Bændablaðið - 06.09.2012, Blaðsíða 26
26 Bændablaðið | Fimmtudagur 6. september 2012
Utan úr heimi
Í endaðan júlí hélt hópur íslenskra
bænda og bændaefna í land-
búnaðarfagferð til Frakklands
og Belgíu. Hér á eftir fylgir síðari
hluti ferðalýsingar um þessa ferð,
en fyrri hlutinn birtist í síðasta
Bændablaði.
Framleiðir rifsberjavín!
Miðvikudaginn 25. júlí var farið í
tvær stuttar heimsóknir til bænda
en annars var miðað við að unnt
væri að nota daginn til strandlegu,
í bænum Calais í norðurhluta
Frakklands, eða annarrar dægra-
dvalar. Sumir nýttu tækifærið og
voru eftir en flestir fóru þó með í
fagferðina þennan daginn. Fyrst var
farið í heimsókn til Romain Dolobel
sem er með afar áhugaverða vín-
framleiðslu í Loison-sur-Créquoise.
Þarna býr hann ásamt föður sínum
og framleiðir þrjár gerðir af léttvíni.
Þetta þykja nú trúlega ekki mikil
tíðindi í Frakklandi, en þó er afar
fágætt að vínframleiðsla sé stunduð
jafn norðarlega og bú þeirra feðga
er. Enda kom í ljós að þeir kaupa
að öll ber til framleiðslunnar, en
framleiðslan er jafnframt afar sér-
hæfð þar sem þeir búa til rifsberja-,
hindberja- og kirsuberjavín.
Berin lausfryst
Eftir staðgóða kynningu á fram-
leiðslunni, þar sem m.a. kom fram
að þeir feðgar fá berin lausfryst til
sín, var að sjálfsögðu komið að
því að bragða á framleiðslunni.
Léttvínið var virkilega bragðsterkt
og sætt enda sagði Romain að þessi
vín hentuðu fyrst og fremst sem for-
drykkjarvín. Margir ferðafélaganna
sáu þarna áhugaverða möguleika,
fyrst hægt er að kaupa berin laus-
fryst ætti allt eins að vera mögulegt
að framleiða svona vín á Íslandi.
Heimaostagerð
Næst var farið í heimsókn til Alice
Barlet en hún býr félagsbúi með
bróður sínum í Fruges-héraði.
Hann er með 50 svartskjöldóttar
kýr, sér um mjólkurframleiðslu
búsins og selur svo mjólk til osta-
gerðarinnar hjá Alice. Hún tekur
þó ekki við nema hluta af fram-
leiðslunni, svo restin fer í næstu
afurðastöð. Afar fróðlegt var að
fá innsýn í ostagerðina og það
hve einfaldur aðbúnaðurinn má
vera til þess að standast kröfur
Evrópusambandsins til ostagerðar.
Alice hafði einmitt nýverið fengið
úttekt þar sem allt rann í gegn,
bæði hálfmálaðir veggir, hrörleg
gólf, sérstök ferðamannaaðstaða
og svo mætti lengi telja. Það var
a.m.k. fróðlegt að sjá að franska
eftirlitsfólkið virðist leggja sig
fram við að gera bændum auðvelt
fyrir að framleiða heimagerðar
afurðir til sölu.
Köngulær gegna hlutverki
Alice framleiðir nokkrar gerðir
af ostum, allt frá mjúkostum til
gamalla ilmandi osta og fer mest
af framleiðslunni í sölu í verslunum
í nágrenninu. Mesta athygli vakti
þó sérostagerð ein sem byggir á
því að þegar osturinn er tilbúinn er
hann settur í lagerrými þar sem bú
er fyrir sérstakar köngulær. Þessar
vinnukonur eru sérstaklega settar á
ostana og byrja þær þá þegar að éta
yfirborð ostsins og spinna smávefi á
yfirborðinu. Við þetta harðnar yfir-
borðið og gerir ostinn endingarbetri,
að sögn Alice. Ekki voru nú allir í
hópnum tilbúnir að bragða þessa
sérstöku ostagerð, þó svo að Alice
segðist hafa þvegið yfirborðið. Þess
má þó geta að heimafólkinu finnst
best að borða þennan ost óþveginn,
með öllu því sem þá kann að finnast
á yfirborði ostsins! Frá Alice var
svo haldið á ný til Calais þar sem
flestir skelltu sér á ströndina í afar
góðu veðri.
Belgískur landbúnaður
Fimmtudaginn 26. júlí var ekið
frá Frakklandi og til Belgíu enda
framundan að fara á áðurnefnda
landbúnaðarsýningu þar í landi.
Belgískur landbúnaður er allums-
vifamikill, þó svo að Belgía sé
ekki beint þekkt fyrir landbúnað
enda hefur verið töluverður sam-
dráttur í þarlendum landbúnaði á
undanförnum árum. Í landinu eru
u.þ.b. 48 þúsund bú sem að jafn-
aði eru með um 30 hektara lands
og er stærð landbúnaðarlandsins
því rétt um 1,4 milljónir hektara.
Alls starfa um 65 þúsund manns á
þessum belgísku búum.
Nautgripir og svín
Landbúnaði í Belgíu má í raun skipta
í tvennt. Annars vegar bú sem ein-
göngu eru í jarðrækt og hins vegar bú
þar sem er skepnuhald. Alls eru um
2,6 milljónir nautgripa í landinu en
óvenjuhátt hlutfall þessara gripa er
holdanaut. Þannig skiptist t.d. fjöldi
kúnna nokkurn veginn til helminga
en í Belgíu eru 510 þúsund mjólkur-
kýr og 520 þúsund holdakýr! Þá er
svínarækt umsvifamikil, líkt og í
fleiri nágrannalöndum en í Belgíu
eru um 6,3 milljónir svína. Þó svo
að þessar búgreinar sem hér að
framan hafa verið nefndar séu lang-
umsvifamestar eru fjölmargar aðrar
búgreinar í landinu. T.d. eru um 150
þúsund kindur og 30 þúsund geitur í
Belgíu. Sé horft til jarðræktarinnar
er framleiðslan fjölbreytt en þyngst
vegur framleiðsla á sykurrófum,
kartöflum, byggi og hveiti (heimild:
Eurostat).
Nýtt fjós en þó hálfnýtt
Fyrsta búið sem var sótt heim í
Belgíu var kúabúið hjá Pascal
Deknudt í Hainaut héraði. Pascal er
með 60 Holstein Friesian mjólkur-
kýr og 70 Belgian Blue holdakýr
Fagferð til Frakklands og Belgíu – síðari hluti
Að sjálfsögðu fengu allir gestirnir að smakka framleiðsluna hjá Romain
Dolobel sem hér sést hella rifsberjavíni í glös. Myndir / Kjartan Guðjónsson.
Ostar þurfa tíma til þess að þroskast og í kjallara íbúðarhúss Alice Barlet voru margar hillur af ostum af ýmsum gerðum, sem biðu þess að verða tilbúnir
til pökkunar og sölu.
Hér má sjá, ótrúlegt en satt, eina af fjölmörgum köngulóm sem sjá um að
gera ákveðna ostategund að þeirri lúxusvöru sem hún er.
Tveggja mánaða gamlir nautkálfarnir eru strax byrjaðir að safna miklum
holdum eins og sjá má.