Fréttablaðið - 19.01.2012, Blaðsíða 40

19. janúar 2012 FIMMTUDAGUR32 32
menning@frettabladid.is
Bækur ★★★★★
Dagbók Ólafíu Arndísar
Kristjana Friðbjörnsdóttir
JPV útgáfa
Stórgóð og grallaraleg
krakkasaga
Eins og titillinn ber með sér, þá notast höfundur
við dagbókarformið í þessari bók. Ólafía Arndís
er 12 ára og nýflutt til Dalvíkur ásamt foreldrum
sínum og yngri bróður. Hún er mjög ósátt við
þá ákvörðun, fer í rokna fýlu og skrifar í dag-
bókina til þess að fá útrás fyrir tilfinningar sínar.
Áhrifavaldur hennar er Anna Frank, en í upphafi sögu er Ólafía Arndís að lesa
dagbókina hennar. Í unglingadramanu samsamar hún sig Önnu og telur að þær
séu á sama báti, neyddar til innilokunar með fjölskyldu sinni (en það er raunar
áður en hún kemst að því að Dagbók Önnu Frank endar illa!).
Fýlan bráir fljótt af Ólafíu Arndísi og á Dalvík eignast hún hundinn Tótu
og góða vini, Anton Ísberg og lömuðu stúlkuna Matthildi. Lífið er þó ekkert
skemmtilegt ef það er of fullkomið og Ólafía stendur í þó nokkru stímabraki
við frekjudósina Töru, sem nefnd er Tarantúla, og ræður öllu í krakkahópnum í
bænum.
Persóna Ólafíu er heillandi vegna þess að hún er ekki ofurgáfaður og með-
vitaður unglingur, heldur leyfir höfundur henni að vera svolítill vitleysingur (tja,
svona eins og við erum flest þegar við erum tólf ára). Hún er dyntótt, fáfróð
og fordómafull á köflum, en alltaf skemmtileg og hún kann þá list að læra af
reynslunni.
Eins og góðum barnabókahöfundi sæmir, þá notar Kristjana Friðbjörns-
dóttir aðstöðu sína til þess að fræða um leið og hún skemmtir. Ólafía Arndís
gælir lengi við þá hugsun að strjúka frá Dalvík og því er henni umhugað um að
útvega sér vinnu til þess að eiga fyrir fargjaldinu aftur suður. Hún er beðin að
lesa fyrir Gunnhildi, gamla konu sem á orðið erfitt með að lesa sjálf, og tekur
því launanna vegna, þó að í upphafi lítist hinni tólf ára gömlu Ólafíu ekkert á
blikuna; að þurfa að híma yfir eldgamalli kerlingu og lesa fyrir hana upphátt
úr Nonnabókunum! Gunnhildur reynist þó hin skemmtilegasta og hún kennir
Ólafíu sitthvað um gamla tíma.
Krakkarnir Ólafía og Anton Ísberg reyna líka að grennslast fyrir um eiganda
dagbókar frá árinu 1934, sem Ólafía Arndís finnur í kjallara hússins sem hún býr
í og það bætir spennu við frásögnina.
Dagbók Ólafíu Arndísar er fyrst og fremst skemmtileg, en líka fróðleg, vegna
þess að höfundur tengir saman fortíð og samtíð á snjallan máta (meðal annars
með því að láta þrjár dagbækur frá mismunandi tímum kallast á). Sagan er fjör-
lega rituð og það er mikil leikgleði í textanum. Málfarið er ennfremur galgopa-
og hressilegt. Eiginlega get ég varla ímyndað mér lesglaða krakka sem ekki falla
kylliflöt fyrir þessari bók. Þórunn Hrefna Sigurjónsdóttir
Niðurstaða: Fjörug og grallaraleg saga, sem líka er fræðandi á margvíslegan
máta.
Sími í m
iðasölu

551 120
0
„Hreinsun er dýrmætt stykki...“
SA - TMM
„Þessar leikkonur vinna þrekvirki...“
KHH - Fréttatíminn
„Umfjöllunarefnið er nokkuð sem ekki verður horft undan“
SGV - Morgunblaðið
Síðasta sýning 13. janúar,
aukasýning 20. janúar!
Áleitið og óvægið verk
sem lætur engan ósnortinn!HREINSUN
eftir SOFI OKSANEN
Hinn rúmlega sjötugi eðlis-
fræðingur Eysteinn Péturs-
son gaf nýverið út sína
fyrstu breiðskífu, Það er
margt í mannheimi. Sonur
hans, tónlistarmaðurinn
Svavar Pétur, hvatti föður
sinn til dáða, tók plötuna
upp og gefur hana út.
„Ég var alls ekki viss um að þessi
tónlist ætti erindi til almennings,
en sonur minn hvatti mig áfram.
Einnig hef ég lengi átt draum um
að koma þessum lögum á varan-
legt form og halda þeim á lífi, að
minnsta kosti meðan ég sjálfur
lifi,“ segir hinn 72 ára gamli eðlis-
fræðingur Eysteinn Pétursson
sem gaf út sína fyrstu plötu, Það
er margt í mannheimi, fyrir jólin.
Tónlistarmaðurinn Svavar Pétur
úr sveitunum Skakkamanage og
Prinspóló, sonur Eysteins, tók
plötuna upp í skorpum víðs vegar
um landið á síðustu fimm árum
og gefur hana út undir merkjum
Skakkapopp.
Eysteinn starfaði lengi sem
eðlis fræðingur á Land spítalanum
en settist í helgan stein fyrir
skemmstu. Hann segist alla tíð
hafa haft áhuga á tónlist, en
fyrsta hljóðfærið sem hann lék á
var harmonikka sem drengur af
nágrannabæ í Suðursveit fékk að
geyma heima hjá Eysteini þegar
hann var um átta ára aldurinn.
„Ég suðaði í mömmu að fá að kíkja
í töskuna og hún leyfði mér það
að lokum því ég hef alltaf verið
ýtinn. Ég tók aðeins í hljóðfærið
en passaði mig svo á því að loka
töskunni vel á eftir svo ekki sæist
að við hana hefði verið átt,“ segir
Eysteinn og hlær, sem aldrei hefur
lært í tónlistarskóla. „Æ síðan
hefur það verið árátta hjá mér
að fá að snerta öll þau hljóðfæri
sem ég sé og reyna að ná úr þeim
einhverjum tónum. Það hefur
tekist með öll hljóðfæri sem ég hef
prófað nema trompet. Þessa þrjá
takka skil ég alls ekki.“
Eysteinn hóf að leika á gítar á
námsárunum í Kaupmannahöfn á
sjöunda áratugnum, nánar tiltekið
á stúdentagörðum við Tagensvej,
um það leyti sem þjóðlagatónlistin
hóf að ryðja sér rúms.
„Fólk í kringum mig taldi að
ég hefði þokka lega söng rödd og
vildi að ég yrði einhvers konar
trúbador, sem ég varð reyndar
aldrei, en í gegnum tíðina hef ég
gamnað mér við að semja stöku
lag og komið fram á mannamótum
við og við. Þegar vel liggur á
mér syng ég og spila heima við,
fjölskyldunni til misjafnlega
mikillar skemmtunar,“ segir
Eysteinn, en á plötunni syngur
hann eigin lög, gömul þjóðlög og
söngva sem voru í hávegum hafðir
á námsárunum í Kaupmannahöfn.
Aðspurður segir eðlisfræðingur-
inn ekki standa til að leggja í gerð
annarrar plötu að svo stöddu. „Það
eru engin áform um það, enda var
nógu erfitt að koma þessari plötu
saman,“ segir Eysteinn, sem flytur
lög í Bókabúð máls og menningar
klukkan 16 á morgun.
kjartan@frettabladid.is
Vildi halda lögunum á lífi
ÞAÐ ER MARGT Í MANNHEIMI „Þegar vel liggur á mér syng ég og spila heima við, fjölskyldunni til misjafnlega mikillar
skemmtunar,“ segir Eysteinn Pétursson, sem gaf nýlega út sína fyrstu plötu.
FRÉTTABLAÐIÐ/STEFÁN
Frönsk kvikmyndahátíð verður
haldin dagana 27. janúar til 9.
febrúar í Háskólabíói og 17.
til 20. febrúar í Borgarbíói á
Akureyri.
Meðal mynda sem verða á
hátíðinni í ár er myndin The Artist
eftir Michel Hazanavicius sem
vann þrenn Golden Globe-verðlaun
og er talin sigurstrangleg í
baráttunni um Óskarinn. Í henni
segir frá George Valentin, sem
var stjarna þöglu kvikmyndanna
í Hollywood 1927. Vinsældir og
athygli myndarinnar hafa komið
öllum að óvörum því hún er
svarthvít og þögul.
Alliance française í Reykjavík
skipu leggur hátíðina í sam-
vinnu við Græna ljósið, Institut
français og sendi ráð Frakklands
á Íslandi. Fjöl breyti legar myndir
frá Frakklandi og frönsku-
mælandi svæðum heimsins
verða sýndar á hátíðinni sem nú
er haldin í tólfta sinn.
The Artist á Frönsku
kvikmyndahátíðinni
ÞORBJÖRG BR. GUNNARSDÓTTIR verður með sýningarstjóraspjall um sýninguna Kyrralíf í Hafnarborg sem var
opnuð þann 7. janúar síðastliðinn. Á sýningunni er athyglinni beint að kyrralífsmyndum eftir íslenska listamenn og glímu þeirra
við form og liti sem listformið felur í sér.