Bændablaðið - 06.09.2012, Blaðsíða 34
34 Bændablaðið | Fimmtudagur 6. september 2012
Helgi Árnason er fæddur á jörð-
inni 1956 en foreldrar hanns
byggðu nýbýlið Hjarðarás út
úr Snartarstöðum. Helgi er
búfræðingur að mennt. Sigurlína
Jóhanna Jóhannesdóttir sem fædd
er 1957 er alin er upp af öldruðum
systkinum í Flekkudal í Kjós.
Sigurlína útskrifaðist sem
ökukennari árið 1996 og hefur
starfað við það síðan. Lína og
Helgi taka við búskap 1978 á
Hvoli en Hvoll er einnig byggður
út úr Snartarstaðajörðinni. Þegar
Hjarðarásjörðin losnaði tóku
þau einnig við henni árið 1991
og þessir sameinuðu partar út
úr Snartarstöðum voru skírðir
Snartarstaðir 2. Snartarstaðir 2 er
ríkisjörð.
Býli? Snartarstaðir 2.
Staðsett í sveit? Við Kópasker í
Norðurþingi.
Ábúendur? Hjónin Helgi
Árnason og Sigurlína Jóhanna
Jóhannesdóttir, auk barna sinna,
Einars Atla 31 árs, og Úlfhildar Ídu
26 ára og tengdadótturinnar Elin
Petronella Hannulla.
Fjölskyldustærð (og gæludýra)?
Auk þessara barna sem hafa hér
enn aðsetur, eigum við einn 33
ára gamlan son, Guðna Þorra,
og tengdadótturinna Ríkey
Ferdinandsdóttur sem fært hafa
okkur tvö barnabörn; Patrek Helga
og Hrafnhildi Jóhönnu. Þau hafa
numið land í Noregi.
Stærð jarðar? 8.000 hektarar.
Tegund býlis? Blandað bú, þar sem
sauðfé leikur aðalhlutverkið, hestar
eru ræktaðir til notkunar innan bús
og til sölu eftir tamningu. Þá erum
við með æðarkollur, stundum járn-
smíði og fuglahræðugerð. Skógrækt
er á um 170 hekturum jarðarinnar.
Fjöldi búfjár og tegundir? 500
fjár, 25 hestar, 6 hundar og æðar-
kollur, en ekki er til siðs meðal
æðarræktenda að gefa upp fjölda
þeirra.
Hvernig gengur hefðbundinn
vinnudagur fyrir sig á bænum?
Á vetruna eru gjafir morgna og
kvölds og á milli þeirra eru hestar
tamdir, bæði heimahestar og aðrir
þeir hestar sem komið er með í
tamningu, en hér á Snartarstöðum 2
er reiðskemma hestamannafélagsins
Feykis. Smíði á sundurdráttarrenn-
um og klaufsnyrtistólum fyrir sauðfé
fer oft fram á dauða tímanum yfir
veturinn. Á vorin og/eða haustin er
fjöldinn allur af trjáplöntum gróður-
settur. Annars er þessum venjulegu
sveitastörfum sinnt.
Skemmtilegustu/leiðinlegustu
bústörfin? Skemmtulegustu sveita-
störfin eru göngur en leiðinlegustu
að halda utan um fjármálin og passa
upp á reikninga.
Hvernig sjáið þið búskapinn fyrir
ykkur á jörðinni eftir 5 ár? Með
svipuðu sniði, nema með hækk-
andi aldri ábúenda fer allt að ganga
hægar fyrir sig.
Hvaða skoðun hafið þið á félags-
málum bænda? Þau eru bara í
góðum gír.
Hvernig mun íslenskum land-
búnaði vegna í framtíðinni? Vel,
sérstaklega ef við segjum nei við
ESB.
Hvar teljið þið að helstu tæki-
færin séu í útflutningi íslenskra
búvara? Í lambakjöt sem lúxus-
vörum.
Hvað er alltaf til í ísskápnum?
Misgamalt grænmeti.
Hver er vinsælasti maturinn á
heimilinu? Ærfille í hvítlauks-
rjómasósu.
Eftirminnilegasta atvikið við
bústörfin? Þegar ég gleymdi að
skrúfa fyrir vatnið í tað-fjárhús-
unum að kvöldi og þegar ég kom
að morguninn eftir komu 350 ær
syndandi á móti mér.
Í bókinni Matsveppir í nátt-
úru Íslands eftir Ásu Margréti
Ásgrímsdóttur gefur að líta
fjölmargar uppskriftir og ráð-
leggingar um hvernig best sé að
meðhöndla villta, íslenska og
æta matsveppi til hins ýtrasta í
matargerðina.
Tagliatelle með villisveppum
› 30 g eða lófafylli af kóngssvepp
› eða öðrum þurrkuðum sveppum
› 2 msk ólífuolía
› 3 hvítlauksgeirar, marðir létt með flötu
hnífsblaði
› 200 ml hvítvín eða vatnið sem
sveppirnir voru bleyttir í
› (eða blanda af hvoru tveggja; einnig
má nota vatn og grænmetis- eða
sveppakraft)
› 250 ml rjómi (má sleppa og nota þá
meiri vökva í staðinn)
› salt og nýmalaður pipar
› 400 g tagliatelle eða annað pasta af
stærri gerðinni
› fersk basilíka
› rifinn parmesanostur
Aðferð:
Sveppirnir muldir svolítið og lagðir
í bleyti í volgt
vatn í 2 klst.
Olían hituð á
pönnu, heilu
hvítlauksgeir-
arnir steiktir
í henni góða
stund við
meðalhita en
svo teknir af
pönnunni og
fleygt. Vatninu hellt af sveppunum
(og það geymt ef á að nota það) og
þeir síðan þerraðir á eldhúspappír
og steiktir í olíunni góða stund við
meðalhita. Kryddað með salti og pipar.
Víni, sveppavatni eða soði hellt út í
og látið malla í 10 mínútur eða þar til
vökv¬inn hefur minnkað um helming.
Rjóminn er svo settur saman við og
soðið örlítið lengur. Pastað er soðið í
saltvatni samkvæmt leiðbeiningum á
pakka og þegar það er hæfilega soðið
er því hellt í sigti og látið renna af
því. Það er svo sett út í sveppasósuna,
saxaðri basilíku blandað saman við
og öllu hellt í skál. Borið fram með
nýrifnum parmesanosti og góðu
brauði.
Djúpsteiktir sveppir
› 500 g ferskir hattsveppir
› hveiti
› pipar
› salt
› 1 egg
› brauðmylsna
Aðferð:
Stafirnir skornir af sveppunum.
Höttunum er svo velt upp úr hveiti
krydduðu með pipar og salti, síðan
eggi og loks brauðmylsnu. Steiktir
í vel heitri olíu í 3-5 mínútur og
látið renna af þeim á eldhúspappír.
Bornir fram sem meðlæti eða sem
smáréttur með öðrum mat. /ehg
Líf og lyst
BÆRINN OKKAR
Íslenskir,
villtir sveppir
í matargerðina
MATARKRÓKURINN
Snartarstaðir II
Mynd /Kristbjörg Sigurðardóttir
Nýbornar ær sendar út í harðindi norðursins.