Fréttablaðið - 24.02.2012, Blaðsíða 26

6 • LÍFIÐ 24. FEBRÚAR 2012
Hvað varð til þess að þið stofnuð-
uð fyrirtækið Arca?
Vilborg Við stofnuðum Arca í lok
ágúst 2009. Kveikjan að öllu saman
var kökudiskur á fæti en hann má
taka í sundur og er afhentur í flötum
pakkningum. Grunnhugmynd Arca er
einmitt sú að varan á að vera not-
endavæn, stílhrein og fyrirferðar mikil
á borði en nett í geymslu.
Hafdís Við höfum alveg frá byrj-
un haft það markmið að geta lifað
af hönnun okkar og eitt af því er að
koma vörunni á erlendan markað sem
við erum byrjaðar að vinna í. Nú þegar
er varan okkar seld í Kaupmanna-
höfn, París og London. Þessir sölu-
aðilar fundu okkur á internetinu og
höfðu samband við okkur á Facebook.
Frakkar eru sjúkir í jökulinn og kerta-
stjakana. Í Danmörku er eftirspurn eftir
vöru úr áli frá okkur og í Bretlandi selj-
um við mikið af smávörunni.
Hvernig gengur samstarfið?
Hafdís Ég er það heppin að vera að
vinna með bestu vinkonu minni og
samstarfið gengur í alla staði mjög
vel. Við bætum hvor aðra upp og
þegar við tvær komum saman þá er
fátt sem stoppar okkur.
Vilborg Við Hafdís erum það
heppnar að eiga skap saman ásamt
því að vera bestu vinkonur sem auð-
veldar vinnu okkar töluvert en gaman
er að nefna það að langflestar hug-
myndir hafa litið dagsins ljós yfir
kaffibolla og hlátrasköllum án nokk-
urrar fyrirhafnar. Sameiginleg ástríða
okkar beggja er klárlega að Arca nái
þeim hæðum erlendis sem við von-
umst til. Við höfum allt frá fyrsta degi
litið á þetta sem tækifæri til að skapa
okkur atvinnu og tekjulind.
Hvernig gengur að vera framakon-
ur með stóra fjölskyldu?
Vilborg Það er heilmikil vinna að
reka fyrirtæki og sjá um heimili
samhliða því. Ég bý samt að reynslu
foreldra minna en þau hafa verið í
rekstri frá því ég man eftir mér. Þegar
mikið er um að vera og lítill tími sem
gefst fyrir strákana mína finn ég best
hve mikilvægt er að skipuleggja mig
vel. Án þess væri ég ekki þar sem ég
er í dag, ég fer aldrei út án þess að
hafa með mér dagbók og paratabs.
Hafdís Það gengur vel ef allir
hjálpast að. Birta, elsta dóttir mín, er
ofsalega dugleg að hjálpa mér með
að passa litlu systkini sín. Ég gæti
þetta ekki án hennar en óneitan-
lega er oft erfitt að samræma þetta
allt saman, sérstaklega á álagstím-
um eins og t.d. um jólin. Þá erum við
að vinna frá morgni til kvölds og ég
hef lítinn tíma í hluti eins og að elda
kvöldmat og læra með krökkunum.
Við borðum t.d. skyndibita fyrir allt
árið í desember. En við reynum allt-
af a.m.k. að hafa frí á sunnudögum
og þar reyni ég að troða vikudagskrá
með fjölskyldunni á einn dag.
Finnið þið fyrir samviskubiti gagn-
vart fjölskyldunni þegar álagið
tengt rekstrinum er sem mest?
Vilborg Vissulega hef ég samvisku-
bit gagnvart strákunum þegar álagið
er mikið. Ég held að fjörið sé nú bara
rétt að byrja því vinnan hér heima er
barnaleikur einn miðað við það sem
tekur við erlendis. Þar eru hlutirn-
ir ekki eins fljótir að gerast eins og
hér. Allt ferlið tekur lengri tíma, meiri
kostnaður og enginn tími fyrir mis-
tök.
Hafdís Ég held að maður búi sér
oft til samviskubitið sjálfur, og ég er
engin undantekning. Ég fæ sam-
viskubit yfir ótrúlegustu smáhlutum
og ég er til dæmis langt fram í janú-
ar að vinna mig niður í samviskubit-
inu frá desembermánuði.
Vilborg Við göntumst stundum
með það að við ættum að njóta þess
núna því óvíst er að við eigum eftir
að hafa svo mikinn tíma að ári ef allt
gengur samkvæmt áætlun. En fjöl-
skyldan var nú meginástæða þess
að við stofnuðum Arca. Við þurftum
báðar að búa okkur til tekjulind. Til-
gangurinn helgar svo meðalið. Í dag
horfum við björtum augum til fram-
tíðar með það að leiðarljósi að ef allt
gengur upp þá sættum við okkur við
smá samviskubit en á móti kemur
öryggisnetið sem við byggjum upp
með afkomu af rekstri sem gengur
vel og gerir okkur kleift að leyfa fjöl-
skyldunni að njóta á ýmsa vegu.
Ég held að við konur séum allt
of móttækilegar fyrir tilhugsun-
inni um samviskubit gagnvart hinu
og þessu fremur en karlmenn al-
mennt. Af hverju ættum við ekki að
feta í fótspor þeirra og líða jafn vel
fyrir vikið þegar vinnutími eykst og
tekjur aukast? Við erum nú búnar að
berjast fyrir kvenréttindum í mörg ár
– njótum afrakstursins í guðanna
bænum.
FRAMAKONUR Í
FYRIRTÆKJAREKSTRI
Vilborg Aldís Ragnarsdóttir og Hafdís Heiðarsdóttir stofnuðu hönnunarfyrirtækið Arca
árið 2009 eftir að þær hönnuðu kökudisk á fæti sem sló í gegn. Vinkonurnar finna
stundum fyrir samviskubiti gagnvart fjölskyldunni þegar álagið er sem mest í rekstr-
inum en láta það ekki stoppa sig þegar kemur að útrás en nú þegar er hönnun þeirra
seld í París, Kaupmannahöfn og London.
VILBORG ALDÍS RAGNARSDÓTTIR
ALDUR: 37 ára.
MAKI: Gift Ingvari Hilmarssyni.
BÖRN: Daníel Þór Ingvarsson 16 ára og
Ragnar Freyr Ingvarsson 10 ára.
HAFDÍS HEIÐARSDÓTTIR
ALDUR: 34 ára.
MAKI: Er gift Þórhalli Jóhannssyni.
BÖRN: Birta 12 ára, Jökull 7 ára og Yrja 3 ára.
Kökudiskur
úr plexilgeri
sem stöllurnar
hönnuðu árið
2009.
Kertastjakinn
Jökull sem er
bæði notað-
ur fyrir hákerti
og sprittkerti.
– Lifið heil
www.lyfja.is
ÍS
L
E
N
S
K
A
/S
IA
.I
S
/L
Y
F
5
82
75
0
2/
12
Vöðva og liða Galdur.
Á bólgur og verki.
Húð Galdur.
Á hvers kyns húðútbrot og kláða.
20%
afsláttur
Lægra
verð
í Lyfju
Tilboðið gildir út febrúar.
Fermingarföt
fermingargjafir
Nýjar vörur – Nýtt kortatímabil
Armbönd, úr og fleiri fylgihlutir á frábæru verði
SOHO/MARKET
Á FACEBOOKGrensásvegur 8, sími 553 7300 Opið mán–fös 12–18 og laugd 12–17