Fréttablaðið - 27.04.2012, Blaðsíða 6

27. apríl 2012 FÖSTUDAGUR6
Aðalfundur
Lífeyrissjóðs
Tannlæknafélags
Íslands
Aðalfundur Lífeyrissjóðs Tannlæknafélags
Íslands verður haldinn föstudaginn 11. maí,
kl. 16 í sal Tannlæknafélags Íslands, Síðumúla 35.
Dagskrá fundarins eru almenn aðalfundarstörf
samkvæmt samþykktum sjóðsins.
Atkvæðaréttur sjóðfélaga telst eftir eign þeirra og
réttindum við síðastliðin áramót. Rétthafar eiga
rétt til fundarsetu með málfrelsi og atkvæðarétt.
Aðalfundargögn má nálgast á vefsíðu sjóðsins,
www.li.is/ls/ltfi, og hjá Verðbréfa- og lífeyrisráðgjöf
Landsbankans, Austurstræti 11.
Virðingarfyllst,
Stjórn Lífeyrissjóðs Tannlæknafélags Íslands
Viðræður um 15 af 33 köfl-
um í samningum við Evr-
ópusambandið eru hafnar.
Þar af er 10 lokið. Samn-
ingsafstaða hefur verið
samþykkt í 5 köflum í við-
bót við það. Stefnt er að
því að samningsafstaða í
sjávarútvegsmálum verði
tilbúin fyrir sumarfrí.
Utanríkisráðherra kynnti
skýrslu sína í gær.
Össur Skarphéðinsson utanríkis-
ráðherra kynnti skýrslu sína um
utanríkis- og alþjóðamál í gær. Eins
og við var að búast var hún efnis-
mikil og fjöldi þingmanna tjáði sig
um efni hennar. Raunar varð nokk-
ur bið á því að umræður gætu haf-
ist, þar sem nokkrar umræður urðu
um fundarstjórn forseta.
Jón Bjarnason hóf þá umræðu og
spurði hverju sætti að ekki hefði
enn farið fram utandagskrárum-
ræða um stöðu aðildarviðræðna
við Evrópusambandið (ESB) sem
hann óskaði eftir 21. febrúar. Ásta
Ragnheiður Jóhannesdóttir, forseti
Alþingis, sagði að því miður hefði
ekki gefist rúm til umræðunnar. Nú
gæfist hins vegar færi á að ræða
þennan þátt.
Þetta þótti Jóni og fleiri þing-
mönnum óeðlilegt, nóg væri annað
í skýrslunni að ræða og Evrópumál-
in væru það víðfeðm að þau verð-
skulduðu sérumræðu. Fór enda svo
að nánast öll umræðan snerist um
aðildarviðræðurnar.
Markmið í 20 köflum
Málefnum í viðræðunum er skipt
upp í 33 kafla. Í skýrslu Össurar
kemur fram að viðræður eru hafn-
ar í 15 af þeim og þar af lokið í tíu.
Þar að auki hafa samningsmarkmið
Íslands verið samþykkt í 5 köflum
og kynnt ESB, en þeir bíða umfjöll-
unar ríkjaráðstefnu. Samnings-
markmið Íslendinga eru því sam-
þykkt í 20 af 33 köflum.
Össur sagði þetta sýna að við-
ræðuferlið gengi vel. Margir
stjórnarþingmenn tóku undir það
mat ráðherrans.
Bjarni Benediktsson, formað-
ur Sjálfstæðisflokksins, gaf hins
vegar ekki mikið fyrir það að tek-
ist hefði að ljúka viðræðum í jafn
mörgum köflum og raun ber vitni.
Kjötmestu kaflarnir væru allir
eftir.
„Það hefur ekkert gerst annað í
þrjú ár annað en að við höfum lokað
köflum sem ekkert þurfti að semja
um,“ sagði Bjarni. Sumir þeirra
hefðu varla verið fundarins virði,
þar sem samhljómur íslenskrar
stjórnsýslu og þeirrar evrópsku
væri þegar svo mikill.
Sjávarútvegur í sumar
Össur sagði frá því að ítrekað hefði
verið lögð á það áhersla af Íslands
hálfu að viðræður um sjávarútveg
hæfust sem fyrst. ESB hefði hins
vegar ekki lokið umfjöllun um rýn-
iskýrslu um kaflann og upphaf við-
ræðna væri því óljóst.
Í ofanálag stæði yfir endurskoð-
un ESB á hinni sameiginlegu sjáv-
arútvegsstefnu. „Það veldur töfum
og gerir viðræðurnar flóknari, þar
sem þær reglur sem semja þarf
um liggja ekki fyrir að fullu leyti.“
Össur sagði frumdrög samn-
ingsafstöðu Íslands liggja fyrir,
en þar væri fjallað um ákveðnar
staðreyndir í íslenskum sjávarút-
vegi. Þar mætti nefna þjóðhags-
legt mikilvægi, fiskveiðistjórnun-
arkerfið og ástand nytjastofna.
Þetta hefði verið rætt í samninga-
hópnum og stefnt væri að því að
ljúka gerð samningsafstöðunnar
fyrir sumarfrí.
Sérstaða í landbúnaði
Í skýrslu ráðherra er ítrekað að álit
meirihluta utanríkismálanefndar
Alþingis liggi til grundvallar samn-
ingsmarkmiðum á sviði Alþingis.
„Í samningsafstöðunni verður
sérstöðu Íslands og íslensks land-
búnaðar haldið á lofti, en hún er
umtalsverð og gefur tilefni til að
skoða lausnir sem ekki eru til stað-
ar í núverandi löggjöf Evrópusam-
bandsins, eða að þróa nýjar aðferðir
á grunni þess sem fyrir er.“
Stefna utanríkisráðuneytisins er
að hægt sé að leggja fram samn-
ingsafstöðu Íslands fyrir haust-
ið. Til að það takist þarf að leggja
fram tímasetta aðgerðaráætlun um
það hvernig hrinda á í framkvæmd
landbúnaðarstefnu ESB við aðild.
Framkvæmdastjórn ESB birti
12. október tillögur um sameig-
inlega landbúnaðarstefnu fyrir
skipulagstímabilið 2014 til 2020.
Taka þarf mið af þeim breytingum
í samningaviðræðum, að mati Öss-
urar. Hann telur þó að þær hafi ekki
mikil áhrif á grundvallarhagsmuni
Íslands í viðræðunum.
Allt hitt
Af umræðum á Alþingi mátti glöggt
sjá að Evrópumálin eru fyrirferð-
armestu utanríkismál Íslendinga.
Raunar svo fyrirferðarmikil að fátt
annað komst að.
Guðmundur Steingrímsson, þing-
maður utan flokka, vakti, ásamt
öðrum athygli á þessu. Hann sagði
skýrsluna fyrst og fremst sýna
að mikið starf væri unnið í utan-
ríkisráðuneytinu. „Það afsann-
ar þá klisju að utanríkisþjón-
ustan geri ekkert nema að sinna
Evrópusambandinu.“
Ragnheiður Elín Árnadóttir,
þingmaður Sjálfstæðisflokksins,
og Árni Þór Sigurðsson, þingmað-
ur Vinstri grænna, tókust á um það
hvort aðild Íslendinga að hernað-
arátökum í Líbíu hefði verið kynnt
í ríkisstjórn fyrirfram og þá hve
ítarlega.
Þór Saari, þingmaður Hreyfing-
arinnar, kallaði eftir umræðum
um aðild Íslendinga að Atlantshafs-
bandalaginu, sem hann sagði úrelta
stofnun.
Þá kallaði Bjarni Benediktsson
eftir því að umræður færu fram
um fleiri þætti skýrslunnar: þró-
unarsamvinnu, samstarf við önnur
lönd um jarðhita, norðurslóðamál
og fleira.
Samningaviðræður
eru nær hálfnaðar
Fimmtán kaflar ræddir – tíu lokið
Samningskaflar Viðræður hafnar Viðræðum lokið
1. Frjálsir vöruflutningar*
2. Frjáls för vinnuafls okt. 2011 okt. 2011
3. Staðfesturéttur og þjónustufrelsi
4. Frjálsir fjármagnsflutningar
5. Opinber innkaup júní 2011
6. Félagaréttur des. 2011 des. 2011
7. Hugverkaréttur okt. 2011 okt. 2011
8. Samkeppnismál mar. 2012
9. Fjármálaþjónusta
10. Upplýsingasamf. og fjölmiðlar júní 2011
11. Landbúnaður og dreifbýlisþróun
12. Matvælaöryggi og dýra- og plöntuheilbr.
13. Sjávarútvegur
14. Flutningastarfsemi*
15. Orkumál mars 2012
16. Skattamál
17. Efnahags- og peningamál
18. Hagtölur *
19. Félags- og vinnumál*
20. Fyrirtækja- og iðnstefna des. 2011 des. 2011
21. Samevrópskt net des. 2011 des. 2011
22. Byggðastefna og samræming uppbyggingarsjóða
23. Réttarvarsla og grundvallarréttindi des. 2011 des. 2011
24. Dóms- og innanríkismál
25. Vísindi og rannsóknir júní 2011 júní 2011
26. Menntun og menning júní 2011 júní 2011
27. Umhverfismál
28. Neytenda- og heilsuvernd mars 2012 mars 2012
29. Tollabandalag
30. Utanríkistengsl
31. Utanríkis-, öryggis- og varnarmál mars 2012 mars 2012
32. Fjárhagslegt eftirlit*
33. Framlagsmál des. 2011
Samtals opið: 15 Þar af lokið: 10
*Samningsafstaða samþykkt og kynnt ESB. Umfjöllun bíður ríkjaráðstefnu
ÞUNGT MÁL Utanríkismál Íslendinga hverfast um Evrópusambandsumsókn, ef marka
má umræður á þingi í gær. Miklar deilur voru um skýrslu Össurar Skarphéðinssonar
utanríkisráðherra og kröfðust margir þingmenn þjóðaratkvæðagreiðslu um hvort
draga ætti umsóknina til baka. FRÉTTABLAÐIÐ/VILHELM
FRÉTTASKÝRING: Skýrsla utanríkisráðherra um alþjóða- og utanríkismál
Kolbeinn
Óttarsson Proppé
kolbeinn@frettabladid.is
Samningaviðræður um 31. kaflann, utanríkis-, öryggis- og varnarmál, tóku
aðeins einn dag. Þær fóru fram á ríkjaráðstefnu Íslands og ESB 30. mars,
sem er nokkuð táknræn dagsetning í þessum málaflokki, þar sem Ísland
gekk í Atlantshafsbandalagið á þeim degi árið 1949. Skammur samnings-
tími er, í skýrslunni, sagður til marks um hve mikla samleið Ísland eigi nú
með aðildarríkjum ESB í þessum efnum, ekki síst í gegnum aðildina að
Atlantshafsbandalaginu.
Í skýrslunni kemur einnig fram að áhrif aðgangs að fríverslunarneti ESB
við aðild, í stað núverandi fríverslunarsamninga, hafi verið greind. Almennt
verði ekki mikil breyting á markaðsaðgangi til þriðju ríkja, komi til aðildar.
Í kaflanum kemur einnig fram að framlag Íslendinga til þróunarsamvinnu
mundi hækka við aðild og þá hafi verið rætt um skuldbindingar Íslands
hvað varðar aðild að Evrópska þróunarsjóðnum ef til aðildar kemur.
Herleysi Íslands áréttað