrir fjærst byggð
á fyrstu dögunum geta þurft að ganga
langt áður en til réttar er komið. Það
hlýtur því að vera umhugsunarefni
hvort ekki sé farsælast að ná þeim í
aðhald og gera ferð til þess að flytja
þær heim á vagni. Þegar hundar eru
notaðir við smalamennsku og rekstur
er nauðsynlegt að eigandi þeirra hafi
á þeim góða stjórn og sjái til þess að
þeir séu ekki að bíta í kindurnar, það
er ólíðandi.
Búfé þarf að hafa aðgang
að vatni
Gæta þarf sérstaklega vel að því að
fé og hross á fjalli komist í vatn, sér-
staklega nú eftir sumar sem hefur
verið þurrt víða um land þannig að
vatnsból gætu hafa þorrið.
Ef næturhólf fyrir kindur eru
vatnslaus, þá þarf að bæta úr því.
Hætt er við að fé í rekstri hafi lítið
getað drukkið, því er nauðsynlegt að
hafa bæði vatn og gras aðgengilegt
í hvíldartímanum yfir nóttina. Alla
jafna er heldur ekki brynning í rétt-
unum. Þar sem svona háttar til er
brýnt að gera ráðstafanir til þess að
féð komist öðru hverju í vatn eða
komið sé upp brynningaraðstöðu í
hvíldarhólfunum.
Verði féð mjög þyrst getur það
orðið bágrækt og jafnvel ekki þolað
álagið sem fylgir löngum rekstri á
sólbjörtum degi. Því miður eru til
dæmi þessa.
Í rekstri verður að gæta að hæfi-
legum hraða og hafa farartæki við
höndina til þess að taka þreyttar eða
haltar kindur tímanlega á vagn. Sama
gildir ef menn sjá sjúkar kindur á
afrétti eða í rekstri, þá er mikilvægt
að taka þær upp á sérstakar kerrur og
koma skilaboðum þar að lútandi til
réttarstjóra og/eða héraðsdýralæknis,
sem gera þá viðeigandi ráðstafanir.
Réttarstjórn
Réttarstjórar þurfa að gæta að dýra-
velferð í réttum, og að sundurdráttur
gangi fljótt og vel fyrir sig. Stundum
þarf líka að gæta að börnunum sem
vilja hjálpa til, en hafa ekki reynslu í
meðhöndlun dýra. Hundar ættu ekki
að vera lausir í réttum.
Tryggja verður að ómerkingar og
línubrjótar fari tafarlaust til slátrunar.
Af þessum gripum getur stafað smit-
hætta, því skyldi aldrei taka heim
ómerkinga nema móðir hafi helgað
sér þá á ótvíræðan hátt.
/Halldór Runólfsson
yfirdýralæknir, Matvælastofnun.
Torf- og grjóthleðslur
Guðjón Kristinsson torf- og
grjóthleðslumeistari
Hefst 28. sept. hjá LbhÍ á Reykjum
Trjáfellingar og grisjun með
keðjusög
Björgvin Örn Eggertsson skógfræð-
ingur hjá LbhÍ og Böðvar Guðmunds-
son hjá Suðurlandsskógum
Hefst 9. okt. á Hallormsstað
Mengun - uppsprettur og áhrif
Cornelis Aart Meijles umhverfisverk-
fræðingur í Hollandi
Hefst 20. sep. hjá LbhÍ á Hvanneyri
Skjól, skógur og skipulag
Dr. Alexander (Sandy) Robertsson M
Sc., D.Phil (Oxon)
Hefst 25. okt. hjá LbhÍ á Hvanneyri
Grunnnámskeið í
blómaskreytingum
Guðrún Brynja Bárðardóttir brautar-
stjóri Blómaskreytingabraut LbhÍ
Haldið 3. nóv. hjá LbhÍ á Reykjum
Jarðræktarforritið Jörð.is
Í samstarfið við Bændasamtök Íslands og
Búnaðarsamband Austurlands
Borgar Páll Bragason verkefnastjóri
hjá Bændasamtökum Íslands
Haldið 16. nóv. á Vopnafirði
Aðventuskreytingar
Guðrún Brynja Bárðardóttir brautar-
stjóri Blómaskreytingabrautar LbhÍ
Haldið 24. nóv. hjá LbhÍ á Reykjum
Endurmenntun LbhÍ
Haustskreytingar
Guðrún Brynja Bárðardóttir brautar-
stjóri Blómaskreytingabrautar LbhÍ
Haldið 8. sept. hjá LbhÍ á Hvanneyri
Haldið 29. sept. hjá LbhÍ á Reykjum
Grunnur að jurtalitun
Philippe Ricart handverksmaður
Hefst 14. sept. hjá LbhÍ á Hvanneyri
Íslenska landnámshænan
Júlíus Már Baldursson bóndi
á Tjörn á Vatnsnesi
Haldið 20. sept. hjá LbhÍ á Hvanneyri
Haldið 25. sept. í Skagafirði
Skipulagslögfræði (6 ECTS)
Hjalti Steinþórsson hrl. forstöðu-
maður og formaður úrskurðar-
nefndar skipulags- og byggingarmála
Hefst 12. okt. hjá LbhÍ í Reykjavík
Húsgagnagerð úr skógarefni
Ólafur Oddsson fræðslufulltrúi
Skógræktar ríkisins og Ólafur G. E.
Sæmundsen skógtæknir
Hefst 21. sept. í Grímsnesi
Hefst 5. okt. í Grímsnesi
Grunnur að dkBúbót
Í samstarfi við Búnaðarsamband Suður-
lands og Búnaðarsamband Austurlands
Guðrún Sigurjónsdóttir bóndi á
Glitstöðum, Skafti Bjarnason Bænda-
bókhald BSSL og Sigurlaug Jónsdóttir
bóndi í Hraunkoti
Haldið 3. okt. á Selfossi
Haldið 4. okt. á Hvolsvelli
Haldið 5. okt. á Kirkjubæjarklaustri
Haldið 2. nóv. á Austurlandi
Allar nánari upplýsingar má finna á
www.lbhi.is/namskeid
Skráning fer fram á endurmenntun@lbhi.is
eða í síma 433 5000
Við erum líka á Facebook - facebook.com/namskeid
Óska eftir að kaupa
allar tegundir dráttarvéla
og diesel lyftara.
Uppl. í síma 866-0471
traktor408@gmail.com
Halldór Runólfsson.