Bændablaðið - 06.09.2012, Blaðsíða 36
36 Bændablaðið | Fimmtudagur 6. september 2012
Íslensk hönnun
Sigrún Einarsdóttir hönnuður
heldur úti hönnunarsíðunni
cooldesign.is þar sem hún selur
ýmsar vörur sem hún hefur
hannað og farið út í framleiðslu
á. Hún lærði grafíska hönnun í
París, fór í framhaldinu í vöru-
hönnunarnám við Iðnskólann í
Hafnarfirði og hafa margar hug-
myndir sprottið fram og orðið að
veruleika eftir námsárin.
Upphaf:
Ég hef unnið við hönnun frá 1987,
bæði á auglýsingastofum og sem
sjálfstætt starfandi hönnuður og á
þessum langa tíma komið að ýmsu
sem tengist hönnun. Eftir svo lang-
an tíma í tvívíðri hönnun langaði
mig að færa mig yfir í þrívíða og
dreif sem sagt í því. Ég hef alltaf
haft gaman af að teikna og skapa
og var síkrotandi sem barn. Þegar
kom að því að velja sér starfs-
grundvöll fékk ég mjög sterka og
góða hvatningu frá vinkonu minni
um að fara inn á þessa braut, hún
hafði meiri trú á mér en ég sjálf!
Ég flaug inn í Parsons og var þar
í fjögur ár.
Efniviður:
Í Iðnskólanum eru frábær verkstæði
og þar lærði ég að smíða úr tré,
málmi og plasti. Ég blanda saman
þessum ólíkum efnum, ég nota líka
óhefðbundin efni og form í hvers-
dagslega hluti, eins og til dæmis
diskamottur Errós sem eru í formi
málarapalettu og prentaðar á endur-
unninn karton sem er margnota,
og Duggadugg-skálarnar, sem eru
gerðar úr endurunnum og spón-
lögðum pappa og smíða ég hverja
og eina sjálf. Fuglahúsaljóskerin
eru handrennd fyrir mig af Aldísi
systur minni, úr steinleir en ég
skreyti svo hvert og eitt.
Innblástur:
Alls staðar að úr daglegu lífi.
Ég heillast af litum og graf-
ískum formum, gleði og húmor
og blanda þessu inn í vörurnar.
Að hugsa út fyrir hinn venjulega
ramma heillar mig og að fara
óhefðbundnar leiðir.
Framundan:
Að selja og að koma vörum mín-
um meira á framfæri. Ég hvet fólk
eindregið til að kíkja á heimasíðu
mína, www.cooldesign.is – og ef
einhvern sem þetta les langar að
selja vörur mínar, þá endilega
að hafa samband. Nú, svo er ég
að vinna í nýjum og spennandi
vörum sem vonandi líta dagsins
ljós fyrr en seinna. /ehg
Hugsar út fyrir rammann
-