Fréttablaðið - 09.03.2012, Page 6

9. mars 2012 FÖSTUDAGUR6
Bezposrednie loty do Warszawy, Krakowa, Wilna i
Pragi latem 2012 w atrakcyjnej cenie.
–zaplanuj je z nami
Marta Nasz pracownik mowiacy
po polsku i caly dzial obslugi
klienta Iceland Express jest
zawsze gotowy pomoc.
Zapoznaj sie z nasza oferta !
Ármúla 7 | 108 Reykjavík | 5 500 600 | www.icelandexpress.is
Cena od
W jedna strone z oplatami lotniskowymi i podatkami
25.900 kr.
Nadchodza
wakacje
DÓMSMÁL Viggó Þórir Þórisson,
fyrrverandi framkvæmdastjóri
Verðbréfaþjónustu Sparisjóðanna
(VSP), var í Héraðsdómi Reykjaness
í gær dæmdur í tveggja ára óskil-
orðsbundið fangelsi fyrir tilraun
til fjársvika. Hann var sýknaður af
ákæru um stórfelld umboðssvik.
Málið hefur verið til rann sóknar
frá árinu 2007 og sætti Viggó meðal
annars farbanni vegna þess í 23
mánuði, lengur en nokkur annar
hefur gert á Íslandi.
Málið tengist erlendu félagi sem
kallast Napis og Viggó var talinn
eiga, þótt hann hafi sjálfur fullyrt
að það væri í eigu vinar hans. Brot
hans var talið felast í útgáfu til-
hæfulausrar ábyrgðaryfirlýsingar
upp á 200 milljónir Bandaríkjadala.
Ef viðskiptafléttan hefði gengið upp
hefði Napis hagnast verulega.
Saksóknari hafði krafðist
fjögurra ára fangelsisdóms yfir
Viggó og sagði við meðferð málsins
að um alþjóðlega svikamyllu hefði
verið að ræða.
Niðurstaða héraðsdóms er sú
að brotavilji Viggós hafi verið ein-
beittur og að um afar háar fjár-
hæðir hafi verið að tefla. Til þess
beri að líta við ákvörðun refsingar.
Þá hafi verknaðurinn leitt til þess að
starfsemi VSP fór í þrot.
Á hinn bóginn sé til þess að líta
að tilraunir Viggós til blekkinga
hafi verið mjög veikburða og
ósannfærandi í ljósi þess að þær
beindust að fagfjárfestum og
bankastofnunum.
Dráttur málsins þykir rétt-
lætanlegur í ljósi þess hversu
umfangsmikil rannsóknin var.
Afla þurfti gagna víða um heim og
taka skýrslur af vitnum í þremur
löndum auk þess sem Viggó var
ekki að öllu leyti samvinnufús við
rannsóknina. - sh
Fyrrverandi framkvæmdastjóri VSP fær tveggja ára fangelsisdóm fyrir umfangsmikinn blekkingarleik:
Dæmdur í fangelsi fyrir mislukkaða svikamyllu
FLÓKIÐ MÁL Héraðsdómur Reykjaness
telur drátt málsins réttlætanlegan.
VIÐSKIPTI Rúmur helmingur fyrir-
tækja sem falla undir ný lög um
kynjahlutfall í stjórnum, eða 55
prósent, þarf að bæta við konu eða
konum í stjórn. Alls falla 285 fyrir-
tæki undir löggjöfina sem tekur
gildi í september á næsta ári. Þetta
kom fram á fundi sem Samtök
atvinnulífsins, Viðskiptaráð Íslands,
Félag kvenna í atvinnurekstri,
Kauphöllin, Samtök verslunar- og
þjónustu og efnahags- og viðskipta-
ráðuneytið stóðu fyrir í gær.
Fram kom að alls vantar 192
konur í stjórnir til að jafna kynja-
hlutföll þeirra, en á fundinum lagði
Félag kvenna í atvinnurekstri fram
lista með tengiliðaupplýsingum 190
kvenna sem bjóða fram krafta sína.
Í opnunarræðu sinni á fundinum
hafði Steingrímur J. Sigfússon,
efnahags- og viðskiptaráðherra,
sérstaklega orð á þeim tíðindum að
Samtök atvinnulífsins hafi tilnefnt
14 stjórnarmenn til setu í stjórnum
átta lífeyrissjóða til næstu tveggja
ára og að þar af væru 10 konur.
Ísland er með fyrstu löndum
sem fylgja fordæmi Norðmanna
með lagasetningu um kynjakvóta
í stjórnum fyrirtækja. Taldi ráð-
herra víst að víðtæk sátt yrði um
þessa tilhögun. „Í fyrsta lagi er
þetta sjálfsagt og eðlilegur hlutur
í samfélaginu eins og við viljum
hafa það. Um þetta ætti hvorki að
þurfa að rökræða né rífast,“ sagði
Steingrímur, og benti á að rannsókn-
ir sýndu að fyrir tækjum með fjöl-
breyttar stjórnir og jöfn kynjahlut-
föll farnist betur en öðrum.
Í svipaðan streng tók Páll Harðar-
son, forstjóri Kauphallarinnar.
Hann sagði því auðsvarað hvað hafi
orðið verðbréfamarkaði hér að falli:
einsleitni og slæmir stjórnar hættir.
Helmingur þarf að
fjölga konum í stjórn
Einsleitar stjórnir stuðluðu að efnahagshruninu hér, að mati forstjóra Kaup-
hallarinnar. 190 konur vantar í stjórnir 285 fyrirtækja til þess að uppfylla lög
um kynjakvóta sem taka gildi á næsta ári. 45 prósent uppfylla skilyrði.
SPJALL FYRIR FUND Björgólfur Jóhannsson, forstjóri Icelandair Group, og
Steingrímur J. Sigfússon, efnahags- og viðskiptaráðherra, stinga saman nefjum
við upphaf morgunverðarráðstefnu í gær. FRÉTTABLAÐIÐ/GVA
Fjármálafyrirtækið Stefnir, sem er í eigu Arion banka, er fyrsta fyrirtækið til
að ljúka formlegu úttektarferli á stjórnarháttum fyrirtækja. Ferlið var sett á
laggirnar á fyrri hluta árs 2011 með samstarfssamningi Viðskiptaráðs Íslands,
Samtaka atvinnulífsins, NASDAQ OMX Iceland og Rannsóknarmiðstöðvar
um stjórnarhætti við Háskóla Íslands. „Stefnir hf. lauk úttektarferlinu í
febrúar á þessu ári, en það var KPMG sem annaðist hlutverk úttektaraðila,“
segir í umfjöllun Viðskiptaráðs, en greint var frá áfanganum á ráðstefnu um
góða stjórnarhætti sem fram fór á Hilton Reykjavík Nordica í gærmorgun.
„Að mati Rannsóknarmiðstöðvarinnar stóðst Stefnir hf. úttektarferlið og telst
því fyrirmyndarfyrirtæki í stjórnarháttum.“
Stjórnarhættir Stefnis til fyrirmyndar
„Þetta varð til þess að margir féllu
á sama tíma. Með meiri fyrirhyggju
hefðu fjármálafyrirtækin getað
staðið af sér fjármálakreppuna.”
Lið í því að bæta stjórnarhætti
og losna úr viðjum kunningjasam-
félagsins sagði Páll vera að auka
hlutfall kvenna, og þar með fjöl-
breytnina, í stjórnum fyrirtækja.
Um leið sagði hann það þó enga
tryggingu fyrir velgengni og benti á
að kynjahlutföll hafi verið þau sömu
í stjórnum fyrirtækjanna sem best
komu út úr hruninu og þeirra sem
urðu verst úti.
„Ég held það væri vel til fundið
af fyrirtækjum að láta gera úttekt
á sínum stjórnarháttum. En lykil-
atriðið er samt vakandi fjárfestar.
Fjárfestar sem láta sig stjórnar-
hætti fyrirtækja varða,“ sagði Páll.
olikr@frettabladid.is
„Bara að drífa sig.
Ef þú finnur einhver einkenni, ekki hika
við að leita til læknis.”
Safnaðu mottu og áheitum á www.mottumars.is
H
:N
M
ar
ka
ðs
sa
m
sk
ip
ti
/ S
ÍA

Sigurjón M. Egilsson
stýrir Sprengisandi
á sunnudags morgnum kl. 10–12
Sprengisandur
kraftmikill þjóðmálaþáttur
Ert þú ánægð(ur) með þá tón-
listarviðburði sem hafa verið í
boði í Hörpu til þessa?
JÁ 51,2%
NEI 48,8%
SPURNING DAGSINS Í DAG:
Hefur þú áhyggjur af umsvifum
glæpagengja á Íslandi?
Segðu þína skoðun inni á Vísi.is
KJÖRKASSINN