Fréttablaðið - 17.04.2012, Blaðsíða 6

17. apríl 2012 ÞRIÐJUDAGUR6
N J Ó T U M Þ E S S A Ð H R E Y F A O K K U R
50%
afsláttur
LEIFUR Á VINNUSTOFUNNI Á næstu dögum verður verkinu pakkað saman og það
flutt til London, þar sem það verður sett upp í maí. FRÉTTABLAÐIÐ/STEFÁN
FÓLK „Þetta er búið að vera feiki-
lega áhugavert verkefni og er mik-
ill heiður,“ segir Leifur Breiðfjörð
listamaður sem var valinn úr hópi
fjörutíu listamanna til þess að gera
glugga í dómkirkjunni Southwark í
London. Glugginn er til-
einkaður Elísabetu ann-
arri drottningu, og verð-
ur vígður á valdaafmæli
hennar í byrjun júní.
„Mér þótti vænt um að
fá þetta verkefni og ég
ákvað strax að vinna
þetta allt sjálfur, alveg
frá byrjun.“
Ákveðið var að efna til
samkeppni fyrir tveimur
árum og var um fjörutíu
glerlistamönnum boðið
að taka þátt. Leifur er
sá eini sem er ekki frá
Bretlandi. Í fyrrasumar
var honum tilkynnt að
hann hefði unnið keppnina. Að því
loknu fór málið fyrir fimm nefndir,
bæði innan kirkjunnar og í húsa-
friðunarnefnd. Þegar allar nefnd-
irnar höfðu samþykkt verkið þurfti
að kynna það í 28 daga í kirkjunni.
Því var ekki ljóst fyrr en í janúar
að af verkinu yrði, en Leifur tók
sénsinn og byrjaði að vinna í októ-
ber, segir Sigríður Jóhannsdóttir
kona hans.
Leifur segir merkileg og
skemmtileg tengsl við dómkirkjuna
í Reykjavík í verkinu. Hann notar
meðal annars gler sem áður var
í gluggum kirkjunnar.
„Þegar ég var að velja
glerið í þessa mynd
vantaði mig ákveðna
liti. Ég fór að kíkja á
allt glerið sem ég átti og
fann þetta.“ Hann segir
að þegar kirkjunni var
breytt árið 1985 hafi
hann haft milligöngu
um kaup á nýju gleri í
kórglugga. Henda átti
glerinu sem tekið var
úr, en hann fékk að eiga
búta af gula glerinu og
hefur geymt þá allar
götur síðan.
Southwark-kirkjan er
meðal elstu gotnesku bygginganna
í London. Sá hluti kirkjunnar þar
sem glugginn verður er frá því um
1215. Leifur mun á næstu dögum
pakka verkinu saman til flutnings
og eftir helgi verður það sent með
hraðpósti beint í kirkjuna í London,
þar sem það verður sett upp í maí.
thorunn@frettabladid.is
Hannar glugga
fyrir Elísabetu
drottningu
Leifur Breiðfjörð listamaður var valinn úr hópi
fjörutíu listamanna til að gera glugga í dómkirkju í
London. Glugginn er tileinkaður Elísabetu drottn-
ingu og verður vígður á sextíu ára valdaafmælinu.
Haldið er upp á sextíu ára
valdaafmæli Elísabetar drottn-
ingar allt þetta ár, en dagana frá
2. til 5. júní verður mikil hátíð.
Gefið hefur verið frí mánudag og
þriðjudag vegna hátíðarhaldanna.
Meðal þess stærsta sem mun
eiga sér stað er sigling um þús-
und báta og skipa á ánni Thames,
sunnudaginn 3. júní. Brúm yfir
ána verður lokað meðan á þessu
stendur og búist er við um sex
milljónum manna á bökkum
árinnar.
Þennan sama sunnudag verður
listaverk Leifs vígt í Southwark-
dómkirkjunni. Kirkjan tekur um
2.500 manns í sæti og hefur yfir
2.000 verið boðið til athafnar-
innar 3. júní. Leifur og Sigríður
kona hans verða meðal gesta í
kirkjunni.
Gríðarmikil
hátíðarhöld
gerir grillmat að hreinu lostæti!
E
N
N
E
M
M
/
S
IA
/
N
M
46
40
7
E
N
N
E
M
TVÆR NÝJARBRAGÐTEGUNDIR
Save the Children á Íslandi
BEIRÚT, AP Ban Ki-moon, aðalritari Samein-
uðu þjóðanna (SÞ), brýndi fyrir sýrlenskum
stjórnvöldum í gær að tryggja fullt ferða-
frelsi eftirlitsmanna SÞ í landinu. Eftir-
litsmenn Sameinuðu þjóðanna komu til
Sýrlands í gær en hlutverk þeirra er að
fylgjast með því að staðið sé við vopnahlé
stríðandi fylkinga í landinu.
Vopnahléið virtist vera að leysast upp
í ófrið á sunnudag þegar stjórnarherinn
skaut sprengjum að íbúðahverfum í borg-
inni Homs þar sem uppreisnarmenn ráða
ríkjum.
Árásunum hefur hins vegar ekki verið
fylgt eftir og þá hafa átök í landinu minnk-
að merkjanlega frá því að vopnahléið tók
gildi fyrir fimm dögum.
Í samtali við blaðamenn í Brussel kall-
aði Ban eftir því að eftirlitsmennirnir yrðu
ekki hindraðir að neinu leyti í störfum
sínum. Hann sagði vopnahléið mjög brot-
hætt en við það yrði að standa.
Alþjóðasamfélagið vonast eftir því að til-
koma eftirlitsmanna frá SÞ letji stjórnar-
herinn og uppreisnarmennina í landinu frá
frekari átökum. Haldi vopnahléið verður
reynt að stíga frekari skref í friðaráætlun
Kofi Annans, sérlegs erindreka SÞ í Sýr-
landi, sem Bashar al-Assad, forseti Sýr-
lands, hefur samþykkt. - mþl
Ban Ki-moon segir sýrlensk stjórnvöld verða að tryggja fullt ferðafrelsi eftirlitsmanna SÞ í landinu:
Eftirlitsmenn Sameinuðu þjóðanna farnir af stað
DAMASKUS Í GÆR Eftirlitsmenn Sameinuðu þjóðanna
komu til Damaskus seint á sunnudag og hófu skoðunar-
ferðir í gær. FRÉTTABLAÐIÐ/AP
Vilt þú að Sjálfstæðisflokkurinn
hafi aðkomu að næstu ríkis-
stjórn?
JÁ 44,2%
NEI 55,8%
SPURNING DAGSINS Í DAG:
Á að hætta aðildarviðræðum
við ESB eða gera hlé á þeim
vegna Icesave-dómsmálsins?
Segðu þína skoðun á visir.is
KJÖRKASSINN
Mér þótti vænt
um að fá þetta
verkefni og ég
ákvað strax að
vinna þetta allt
sjálfur, alveg frá
byrjun.
LEIFUR BREIÐFJÖRÐ
MYNDLISTAMAÐUR