Fréttablaðið - 24.04.2012, Qupperneq 2

24. apríl 2012 ÞRIÐJUDAGUR2
ALÞINGI Meirihluti fjárlaga-
nefndar Alþingis telur að of stór
hluti útgjalda ríkisins hvert ár sé
fastur í mörkuðum tekjustofnum.
Nú lætur nærri að um fjórðungur
útgjalda sé fyrirfram ákveðinn og
telur nefndin það allt of hátt hlut-
fall.
Nefndarálit um frumvarp til
lokafjárlaga fyrir 2010 var lagt
fram á Alþingi fyrir helgi. Meiri-
hluti fjárlaganefndar leggur til
að frumvarp fjármálaráðherra
um lokafjárlögin verði samþykkt
óbreytt.
Fjárlaganefndin telur eðlilegra
að mun lægra hlutfall útgjalda sé
markað fyrirfram, „enda í lang-
flestum tilfellum mun gegnsærra
og einfaldara fyrirkomulag að láta
þessa tekjustofna renna í ríkissjóð
og veita þess í stað bein framlög
til reksturs og framkvæmda í
samræmi við ákvarðanir og for-
gangsröðun fjárlaga hverju sinni.“
Sigríður Ingibjörg Inga dóttir,
formaður fjárlaganefndar, og
meirihlutinn boða frumvarp um
afnám mörkun ríkistekna.
Í því kemur fram að fjárlaga-
heimildir til ráðstöfunar árið 2010
voru 579 milljarðar króna. Útgjöld
ársins námu hins vegar tæpum
602 milljörðum króna og fjár-
lagahallinn var 22,7 milljarðar
króna. Í meirihluta álitinu kemur
fram að 33 milljarða króna fram-
lag til Íbúðalánasjóðs skýri þann
halla, en sú greiðsla var samþykkt
í fjáraukalögum 2010. Að því
framlagi undanskildu var staðan
á ríkissjóði í árslok jákvæð um
10,3 milljarða.
Fjárlaganefndin telur að áður
en til slíkra fjárheimilda komi
þurfi að upplýsa Alþingi betur.
„Nauðsynlegt
er að Alþingi sé
að fullu upplýst
um fjárhags-
stöðu sjóða áður
en kemur að
veitingu heim-
ilda af þessu
tagi, þannig að
tryggt sé á hvaða
forsendum fram-
lög eru veitt og
að fullt samræmi sé á milli fjár-
heimilda og reiknings að þessu
leyti,“ segir í áliti meirihlutans.
Nefndin telur að vinnubrögð við
fjárlagagerð hafi batnað og hlut-
verk fjárlaganefndarinnar aukist.
Bætt hafi verið úr því ósamræmi
sem verið hafi um árabil á milli
lokafjárlagafrumvarps og ríkis-
reiknings, varðandi fjárhæðir sem
flytjast frá fyrra ári fyrir fjárlaga-
liði. „Hins vegar kemur enn fram
mismunur á einstaka viðfangs-
efnum innan fjárlagaliða. Meiri-
hlutinn leggur áherslu á að bætt
verði úr því í frumvarpi til loka-
fjárlaga ársins 2011.“
kolbeinn@frettabladid.is
Fjórðungur útgjalda
ákveðinn fyrirfram
Nær fjórðungur útgjalda ríkisins er fastur í mörkuðum tekjustofnum hvert ár.
Þessu vill fjárlaganefnd breyta. Unnið er að endurskoðun á lögum um fjár-
reiður ríkisins. Lokafjárlög 2010 jákvæð að frátöldu framlagi til Íbúðalánasjóðs.
SIGRÍÐUR INGI-
BJÖRG INGADÓTTIR
SKEGGRÆTT Steingrímur J. Sigfússon hætti sem fjármálaráðherra um síðustu áramót.
Fjárlaganefnd telur að vinna við fjárlagagerð hafi batnað til muna, en boðar frumvarp
um að mörkuðum tekjustofnum verði snarfækkað. FRÉTTABLAÐIÐ/GVA
N J Ó T U M Þ E S S A Ð H R E Y F A O K K U R
50%
afsláttur
NOREGUR, AP Fjöldamorðinginn
Anders Behring Breivik segir
umræðu um geðheilsu sína ein-
kennast af kynþáttamisrétti. Þetta
sagði hann fyrir dómi í gær, en þar
með lauk vitnisburði hans í málinu.
Breivik er áfjáður í að sanna að
hann sé fullkomlega heill á geði, en
það er í raun eini óvissuþátturinn
í málinu, enda játaði hann að hafa
myrt fólkið.
Hann bar við sjálfsvörn en litlar
líkur eru á því að þau rök verði
tekin gild.
Hann kvartaði hátt yfir að þurfa
að þola að geðheilsa hans væri
dregin í efa.
Enginn hefði
sent hann í sak-
hæfismat ef
hann hefði verið
„skeggjaður
jihadisti“.
„En þar sem
ég er herskár
þjóðernissinni,
þarf ég að þola
alvarlegt kyn-
þáttamisrétti,“ sagði hann. „Þeir
eru að reyna að grafa undan rétt-
mæti alls sem ég stend fyrir.“
Tvær rannsóknir voru gerðar
á sakhæfi Breiviks, en niður-
stöðurnar voru á sinn veginn hvor.
21 árs fangelsi liggur við brotum
Breiviks verði hann fundinn sekur,
en þann dóm má framlengja verði
talin stafa ógn af honum. Verði
hann fundinn ósakhæfur verður
hann vistaður á réttargeðdeild um
óákveðinn tíma.
Breivik sýndi enga iðrun vegna
morðanna í Útey, en baðst afsök-
unar á því að kráareigandi hefði
verið meðal þeirra sem létu lífið
í sprengingunni í Ósló. Hann hafi
verið almennur borgari og ekki átt
skilið að deyja. - þj
Vitnisburði fjöldamorðingjans Anders Behring Breivik lauk fyrir rétti í gær:
Segist fórnarlamb kynþáttamisréttis
ANDERS BEHRING
BREIVIK
KÓREA, AP Yfirmenn hersins í
Norður-Kóreu hótuðu í gær að
eyða stjórnvöldum í Suður-Kóreu
á örskotsstundu, ef ekki yrði lát á
meintum ögrunum þaðan.
Í yfirlýsingu hersins segir að
stjórnvöld í Seoul megi eiga von
á leiftursnöggum refsiaðgerðum.
Þrjár til fjórar mínútur myndu
nægja til að leggja óvini Norður-
Kóreu í rúst.
Mikill óstöðugleiki einkennir
ástandið á Kóreuskaga, en þetta
þykir þó beinskeyttasta hótunin
hingað til. Margt þykir benda til
þess að Norður-Kórea hyggi á
fleiri tilraunir með kjarnavopn
á næstunni og útlit fyrir spennu-
þrungna tíma fram undan. - þj
Deilur stigmagnast:
Norður-Kórea
hótar árásum
HERSKÁIR Yfirstjórn hersins í Norður-
Kóreu varaði Suður-Kóreu við frekari
ögrunum. FRÉTTABLAÐIÐ/AP
BANDARÍKIN, AP George Zimmer-
man, sem ákærður er fyrir að hafa
skotið til bana 17 ára vopnlausan
ungling í Flórída í febrúar, hefur
verið látinn laus gegn tryggingu.
Fjölskylda Zimmermans þurfti
að reiða fram tíunda part trygg-
ingarinnar, sem hljóðaði upp á
150 þúsund Bandaríkjadali. Faðir
hans er talinn hafa veðsett hús
sitt til að afla 15 þúsund dalanna
sem til þurfti, en upphæðin sam-
svarar tæpum tveimur milljónum
íslenskra króna.
Zimmerman var látinn laus á
miðnætti á sunnudagskvöld og
færður á ótilgreindan stað. Málið
hefur vakið mikla athygli í Banda-
ríkjunum og um heim allan. - óká
Reiddi fram 15 þúsund dali:
Látinn laus
gegn tryggingu
LAUS George Zimmerman, til vinstri,
yfirgefur fangelsið. FRÉTTABLAÐIÐ/AP
STJÓRNSÝSLA Stjórnvöld ættu að
hafa arðsemisútreikninga að baki
ákvörðunum í umferðaröryggis-
málum. Þá ætti umferðaröryggi
alltaf að vera haft að leiðarljósi
við hönnun vega og umferðar-
mannvirkja. Þetta er meðal þess
sem kemur fram í áfangaskýrslu
starfshóps innanríkisráðuneytis
um áratug umferðaröryggis.
Í skýrslunni segir að stjórn-
völd skuli skerpa á reglum um
skoðun og skráningu ökutækja og
endurskoða reglur um breytingar
á ökutækjum. Þá ætti að efla
kennslu í skyndihjálp og vegfar-
endur ættu ætíð að nota öryggis-
búnað sem uppfyllir kröfur. - sv
Skýrsla um umferðaröryggi:
Margar tillögur
um breytingar
SLYS Maður á þrítugsaldri lést í bíl-
slysi við Skaftártunguveg í gær.
Þrennt var í bílnum, allt ungmenni
frá Suður-Kóreu á ferð um landið,
en hin tvö sluppu með minni háttar
meiðsl. Þau voru í bílbelti.
Maðurinn sem lést var farþegi í
aftursæti bílsins. Samkvæmt upp-
lýsingum frá lögreglu hafði hann
losað bílbeltið í örskotsstund, en á
meðan missti ökumaðurinn stjórn
á bílnum með þeim afleiðingum að
hann valt margar veltur og enda-
stakkst í hraunið austan Kúða-
fljóts. Fólkið kom til landsins um
síðustu helgi. - sv
Ungmenni frá S-Kóreu í slysi:
Ferðamaður
lést í bílslysi
HAGTÖLUR Hækkun vísitölu bygg-
ingarkostnaðar um 1,4 prósent á
milli mars og apríl skýrist fyrst
og fremst af auknum kostnaði við
jarðvegslosun. Svæði fyrir hana
var fært frá Hólmsheiði í Bola-
öldur í mars og hefur það áhrif
til 1,2 prósenta hækkunar vísi-
tölunnar. Þetta kemur fram hjá
Hagstofu Íslands.
Byggingarvísitala um miðjan
apríl er 115 stig og gildir hún út
maí. Hún hefur, á síðustu tólf
mánuðum, hækkað um 7,8 pró-
sent. - kóp
Byggingarvísitala hækkar:
Jarðvegslosun
hækkar vísitölu
FERÐAÞJÓNUSTA „Þetta er að mínu mati hálfslöpp
gestrisni og ekki í takt við það sem Íslendingar
hafa hingað til sýnt og við viljum vera þekkt fyrir,“
segir Erna Hauksdóttir, framkvæmdastjóri Sam-
taka ferðaþjónustunnar, um ákvörðun Kerfélagsins
að meina kínverskum og íslenskum ráðamönnum að
skoða náttúruperluna um síðustu helgi. Þeir voru á
ferð um svæðið á hópferðabíl um helgina.
Erna bendir þó á að ákvörðunin sé innan ramma
laganna, þar sem kveðið er á um að umferð stórra
hópferðabíla sé óleyfileg á vissum stöðum á landinu,
nema með veittu leyfi rekstraraðila.
Nokkrar undantekningar eru á svonefndum
almannarétti er varðar umgengni almennings við
íslenska náttúru. Ein slík tilgreinir að þeir sem
skipuleggja hópferðir í atvinnuskyni þurfa að hafa
samráð við landeigenda og virða umgengnisregl-
ur, að því er fram kemur í tilkynningu Umhverfis-
stofnunar sem birt var í gær í tilefni umræðunnar
undanfarinna daga.
Þó telur stofnunin að landeigendum sé heimilt að
setja umgengnisreglur á landi sínu svo sem til að
stýra og skipuleggja umferð um svæðið með það að
leiðarljósi að hlífa viðkvæmri náttúru fyrir ágangi.
„Ég hélt að Kerfélagið myndi kannski launa hinu
opinbera styrkina sem það hefur fengið í gegnum
tíðina, þar sem opinberir aðilar byggðu upp að-
stöðuna þarna,“ segir Erna. Er þetta í fyrsta sinn
sem hún heyrir af máli sem þessu. - sv
„Hálfslöpp gestrisni,“ segir framkvæmdastjóri Samtaka ferðaþjónustunnar:
Bannið innan ramma laganna
KERIÐ Ákvörðun Kerfélagsins um að banna stjórnvöldum að
heimsækja Kerið hefur vakið hörð viðbrögð.
MYND/NJÖRÐUR HELGASON
Janus, ertu teknískur tónlistar-
maður?
„Tæknilega séð… Já og nei.“
Tónlistarmaðurinn Janus Rasmussen
skipar teknóbandið Kiasmos, ásamt Ólafi
Arnalds.
SPURNING DAGSINS